ལུང་པ་གང་སར་ནས་བོན་པོ་བན་ལ་འགྱུར་བཞིན་པ།--གནམ་སྲས་གཟི་དམར།

གནམ་སྲས་གཟི་དམར།

སྤྱི་བསྒྲགས།

རུས་མིང་མཐའ་ཞུ་ཡེ་ཤེས་བསྟན་འཛིན། སེར་མིང་འོད་ཟེར་མཐར་རྒྱས་འབྲེལ་གཏུག་གློག་འཕྲིན་18708082885 ཡང་ན་༡༨༨༩༨༠༡༣༥༨༨འབྲེལ་གཏུག་གློག་མཐོང་QQ1656147408 རྒྱ་ཆེའི་དྲྭ་གྲོགས་ཚོས་སློབ་སྟོན་དང་རྒྱབ་སྐྱོར་རོག་རིམ་གང་མང་གནང་བའི་རེ་བ་ཆེའོ།། །།

ལི་ཐོ།

<< < 2021 - 5 > >>
༧	༡	༢	༣	༤	༥	༦
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

ཆེད་སྒྲིག་རྣམ་དབྱེ།

མདུན་ངོས། པར་དེབ། ཤོག་བྱང་།

པར་མཛོད།

ཟིན་ཐོ་གསར་བ།

དཔྱད་གཏམ་གསར་བ།

ཆེམས་གསར་བ།

ཆེམས་འཇོག་པ།

ནང་འཇུག

དྲ་གྲོགས།

སྦྲེལ་མཐུད།

ཟིན་བྲིས་ཆ་འཕྲིན།

ཟིན་ཐོ། 197
དཔྱད་བརྗོད། 64

ཆེམས། 0
ཀློག་གྲངས། 65072

ལུང་པ་གང་སར་ནས་བོན་པོ་བན་ལ་འགྱུར་བཞིན་པ། | 2016/5/29 10:51:00

推荐

ལུང་པ་གང་སར་ནས་བོན་པོ་བན་ལ་འགྱུར་བཞིན་པ། དེ་ཡང་དང་པོ་ཚ་བ་རོང་གི་སྐོར་ཞིག་ཞུ། དེམཚམས་ལུང་པ་གཞན་ནས་བོན་བན་འགྱུར་ཚུལ་ཞུ་བར་འདོད་དོ། བོད་ལྗོངས་བག་ཡབ་གྲོང་ཁྱེར་རྫ་ཡུལ་རྫོང་། ཚ་བ་རོང་ཤང་སོགས། རྒྱ་མོ་རྔུལ་ཆུའི་ཆུ་རྒྱུད་ཀྱི་ བོན་པོའི་མི་སྡེ་ཡོད་སའི་ས་ཁུལ་འདི་ནི། གནས་ཆེན་ཁ་བ་དཀར་པོའི་ལྷོ་ནུབ་ཕྱོགས་སུ་འཁེར་ཞིང་། ཡུལ་འདིར་དེ་སྔོན་སྨན་རིའི་མཁན་ཆེན། ཕུན་ཚོགས་བློ་གྲོས་རིན་པོ་ཆེ་མཆོག་དང་། ནག་ཚང་རྨེའུ་རུས་སྐལ་བཟང་རྒྱ་མཚོ་རིན་པོ་ཆེ་སོགས། སྐྱེས་ཆེན་དམ་པ་འགའ་འཁྲུངས་མྱོང་ཡོད་པ་དང་། བོན་པོའི་གནས་རི་གཉིས་དང་། དགོན་པ་གསུམ། རི་ཁྲོད་ཁ་ཤས་ཡོད་ལ། གཡུང་དྲུང་བོན་རྒྱ་ཆེ་ཙམ་དར་སའི་ས་ཆ་ཞིག་ཡིན་ནའང་། རིག་གནས་གསར་བརྗེའི་རྗེས། ཆོས་དད་རང་མོས་ཀྱི་སྐབས། གྲྭ་བ་བླ་མ་ཧ་ལམ་ལྷག་མེད་པ་དང་། འགའ་ཤས་ལྷག་པ་དེ་ཚོའང་། ཡུན་རིང་མ་བཞུགས་པར་ཞིང་ལ་ཕེབས་ནས། དགོན་སྡེ་བསྐྱར་གསོ་དང་། རི་ཁྲོད་འཛིན་མཁན་མ་བྱུང་བར་ཡུན་རིང་ལུས་ནའང་། གྲོང་ཚོག་གཅིག་ལ། སྤྱི་ཚོགས་རྙིང་པའི་གྲྭ་པ་གཡུང་དྲུང་ཤེས་རབ་ཞུ་བ་ཞིག་དང་། གྲོང་ཚོ་གཅིག་ལ་བཀྲ་ཤིས་ཞུ་བ་གཉིས། ལུས་ཡོད་པ་དེ་གཉིས་ལོ་ཤས་བཞུགས་རིང་། དེ་གཉིས་ཀྱིས་འདི་ཕྱོགས་ཀྱི་བོན་འབང་ཁག་ལ། སྐུ་རིམ་ཞབས་བརྟན་སྒྲུབ་ཤིང་། ཨ་རྒྱ་བླ་མ་ཁོང་ལའང་། སྐྱབས་འགྲོ་སེམས་བསྐྱེད། བྱམས་མ་སྟག་ལ། ཚོགས་འདོན་ཇ་མཆོད། བསྔོ་བ་སྨོན་ལམ་སོགས། འདོན་ཆ་སྐོར་འགའ་ཞིག་བློ་ལ་སློབས་རོགས་མཛད། དེ་ནས་ཁོང་རྣམ་་གཉིས་སྔ་རྗེས་སུ་ཞིང་ལ་ཕེབས་པས། ཡུལ་འདིར་བླ་མ་གྲྭ་བ་སོགས་གཞན་སུ་ཡང་མེད་པའི། ཨ་རྒྱ་བླ་མས་སྡེ་ནང་གསོན་གཤིན་རིམ་གྲོ། ཁོང་གི་བློ་ལ་ཡོད་པ་རྣམས་གསུང་པར་མཛད། དེ་ཡང་ཨ་རྒྱ་བླ་མ་ཞུ་བ་ཁོང་ནི། སྟག་ལ་དགོན་པའི་ཁོངས་སུ་སྐྱེས་ཤིང་། སྐྱེས་ནས་ཟླ་བ་ཁ་ཤས་ནས་ཚ་བ་སྙུང་སྟེ། སྤྱན་གཅིག་ལོང་བ་དང་། སྤྱན་གཅིག་གིས་འགྲོ་ལམ་མཐོང་ཙམ་ལས། ཡི་གེ་སོགས་ཆུང་བ་ནི་མཐོང་མི་ཐུབ་པར་གྱུར། དེ་ནས་ལོ་གཅིག་ལོན་པ་དང་། རུས་རྨེའུ་ཚང་ཡིན་པའི་ནག་ཚང་སྐལ་བཟང་རྒྱ་མཚོ་ཞུ་བ། ཁྱུང་པོ་བཟོད་པ་རིན་པོ་ཆེའི་སློབ་མ། དེའི་མདུན་དུ་སྐྲ་ཕུད་ཕུལ་ཏེ་གྲྭ་པ་ཞུས། དེ་ནས་ལོ་བཅུ་སྐབས་རིག་གནས་གསར་བརྗེ་བྱས། རྗེས་སུ་ཆོས་དད་རང་མོས་སྐབས། གོང་གི་གྲྭ་རྒན་གཉིས་ཀྱི་འདོན་པ་ཁ་ཤས་བློ་ལ་བསླབས། ཁོང་རྣམ་གཉིས་འདས་རྗེས། ༡༩༩༣་ལོར་ཨ་རྒྱ་བླ་མ་ཁོང་གི་སྔར་གྱི་སྟག་ལ་དགོན་གསར་གྱི། ས་དེ་བདག་ནས་དེར་འཁོར་ཁང་ཞིག་ཕྱག་བཏབ་ནས་དེར་བཞུགས་ཏེ། སྙིང་པོ་རྣམ་གསུམ་སོགས་བསགས་ཏེ། དགེ་སྦྱོར་སྒྲུབ་བཞིན་བཞུགས། དེ་ནས་དགོན་པ་བསྐྱར་གསོའི་རེ་བ་ཆེ་ཡང་ཁོང་གི་བྱ་ཐབས་བྲལ། དེར་ནག་ཚང་གི་རུས་རྨེའུ་ཡིན་པ་དང་། རྩེ་དྲུག་ཉི་དགའ་རིན་པོ་ཆེ་དང་ཉེ་འབྲེལ་ཡིན་སྟབས། ཉི་དགའ་རིན་པོ་ཆེ་ཁོང་གིས། ༢༠༡༡་ལོར། བཙུན་མ་ཚུལ་ཁྲིམས་བཟང་མོ་དེར་མངག་མཛད་དེ། དགོན་པའི་འདུ་ཁང་བཞེངས་བཞིན་པ་རེད་འདུག་ དགོན་ཁོངས་སུ་དུད་བརྒྱ་ལྷག་ཙམ་འདུག་ བཙུན་མ་ཁོང་ནི། བིན་ཐོ་དགོན་པའི་ཁོང་ནས། མཁའ་འགྲོ་གཡུང་དྲུང་ལྷ་མཆོག་གི་གཅུང་མོ་ཡིན་པ་དང་། ཁོང་དང་པོ་རྩེ་དྲུག་ཏུ་ནམ་མཁའ་རིན་པོ་ཆེར། སྐྲ་ཕུད་ཕུལ་རྗེས། སྔོན་འགྲོ་དངོས་གཞི་སོགས་སྦྱོང་པ་དང་། དེ་ནས་རག་ཤི་རྟོགས་ལྡན་རིན་པོ་ཆེའི། མདུན་དུ་ཟླ་ཤས་བཅར་བ་དང་། དེ་ནས་ཧོར་གྱི་རི་ཁྲོད་འགའ་ཞིག་ལ། དགེ་སྦྱོར་སྒྲུབ་ནས་ཡུན་རིང་བཞུགས་རྗེས། ཀོང་པོ་རྒྱལ་རི་དགོན་དུ་སྒྲུབ་གྲྭར་བསྡད་པ་དང་། དེ་ནས་གྲུབ་ཆེན་རིན་པོ་ཆེའི་བཀའ་ལྟར། ཉག་རོང་བྱ་བཏང་རི་ཁྲོད་བཞེངས་དུས། དཔལ་འབྱོར་གྲུབ་རྗེ་རིན་པོ་ཆེས་གཏོང་མཛད་པ་དང་། ལས་དཀའི་འགན་ཚང་མ་བཙུན་མ། ཁོང་གིས་བཞེས་ཏེ་བྱ་བཏང་རི་ཁྲོད་དུ། བཤད་སྒྲུབ་འདུས་སྡེ་ཚུགས་ཐུབ་པ་བྱུང་། དེ་རྗེས་རྩེ་དྲུག་བསྟན་འཛིན་འོད་ཟེར་རིན་པོ་ཆེས་བཀའ་ལྟར། ལོ་ན་སུམ་ཅུ་མ་ཟིན་གོང་ནས་ཚ་རོང་དུ་ཡོངས་ནས་ཨ་རྒྱ་བླ་མར། རོགས་རིམ་མཛད་དེ། སྟག་ལུང་དགོན་གསར་དུ་བཞེངས་བཞིན་པ་དང་། བསྙེན་སྒྲུབ་ཉམས་ལེན་ཞོར་དུ། སྡེ་མང་ཚོགས་ལའང་གསོན་གཤིན་རིམ་གྲོ་སྒྲུབ་མཛད་བཞིན་བཞུགས་འདུག་ དང་པོ་ཁོང་འདིར་བྱོན་དུས་རོགས་པ། ཨ་ནེ་ཁ་ཤས་ཡོད་པ་དང་། དེ་ནས་རྗེས་སུ་ཡང་ཨ་ནེ་ཁ་ཤས་འབྱོར་ནས། དགོན་པ་འདིར་ཨ་ནེ་འགའ་ཙམ་བཞུགས་མཁན། བྱུང་འདུག་ཀྱང་། དགོན་པ་འདི་དེ་སྔོན་རྒྱལ་ཁབ་ནས་ཆོག་མཆན་མེད་འདུག་པའི། བཞུགས་མི་མང་ན་མི་ཆོག་ཙང་། ཁོང་གི་ཞབས་ཞུ་ཨ་ནེ་གཅིག་རང་ཉར་བ་ལས། ཨ་ནེ་མང་ཆེ་བ་ཁྱུང་ཡུལ་ཕྱོགས་སུ། ཡར་བཏང་པ་ཡིན་གསུང་། དེ་ནས་དགོན་པ་བཞེངས་བྱེད་ཉི་དགའ་རིན་པོ་ཆེས། སྔ་རྗེས་སུ་སྒོར་ཁྲི་བཅོ་ལྔ་ཙམ་གནང་བ་དང་། ས་རྡོའི་ལས་དཀའ་ཚང་མ། ཨ་རྒྱ་བླ་མས་མང་ཚོགས་སྐུལ་སློང་མཛད་དེ་ལས་པ་དང་། བཙུན་མ་ཁོང་གིས་རེ་སྐུལ་ལྟར། སྔ་རྗེས་སུ་རྩེ་དྲུག་དགོན་ནས། སློབ་དཔོན་ལུང་རྟོགས་བསྟན་པའི་རྒྱལ་མཚན་མཆོག་དང་། སྒྲུབ་གྲྭའི་མཁན་པོ་ནོར་བུ་མཆོག་ བླ་མ་རྣམ་སྲས། དགེ་བཤེས་མགོན་པོ་སོགས་ཕེབས་ཏེ། མཆོད་རྟེན་གཅིག་བཞེངས་པ་དང་། འདུ་ཁང་བཞེངས་ས་སོགས་ལ། རོགས་སྐྱོར་ཡང་ཕྲན་བུ་གནང་འདུག་ཀྱང་། ཡུན་རིང་བཞུགས་མཁན་ནི་བྱུང་མི་འདུག་ ཡུལ་ཕྱོགས་འདིར་༢༠༠༧་སྐོར་ནས། སྦྲ་ཆེན་དམར་རོང་དགོན་པའི་གྲྭ་རྒན། སྨོན་ལམ་རྒྱལ་མཚན་མཆོག་ཐེངས་འགའ་ཕེབས་ཏེ། མང་ཚོགས་ལ་འབྲེལ་འདྲིས་ཆེ་ཙམ་བྱུང་ཡོད་པ་དང་། ཁོང་གི་ཡུལ་འདིའི་ཕྲུ་གུ་ལྔ་དྲུག་ཙམ་ལ། ཀ་ཁ་སོགས་ནས་འགོ་གཙུག་སྟེ། འབྲི་ཀློག་སློབ་གནང་བ་དང་། དབྱར་ཁར་དམར་རོང་དགོན་པར་ཡར་ཁྲིད་པ་དང་། དགུན་ཁ་ཡུལ་འདིར་མར་ཡོངས་ཏེ་ཕྲུ་གུ་དེ་ཚོར། ཡི་གེ་འདོན་གྲས་ལ་ཚུད་པར་གནང་བ་དང་། ༢༠༡༠་ལོར། སྨོན་ལམ་རྒྱལ་མཚན་ཁོང་གིས། འགན་ཁུར་ནས་འགྲོ་སོང་གཏོང་གནང་བ་དང་། ས་རྡོའི་ལས་དཀའ་མང་ཚོགས་ཀྱིས་བྱས་ཏེ། བཀྲ་ཡུལ་དགོན་བསྐྱར་གསོ་མཛད་གནང་འདུག་ལ། དགོན་ཁོངས་སུ་དུད་བརྒྱ་མ་ཟིན་ཙམ་ཡོད་པ་རེད་ཟེར། དེ་བཞིན་ས་ཆ་འགའ་ལ་མཆོན་རྟེན་བཞེངས་པ་དང་། མང་ཚོགས་ལ་སྙུང་གནས་དང་། ཨ་དཀར་བུམ་སྒྲུབ་སོགས་སྲོལ་གཏོད་གནང་འདུག་ ཁོང་གི་ཕྲུ་གུ་ཡི་གེ་སློབ་པས་གྲས་ནས། གྲྭ་པ་ཡང་ཁ་ཤས་བྱས་པ་རེད་ཟེར། འདོན་རྗེས་ཟིན་ནས་ཁོང་གི་མཉམ་དུ་དགོན་པར་ཉར་ནས། མང་ཚོགས་ཁྲོད་སྐུ་རིམ་སྒྲུབ་པར་ཁྲིད་གནང་བ་ལས། བཤད་སྒྲུབ་ཡོད་སའི་དགོན་པར་བཞག་རྒྱུ་མ་བྱུང་བའི། རྗེས་སུ་གྲྭ་པ་དེ་ཚོ་སྐྱ་སར་བབས་པ་དང་། ཕྲུ་གུ་གཅིག་གིས་མ་གཏོགས། ཕྲུ་གུ་མང་ཆེ་བས་མང་ཚོགས་ལ་ཡི་གེ་ཡང་། འདོན་རོགས་མི་བྱེད་འདུག་ཟེར། དེ་ལྟར་བཀྲ་ཡུལ་དགོན་དང་། སྟག་ལ་དགོན་གཉིས། སྤྱིའི་ཆ་ནས་བསྐྱར་གསོ་བྱས་ཟིན་ཀྱང་། བཞུགས་མཁན་སེར་མོ་བ། དཀོན་པོར་གྱུར་ཏེ། བཀྲ་ཡུལ་དགོན་ལ། དགུན་ཁ་སྨོན་ལམ་རྒྱལ་མཚན་ཁོང་། མར་ཕེབས་ན་ཡང་དགོན་པར་བཞུགས་ཁོམ་མེད་པ་དང་། དབྱར་ཁ་ཁོང་སྦ་ཆེན་ལ་ཡར་ཕེབས་ནས། དགོན་པར་སུ་ཡང་བཞུགས་མཁན་མེད་པར་གྱུར་འགྲོ་བ་རེད་ཟེར། དེར་མང་ཚོགས་དང་ཁོང་རྣམ་པས། དགོན་པ་འགའ་འགའ་ལ། དགོན་པ་འདིར་རྒྱུན་བཞུགས་བླ་གྲྭ་འགའ་བཏང་རོགས་ལབ་སྟེ། རེ་བ་ཞུས་ན་ཡང་ཕེབས་མཁན་མ་བྱུང་བས། དེར་བཙུན་མ་ཚུལ་ཁྲིམས་བཟང་མོ་ཁོང་གི་ཞབས་ཞུ་མ། ལོ་ན་སུམབཅུ་ཟིན་ཙམ་གྱི་ཨ་ནེ་དེ། བཀྲ་ཡུལ་དགོན་པར་ཕར་བཏོང་གནང་ནས། དེར་རྒྱུན་བཞུགས་མཛད་པ་རེད་ཟེར། དེ་ནས་སྟག་ལ་དགོན་པར་ཡང་། ཨ་རྒྱ་བླ་མ་