བོད་བཙན་པོའི་སྐབས་ཀྱི་བང་སོ་ནི་གཏེར་ལམ་རྫོང་གི་མངའ་ཁོངས་སུ་ཡོད་ལ།རང་རྒྱལ་གྱི་ཆེས་ཐོག་མར་གསར་ཪྙེད་བྱུང་བའི་བོད་བཙན་པོའི་བང་སོ་ཞིག་ཀྱང་ཡིན།ད་ལྟ་རྒྱལ་ཁབ་རིམ་པའི་རིག་དངོས་སྲུང་སྐྱོབ་ལས་ཁུངས་སུ་འདེམས་ཡོད་པ་དང་།རྒྱལ་ཡོངས་ཀྱི་བང་སོ་ཆེན་པོ་བཅུའི་ནང་གི་གྲས་གཅིག་ཡིན།གཏེར་ལམ་རྫོང་ཤར་ཁ་གྲོང་རྡེལ་ནས་འཔའ་ལུང་ཤང་དང་རྒྱལ་ལམ་གཅིག་ཐིག་དགུ་བརྒྱུད་ནས་སྤྱི་ལེ་ཉིས་བརྒྱ་ལྷག་གི་མངའ་ཁོངས་སུ་ཆེ་ཆུང་མི་འདྲ་བའི་བང་སོ་སུམ་བརྒྱ་ལྷག་ཡོད།དེའི་ནང་རུ་སྔན་ཞང་གི་ཉེ་འགྲམ་གྱི་སྤྱི་ལེ་གཅིག་གི་མངའ་ཁོངས་སུ་བང་སོ་ཉིས་བརྒྱ་ལྷག་ཡོད་ལ། རུ་སྔན་ནམ་ཆུ་ཁོལ་ཞང（热水乡）གི་ཤེའུ（血渭）རྩྭ་ཐང་ནས1999 ལོའི་དབྱར་ཁར་པེ་ཅིན་སློབ་གྲྭ་ཆེན་མོ་དང་མཚོ་སྔོན་རིག་དངོས་གནའ་རྫས་རྟོགས་དཔྱོད་ཁང་གཉིས་མཉམ་འབྲེལ་བྱས་པའི་གནའ་རྫས་རྟོགས་དཔྱོད་པས་ས་དེ་གར་བོད་བཙན་པོའི་སྐབས་ཀྱི་བང་སོ་ཆེ་འབྲིང་བཞི་རྙེད་བྱུང༌།བང་སོ་དེ་དག་ལས་དར་གོས་དང་ཟ་འོག་སོགས་རྒྱ་ནག་ཐང་ནས་ཐོན་པ་ཡོད་ལ་ནུབ་ཕྱོགས་ནས་ཐོན་པའང་ཡོད།ཤིང་བཟོའི་ཅ་ལག །གསེར་དངུལ་གྱི་བཟོས་བའི་ཅ་ལགཤིང་བརྐོས་རི་མོ་ཅན་གྱི་པང་ལེབ།བོད་ཀྱི་བརྡ་རྙིང་བྲིས་པའི་རྡོ་རིང་གི་མིང་དང་ཁྲམ་བྱང་ལ་སོགས་དངོས་ཟོག་རིན་ཐང་གཞལ་དུ་མེད་པ་མང་པོ་ཞིག་རྙེད་སོང་།ཡིན་ཡང་རྟོགས་དཔྱོད་པས་སྔོན་ལ་ཐོག་དང་པོར་མ་པུ་ཧྥང་གི་སྔོག་འདོན་བྱས་ལ།དེའི་རྗེས་སུ་དུར་ཇག་གམ་ནག་ཚོང་མཁན་མང་པོས་སློག་ནས་དངོས་ཟོག་མང་པོ་ཞིག་ཡོ་རོབ་གླིང་དང་ཨ་མེ་རི་ཀ་སོགས་ལ་ཁྱབ།དཔེར་ན་ཨ་རིའི་ཁི་ལེ་ཕུ（克里夫）སྒྱུ་རྩལ་རིག་དངོས་ཁང་ནས་དར་གོས་ཀྱི་སྟོད་ལྭ་ཞིག（栗特丝绸衣）ནི་གཏེར་ལམ་གྱི་བཙན་པོའི་བང་སོ་ལས་བྱུང་བ་དང༌།  ཨ་རིའི་ཞྭན་ཙི（新泽）ཁུལ་ཉེ་བ་ཁི（纽瓦克）རིག་དངོས་ཁང་ན་ཉར་ཡོད་པས་དར་གོས་ཀྱི་སྟོད་གོར（丝绸马甲）དང་ཏུན་ཧོང་རིག་དངོས་གླིང༌དང་།ཀན་ལྷོ་རིག་དངོས་ཁང་ན་ཉར་ཡོད་པས་དར་གོས་ཧྲུལ་མ（残片）དག་ཚང་མ་གཏེར་ལམ་བོད་ཀྱི་བཙན་པོ་བང་སོ་ལས་བྱུང་བ་ཡིན་ཞེས་པེ་ཅིན་སློབ་གྲྭ་ཆེན་མོའི་གནའ་རྫས་རིག་དངོས་སློབ་གླིང（文博学院）གི་བོད་རིག་པའི་མཁས་པ་བློན་མཐུན་ལིན་མེ་ཚུན（林梅村）གི་བཞེད། དེ་མིན་ད་དུང་བང་སོ་ལས་དུར་རྡོ་ཞིག་ལ་གསེར་ཡིག་གི“བློན”ཞེས་ཡིག་འབྲུ་ཆེན་པོ་ཞིག་བྲིས་ཡོད་པ་དང་རྟགས（编号）RB115  (Ki22(99DRNM1:36)ཅན་ཞིག་གི་སྟེང་ལ་མཛོང་ཞང་སྐྱེས(vdzong/zhang-skyes)   ཞེས་བྲིས་འདུག་པ་སོགས་དཔྱད་གཞི་རིན་པོ་ཆེ་དག་རྙེད་པ་ལས་ང་ཚོ་ལ་གཏེར་ལམ་གྱི་ས་ཆ་འདིས་བོད་བཙན་པོ་སྐབས་ཀྱི་གོ་གནས་དང་རིན་ཐང༌།ཁྲོམ་ཁ་ཆེན་པོ་ཞིག་གི་རྣམ་པ།ལྷོ་ཕྱོགས་དར་གོས་ཚོང་ལམ་ལ་འགྲིམ་འགྲུལ་གྱི་སྟབས་ལེགས་པོ་ཞིག་བསྐྲུན་ཟིན་པ་རྟོགས་སུ་འཇུག།ས་དེའི་བང་སོ་ལས་དར་གོས་དང་དར་ཁྲ།ཟ་འོག་སོགས་དར་གྱི་བཟོས་པའི་གྱོན་ཆས་སྣ་ཚོགས།གསེར་གྱི་བཟོས་པའི་རྫ་ཆས་དང་འདོགས་ཆ།བོད་ཀྱི་འཚོ་གནས་དང་མཐུན་པའི་རྟ་ནོར་ལུག་གསུམ་དང་སེང་གེ་ལ་སོགས་བརྐོས་ཡོད་པའི་པང་ལེབ།རྟ་སྒ།བོན་ཆོས་གསེར་བྲིས་མ།རྟ་དང་ལུག།སེང་གེ་ལ་སོགས་ཁ་སྤྲོད་དུ་ཡོད་པའི་དར་གོས་རི་མོ་ཅན།དེ་མིན་སྟག་གཟིག་གི་གསེར་སྒོར་སོགས་ཡོད་པས་ལོ་རྒྱུས་ཞིབ་འཇུག་མཁན་དང་་བོད་རིག་པའི་མཁས་པ་མང་པོ་ཞིག་གི་ཤར་ཕྱོགས་གཏོར་གཟུགས་མཆོད་རྟེན（东方金字塔）བྱས་བསྔགས་བཞིན་ཡོད། ཐིམ་སསགལལལལལཞས།གབལཞས།བས།ཛལབགབ