དང་ཨ་ནེ་ཚུལ་ཁྲིམས་བཟང་མོ་གཉིས་ལས། བཞུགས་མི་མེད་པར་གྱུར་ཏེ། དགོན་འདིར་ཡང་བཞུགས་མཁན་གྱི་དཀའ་ངལ་བྱུང་ཟེར། ད་ལྟ་ནི་ནག་ཚང་སོང་གི་བུ་མོའི་བུ་གཅིག་གྲྭ་པ་བྱས་པ། ལོ་དྲུག་བདུན་ཙམ་གཅིག་དང་། ༢༠༡༦་ལོར་ཙམ་དུ་འབྱོར་བས། ཚ་རོང་ཨ་ནེ་ལ་ཆུང་ཡི་གེ་སྦྱོང་མཁན་ཞིག་བཅས། དགོན་པར་ཁོང་བཞི་འདུག་ལ། གྲོང་པ་ནང་ཡི་གེ་འདོན་མི་བུ་གཅིག་འདུག་ཀྱང་། ཡུལ་ཕྱོགས་འདིར་ཆོས་དད། དར་ནས་ད་བར། མི་ཤི་བ་ལ་ཞེ་དགུ་བཞག་རྒྱུ་མི་རྙེད་པ་དང་། ཆོས་དད་རང་མོས་བྱུང་ནས། ད་བར་དུ་འདུར་བཅའ་འདོན་བྱེད་མཁན། བྱུང་མ་མྱོང་བའི། མི་ཤི་ན་འདུར་བཅའ་འདོན་དགོས་པ་མི་ཤེས་པ་དང་། ཞི་ཁྲོ་དང་ཀུན་རིག་ལས་བཞི་སོགས་ནི། གོ་ཐོས་ཙམ་ལས་འདོན་མཁན་མེད་པ་དང་། གསོན་པོར་ཆ་བཞག་ན། དེ་སྔོན་ཨ་རྒྱ་བླ་མ་དང་། སྨོན་ལམ་རྒྱལ་མཚན། སོགས་ཀྱིས་བོན་བཤད་གནང་ཡོད་པ་དང་། དེ་རྗེས་གྲུབ་ཆེན་རིན་པོ་ཆེ་ནམ་མཁའ་རྒྱལ་མཚན་དེར་ཕེབས་ཏེ། བོན་གསུང་པ་དང་། སྐྱོབ་འགྲོ་མ་ཤེས་ན་ཕག་དང་གཅིག་པ་རེད། སོགས་གསུང་ནས་སློབ་གསོ་གནང་འདུག་ཀྱང་། ད་རུང་ཡང་མང་ཚོགས་ཚོར། སྐྱོབ་འགྲོ་འདོན་ཨེ་ཤེས་ལབ་ན། འདོན་ཤེས་ཟེར་གྱི་འདུག་ལ། ཐོན་ལབ་ན། སྐད་སྲོང་མཐོན་པོས། ༼༼་་བླ་མ་ལ་སྐྱབས་སུ་མཆིའོ། སངས་རྒྱས་ལ་སྐྱབས་སུ་མཆིའོ། ཆོས་ལ་སྐྱབས་སུ་མཆིའོ། དགེ་འདུན་ལ་སྐྱབས་སུ་མཆིའོ།་་ ༽༽ཞེས་འདོན་ཡོང་གི་འདུག་ལ། དེ་བན་དེ་ཅན་རེད་ལབ་དུས། ཁོ་ཚོས་བན་བོན་ཁྱད་ཅི་ཡོད། གཅིག་པ་རེད། ང་ཚོས་བོན་པོའི་སྐྱོབ་འགྲོ་༼༼་་གཤེན་རབ་བླ་མ་་༽༽འདོན་ཤེས་ཀྱི་ཡོད་དེ། རྒྱུན་ལྡན་འདི་འདོན་འདུག་པ་ཡིན་སོགས་ཟེར་གྱི་འདུག་ སྤྱིར་འདི་ཕྱོགས་སུ། བན་བོན་ཕྱོགས་རིས་དེ་ཙམ་མི་འདུག་ལ། མདོ་ལུང་ཞྭ་ནག་རྩེ་གསུམ་ཟེར་བའི། གནས་རི་གཅིག་འདུག་ལ། གནས་དེ་ནི་ཀོང་པོ་བོན་རིའི་གནས་ཚབ་རེད་ཟེར། དེར་སྔོན་མ་བོན་པོའི་རི་ཁྲོད་གཅིག་ཡོད་འདུག་ལ། དེར་རིག་གསར་སྔོན། བེན་པོའི་བླ་གྲྭ་འགའ་བཞུགས་མཁན་ཡོད་རེད་ཟེར། ད་ལྟ་ནི་ཁང་པ་ཞིག་ཤུལ་རྒྱ་ཆེ་ཙམ་ལས། གང་ཡང་མི་འདུག་ དེར་གྲོང་ཚོ་གསུམ་དང་། དུད་གྲངས་བརྒྱ་ལྷག་ཙམ་ཡོད་པ་ནི། སྔོན་མ་བོན་པོ་ཡིན་ཀྱང་། ད་ལྟ་ཚང་མ་བཀའ་རྒྱུད་ལ་འགྱུར་ཚར་འདུག་ཀྱང་། ལོ་ལྟར་རབ་ནི་ཐེངས་གསུམ། ཐ་ན་ཐེངས་གཅིག་གྲོང་ཚོའི་ཚང་མའི་དུད་རེའི་མི་རེ། རི་ཁྲོད་དེར་འགྲོ་ནས་མ་ཏྲི་དབྱངས་སྲོལ་ཡོད་འདུག་ལ། དེ་ཡང་བོད་ཟླ་དང་པོའི་བཅོ་ལྔ་དང་གཉིས་པའི་བཅོ་ལྔ། བཞི་པའི་བཅོ་ལྔ་བཅས་ལ། འདུ་སྲོལ་ཡོད་འདུག་ སྤྱི་ཚོགས་རྙིང་པའི་སྐབས། རི་ཁྲོད་ཀྱི་འདུ་ཁང་ནང་དུ་འདུ་བ་དང་། ད་ལྟ་ནི་རི་ཁྲོད་ཀྱི་ས་སྟོང་དེར་འདུས་པ་རེད་ཟེར། ཆོས་དད་དར་ནས་ད་བར་ལོ་རེ། མ་ཏྲི་འདུ་འཚོགས་ཐེངས་གཅིག་གཉིས་ཙམ་རེ། ཆད་མྱོང་པ་མ་རེད་ཟེར། གལ་སྲིད་ཆད་སོང་པ་ཡིན་ན། ཆར་མི་འབེབས་པ་དང་། ལོ་མི་ལེགས་པ། ཡུལ་དེའི་མི་ཕྱུག་ལ་ནད་ཡམས་ལྡང་བ་སོགས་། མི་ལེགས་པ་གང་ཡང་། ཡོང་གི་རེད་ཟེར་སྲོལ་ཡོད་འདུག་། རི་དེར་བསྐོར་བ་ཡང་བོན་བསྐོར་བྱེད་དགོས་པ་རེད། མདའ་ཡི་ཆུ་བོ་ཀྱང་བོན་བསྐོར་གྱི་ཚུལ་དུ་བབས་ཡོད་པ་རེད་ཟེར། ཡང་སྐུ་བླ་གཡུ་རྩེ་ཟེར་བའི་གནས་རི་གཅིག་འདུག་ལ། དེར་སྟོན་པ་གཤེན་རབ་ཀྱི་རིན་སྲིལ་ཡོད་པ་རེད་ཟེར། རི་དེའི་མདའ་ལ་གྲོང་པ་བརྒྱ་ལྷག་ཙམ་ཡོད་པ། དེ་ཚོ་སྔོན་མ་བོན་པོ་དང་། ཆོས་དད་དར་རྗེས་སུ་བན་བོན་རིས་མེད། ད་ལྟ་བཀའ་རྒྱུད་བཅས་འགྱུར་སོང་བ་རེད་ཟེར། ཁོ་ཚོ་ད་ལྟ་སྤྱིར་ནི་བོན་པོར་དད་པ་འདུག་ལ། གནས་རི་དེར་བསྐོར་བའང་འགྲོ་མཁན་འདུག་ལ། བོན་བན་གཉིས་ཀའི་བོན་བསྐོར་ལྟར་བསྐོར་བཞིན་པ་དང་། སྔར་རྒེན་མོ་ཞིག་གིས་བན་ལྟར་བསྐོར་བའི། དེ་བསྐོར་སྣེ་ཐུག་ས་དེར་ཤི་བས། དེ་ཕྱིན་བོན་བསྐོར་བསྐོར་བ་རེད་ཟེར། ད་རུང་སྨན་རི་མཁན་ཆེན་ཕུན་ཚོགས་བློ་གྲོས། རིན་པོ་ཆེ་མཆོག་གི་ཕྱག་བཏབ་པས། མདོ་ཆེན་དགོན་ཡང་། ཞིག་ཤུལ་གྱི་གྱང་ར་མང་པོ་དང་། རླུང་རྟ་འགའ་ལས་མཇལ་དུ་མེད་ཅིང་། དགོན་ཁོངས་སུ་དུད་བདུན་ཅུ་བརྒྱད་ཅུ་འདུག་ཀྱང་། འགན་ཁུར་ནས་བཞུགས་མཁན་བླ་གྲྭ་མེད་པའི། དགོན་པ་བསྐྱར་གསོ་མ་ཐུབ་པར་ལུས་འདུག་གོ། དེ་ལྟར་བོན་པོ་བན་ལ་འགྱུར་བ་ནི། ཤིན་ཏུ་སླ་ཞིང་། སླ་བའི་རྒྱུ་མཚན་ཡང་བོན་པོའི། བླ་སྤྲུལ་མཁན་སློབ་དགེ་བཤེས་གྲྭ་ཇོ་སྔགས་པ་སུས་ཀྱང་། བན་ཆོས་སྡུག་པོ་རེད་ཅེས་བཤད་མི་སྲིད་པ་དང་། ཐུབ་ཆོས་ཕར་ཞོག་མུ་སྟེགས་པའང་སྨད་མི་ཆོག་ཅེས། སྟོན་པ་སངས་རྒྱས་ཀྱི་དགགས་ཡོད་པ་རེད་ལ། དགགས་པ་ནང་བཞིན་ལག་ལེན་དུ་བསྟར་བ་རེད། གཞན་ནི་དེ་ལྟར་ག་ལ་ཡིན་ཏེ། བཤད་ལུགས་བཤད་སྟངས་མཐོང་དང་མཐོང་བཞིན་པ་འདི་རེད། གུས་པ་དེ་སྔོན་འགྲོ་མྱོང་ས་ནས། ནག་ཆུ་ལྷ་རི་རྫོང་ཁོངས། བྱང་རྨུ་ཐི་ཁའི་ལྷོ་ཕྱོགས་དེར། བོན་པོའི་ཇོ་དགོན་ཞིག་ བསྐྱར་གསོ་བྱེད་མཁན་མེད་པར། ལུས་འདུག་ལ། དེར་ཡང་འབྲོག་པ་དུད་གམང་པོ་ཞིག་ བོན་མིན་བན་མིན་ཆགས་འདུག་ དེ་བཞིན་ནག་ཆུ་ཉི་མ་རྫོང་ཁོངས་ནས། བྱང་རྒྱུད་ཀྱི་འབྲོག་པ་མང་པོ། བོན་མིན་བན་མིན་མང་པོ་ཆགས་འདུག་ལ། དེ་བཞིན་ལྷོ་རོང་རྔུལ་ཤོད་ཤང་ལའང་། བོན་པོའི་དུད་མང་ནའང་། གྲྭ་པ་བླ་མ་དཀོན་ནས། དགོན་པ་བཞེངས་མ་ཐུབ་པར་ལུས་འདུག་ ཕྲན་རང་ཉིད་འགྲོ་མྱོང་ས་ནས་བལྟས་ན། ཧོར་ཁྱུང་གཉིས་ནི། ཡུལ་དབུས་བོན་བསྟན་དར་ས་དང་། ཡུལ་འདི་དག་ནི་ཡུལ་མཐའ་འཁོབ། བོན་བསྟན་མ་དར་ས་ལ་བརྩི་ཆོག་ས་འདུག་གོ་ འདིར་བོན་རྣལ་མ་འཆད་རྩོད་རྩོམ་གསུམ་དང་། ཐོས་བསམ་སྒོམ་སྒྲུབ་ནི། རྩ་བ་ནས་མི་འདུག་ལ།
གྲོང་ཆོག་ཚད་ལྡན་བྱེད་མཁན་ཡང་དཀོན་པས་སོ། རྒྱུ་རྐྱེན་དེ་དག་ལ་རྟེན་ནས། ཚ་བ་རོང་འདི་ཕྱོགས་སུ་དུད་མང་པོ། ཆོས་ལུགས་གཞན་ལ་འགྱུར་ཟིན་པ་དང་། ད་རུང་དགོན་པ་གཉིས་ཡོད་ནའང་། བཞུགས་མཁན་ཉུང་བའི། རྗེས་སུ་བོན་འབང་འདི་ཚོའང་། ཆོས་ལུགས་གཞན་ལ་འགྱུར་འགྲོ་བའི་ཉེན་ཁ། ཤིན་ཏུ་ཆེན་པོ་འདུག་བསམ་སོང་། རྒྱུ་མཚན་ནི་འདི་ཕྱོགས་སུ་ཤི་གསོན་གཉིས་ཀར། རྩིས་རྒྱག་མཁན་བོན་པོ་མེད་པ་དང་། གསོན་པོའི་ལས་དཀའ་གལ་ཆེན་དང་། མི་ཕྱུག་ན་བ་དང་མི་ཤི་དུས་སོགས་སུ། སྐབས་རེ་བན་དེར་རྩིས་ཞུ་བ་དང་། སྐབས་རེ་དཔའ་བོ་དཔའ་མོར་ལུང་ཞུ་བཞིན་འདུག་ལ། དེ་ཚོས་རྩིས་བབས་དང་། ལུང་བསྟན་ཚང་མའི་ནང་། འདོན་རྒྱུ་སྒྲུབ་རྒྱུ་བན་དེ་ཅན་རྐྱང་ཡིན་པ་དང་། འདོན་མཁན་ཡང་བན་དེ་གདན་འདྲེན་བཞིན་པ་དང་། ཡང་ན་བན་དགོན་ཁག་ལ། ཕར་འབུལ་བ་སོགས་བྱེད་ཀྱིན་འདུག་པས་སོ། འདི་འདྲའི་གནས་ཚུལ་ཡོད་དུས། བོན་དགོན་ཁག་ནས། ལོ་ལྟར་ཐོན་དང་ཐོན་བཞིན་པའི། བཤད་སྒྲུབ་སློབ་ཐོན་ཁག་གི་ནང་ནས། གྲྭ་པ་ལྷག་བསམ་ཅན། དང་བླངས་པ་ཡོད་ན། ལོ་རེ་རེ་གཉིས་གཉིས་སམ། ཡང་ན་ལོ་མང་པོར་ཡུལ་ཕྱོགས་འདི་དག་ལ་ཕེབས་ནས། བྱ་བ་སྒྲུབ་དགོས་ས་འདུག་ལ། གལ་སྲིད་དང་བླངས་པ་མེད་ཀྱང་། ལོ་རེའི་བཤད་སྒྲུབ་སློབ་ཐོན་བྱས་པ་དེ་དག་ལས། གྲྭ་པ་རེ་རེ་གཉིས་གཉིས་ལ། དགོན་སྡེ་ཁག་གི་བཀོད་སྒྲིགས་གནང་ནས། ཉུང་མཐའ་ལོ་གཅིག་ཡན། ཡུལ་འདི་དག་ལ་ཕེབས་ནས་བཞུགས་དགོས་པས། ལས་འགན་གནང་དགོས་ས་འདུག་བསམ་སོང་། ཚ་བ་རོང་ལ་ཆགས་བཞག་ན། དགོན་པ་རེ་ལ་དོན་ངོ་མ། ཨ་ནེ་རེ་རེས། ཨུ་ཚུགས་རྒྱག་ནས་བསྟན་པ་འཛིན་ནས། བཞུགས་འདུག་ཀྱང་། གྲོང་ཆོག་ནི་རྒྱ་ཆེན་པོ་མི་ཤེས་པ་དང་། དེ་བཞིན་སློབ་གསོ་སྤེལ་དགོས་ཀྱང་། ཁག་པོ་ཞེ་དྲག་ཡོད་ས་འདུག་ ཕྲན་རང་ཉིད་ནི། ནག་རུ་དགོན་ལས་དོན་རྗེས་སུ། གྲུབ་ཆེན་རིན་པོ་ཆེས་བཀའ་ལྟར། ཡུལ་འདིར་ཡོང་བ་ཡིན་ལ། དེ་ཡང་གྲུབ་ཆེན་ནམ་མཁའ་རིན་པོ་ཆེས། སྟག་ལ་དགོན་པ་འདིར། དེ་སྔོན་སྒོར་ཁྲི་ལྔ་ལྷག་ཙམ་གནང་ཟིན་པ་དང་། ད་ཐེངས་ཡང་འཁོར་ཆུང་ཞིག་དགོན་པ་དེར་གནང་ནས། ཕྲན་དེར་འགྲོ་ནས་དང་པོ། གྲོང་པ་འགའ་ཞིག་ལ་གྲི་འདུར་བཅའ་འདོན་དང་། དེ་མཚམས་དགོན་པ་དེར་ཟླ་ཤས་སམ། ལོ་ཤས་འདུག་ནས། ཨ་དཀར་བུམ་སྒྲབ་སོགས་འཚོགས་ནས། སློབ་གསོ་སྤེལ་དགོས་གསུང་པ་ལྟར། འཁོར་ཆུང་གནང་བ་དེ་གཏོང་ནས་སོང་པ་ཡིན། གྲོང་ཚོ་འགའ་ཞིག་ལ་གང་ཤེས་ཀྱི། སྐྱོབ་འགྲོ་སོགས་བཤད་པས་ཁུལ་བྱས་པ་ཡིན་ལ། སྟག་ལ་དགོན་པས་སྒོར་སྟོང་བརྒྱད་ཀྱིས་ཉོས་པའི། བོད་སྨན་རྣམས་ཕྲན་གྱིས་ནད་པ་ཚོར་རིན་མེད་དུ། སྤྲད་དགོས་ཟེར་བ་ལྟར། ནད་བལྟ་བས་ཁུལ་བྱས་ཏེ་སྨན་དེ་ཚོ་སྤྲད་པ་ཡིན། ཕྲན་གྱིས་དེ་སྔོན་བོན་རིའི་སྨན་པ་ཨ་མཚོ་རྣམ་རྒྱལ་དྲུང་ནས། སྨན་ཟླ་བ་ཁ་ཤས་དང་། སྟེང་ཆེན་རྫོང་སྨན་ཁང་སྟག་ལ་དྲུང་ནས། བོད་སྨན་ལོ་ཤས་དང་། སྟེང་ཆེན་རྫོང་སྨན་པ་རིག་རྡོ་དྲུང་ནས། རྒྱ་སྨན་ཏོག་ཙམ་སྦྱོང་ནས། སྨན་ཉོས་སྨན་རྩ་འཐུས་ཏེ། བོད་སྨན་ལག་ལེན་ལོ་འགའ་ཙམ་བྱས་ཀྱང་། ནད་ངོ་མི་ཤེས་པའི་སྨན་སྐྱུར་བཞག་པ་ཡིན་ཏེ། ད་ཐེངས་ཡང་སྨན་པ་ཞིག་བྱས་པ་ཡིན། དེ་སྔོན་སྟེང་ཆེན་དགོན་པའི་དབུ་མཛད། ཆེན་མོ་འཆི་མེད་གཡུང་དྲུང་གི་མདུན་ནས། ནག་རྩིས་སྦྱོང་ནས་རྩིས་ཀྱང་འགའ་རྒྱག་མྱོང་བས། ད་ཐེངས་མི་འགའ་ཤས་ལ་རྩིས་ཀྱང་འགའ་རྒྱག་པ་ཡིན། རྗེས་སུ་འདི་ཕྱོགས་སུ་ཕེབས་མཁན་ཚོས་ཡིད་འཇོག་བྱེད་རྒྱུ་ལ། ཡུལ་འདི་ལ་རྐང་པ་གཙུག་དགོས་ན། ཡུལ་འདིར་བྲིན་ཤོས་སམ། དགའ་བསུ་ཐོབ་ཆེ་ཤོས་ནི། གྲོང་ཆོག་དང་སྨན་རྩིས་བཅས་རེད་འདུག་ལ། དེ་ཚོ་སྒྲུབ་ཤེས་ཤིང་སྒྲུབ་ཐུབ་མཁན་ཞིག་ཡིན་ན། ཡུལ་འདིར་ས་ངེས་རེད་འདུག་ དེར་སྨན་པ་མེད་པ་དང་། གྲོང་ཆོག་བྱེད་མཁན་མེད་པ། རྩིས་རྒྱག་མཁན་རྩ་བ་ནས་མེད་པ་བཅས་རེད་འདུག་་ ཕྲན་ནི་དེ་ལྟར་ཉིན་ནས་ཟླ་བ་དང་། ཟླ་བ་ལོ་ལ་བསྲིང་དགོས་ན། རྩ་བ་ནས་མོས་པ་མི་འདུག་ལ། སྒྲུབ་ཀྱང་ཐུབ་ས་མི་འདུག་པའི། དགོན་པའི་ཨ་རྒྱ་བླ་མ་དང་ཨ་ནེ་གཉིས་ཀའི་ལོ་ཤས་ཟླ་ཤས་སུ། དགོན་པར་སྡོད་རོགས་ཞེས། ཐེངས་མང་གསུང་བྱུང་ལ། གྲོང་ཚོའི་རྒན་རབས་ཚོ་དང་འགོ་ཁྲིད་ཚོས་ཀྱང་། ཡུལ་འདིར་བླ་གྲྭ་དཀོན་པའི་བཞུགས་རོགས་ཞེས། རེ་བ་བྱས་བྱུང་ལ། འདིར་སྡོད་ཆོག་པའང་ཁོ་ཚོས་བྱེད་འོང་ཟེར་ཀྱང་། འདི་ལྟའི་བྲེལ་བ་ཆེ་ལ་ཉིན་ལྟར་ཡུལ་མི་ཚོ་ལ་ཞབས་ཞུ་དང་། སློབ་གསོ་ནི་ཕྲན་གྱི་མི་འཇོན་པའི། གྲུབ་རྗེ་རིན་པོ་ཆེ་དང་། དགོན་པ། ཡུལ་མི་བཅས་ལ་དགོངས་པ་ཞུས་ཏེ། ཕྲན་གྱི་བོན་པོའི་དགོན་སྡེ་དང་བླ་སྤྲུལ་མཁན་སློབ། དགེ་བཤེས་གྲྭ་ཇོ་སོགས། གང་མང་མང་ལ་འདི་ལྟའི་གནས་ཚུལ་སྙན་ཞུ། འབུལ་འོང་ཞུས་པ་ལྟར་ཁྱུང་ཞུ་པས་བྲིས་པ་ཡིན།། ཞོར་དུ། ཡུལ་འདི་ཚོར་སྤྱིར་ནི་ཚ་བ་ཆེ་ཞིང་། ལོ་ཐེངས་གཉིས་ལ་འདེབས་པ་ཡིན་འདུག་། ཤིང་ཏོག་རིགས་མང་པོ་ཐོན་པ་དང་། སྟ་སྒ་ཐོན་འབོར་ཆེས་མང་བའི། དུད་ཁ་ཤས་ལ་ལོ་རེ་སྟ་སྒ་རྒྱ་མ་ལྔ་སྟོང་ཙམ་ཐོན་པ་རེད་ཟེར། སྤྱི་ལྔ་པའི་ཉི་ཤུ་ནང་ནས་བརྔ་བ་དང་། སྤྱི་ཟླ་བཅུ་པ་ཙམ་ནས། གྲོ་དང་མ་མོས་ལོ་ཐོག་བྲ་བོ་བཅས། བསྡུ་བ་རེད་ཟེར། ཡུལ་འདིར་བྲ་བོ་སྣ་གཉིས་ཐོན་ཞིང་། དེ་གཉིས་ཀའི་གཅིན་པ་མངར་འགྱུར་གྱི་ནད་ལ་ཕན་པའི། གཅིན་པ་མངར་འགྱུར་གྱི་ནད་ན་མཁན་མེད་པ་རེད་ཟེར། ཡུལ་འདིར་འབུ་རྐོ་རྒྱུ་མེད་ཀྱང་། ལས་ལ་བརྩོན་པས་དཔལ་འབྱོར་འཕེལ་རྒྱས་ཆེ་ཞིང་། འཚོ་བ་བབས་ཆགས་པ་དང་། ཟས་གོས་འཕྲུལ་འཁོར་ཤོག་དངུལ་གྱི་ཕྱུག་འདུག་ལ། དེ་བཞིན་ཞོ་འོ་མ་ཤིང་ཏོག་མར་ཕྱུར་བཅས་ནི། འབེལ་པོ་འདུག་ ཡུལ་འདིར་གཡག་དང་ནོར་ལུག་བཅས་ནི། འཚོ་མི་ཐུབ་ཅིང་། བ་དང་ར་རྟ་དྲིལ་མཛོ་ཕག་བཅས་ནི། མོད་པོ་འདུག་གོ།

ཟིན་ཐོ་གོང་མ།འཛམ་གླིང་བོན་པོའི་དགོན་གནས་སྒྲུབ་སྡེ་ཡོངས་ཀྱི་ལོ་རྒྱུས་
ཟིན་ཐོ་འོག་མ།རྒྱལ་ཤོད་ལ་བླ་གྲྭ་ཕེབས་རོགས་ཞུ།

Re:ལུང་པ་གང་སར་ནས་བོན་པོ་བན་ལ་འགྱུར་བཞིན་པ། | 2016/6/19 10:35:26

གནས་ཚུལ་ཧ་ཅང་ཡག་པོ་བྲིས་གནང་འདུག་པ་བཀའ་དྲིན་ཆེ་ཞུ། དངོས་གནས་སེམས་དགའ་ཡང་དགའ་ལ་སྐྱོ་ཡང་སྐྱོ་བ་ཞིག་རེད་བཞག བོན་ཡུལ་བོན་པོས་བདག་མ་བརྒྱབ་ན་བོན་པོ་འཕེལ་རྒྱས་ག་འདྲ་བྱས་ནས་འོངས། བླ་མ་དང་དགེ་བཤེས་མང་ཆེ་བ་ཕྱི་རྒྱལ་མགོ་སེར་དང་རྒྱ་མི་ཕྱུག་བདག་ཚོ་ལ་ཐུགས་འཁོར་ནས་རང་ཡུལ་གྱི་རང་མི་བོན་པོ་ཚོ་བདག་མེད་དུ་ལུས་འགྲོ་བ་ནི་ཆེས་བློ་ཕམ་པ་ཞིག་རེད། ། ཨ་རི་ནས་བོན་རྒན་ཞིག་གིས་ཕུལ། །

དཔྱད་གཏམ་སྤེལ་བ།

སྒྲོམ་གཞི་སྒྲིག་བཟོ་བ། མཁའ་ཚེ།