|
|
སྤྱི་བསྒྲགས། |
སྒྲིག་འཇུག... |
|
|
ཆེད་སྒྲིག་རྣམ་དབྱེ། |
སྒྲིག་འཇུག... |
|
|
ཟིན་ཐོ་གསར་བ། |
སྒྲིག་འཇུག... |
|
|
|
ཆེམས་གསར་བ། |
སྒྲིག་འཇུག... |
|
|
|
|
|
|
|
༤ཞང་བོད་རིག་གནས་སྐོར་གྱི་དཔྱད་གཏམ་གངས་རིའི་རང་འོད།  |
|
[ 2011/5/23 22:33:00 | By: dengbijiangcun ] |
| ༧གཞན་ཡང་རྒྱ་ནག་གི་ཆོས་ལུགས་ནང་ལོ་རྒྱུས་ལྡན་པའི་ཁུང་ཙིའི་རིག་གཞུང་སོགས་དཔྱད་ན་བོན་གྱི་རིག་གཞུང་དང་ཉེ་བ་ཅི་རིགས་ཡོད་པའི་བཤད་ཚུལ་འདུག་པ་མ་ཚད་བོན་གྱི་ལོ་རྒྱུས་ནང་འཁོད་པའི་ཏ་ཟིག་དང་པ་སིག་ཏུ་འབོད་པ་དེང་དབྱི་ལང་དུ་བཤད་པ་འདིའི་ལོ་རྒྱུས་བཅས་ལ་ཞིབ་དཔྱད་གནང་ཐུབ་ན་བོན་ལུགས་ཀྱི་ལོ་རྒྱུས་རིང་དྲག་པའི་དོག་པ་ཡང་སེལ་སྲིད། དེས་ན་ཞང་ཞུང་གི་ཡི་གེ་ནི་གཤེན་རབ་ཉིད་ཀྱིས་སྲོལ་གཏོད་པ་བོད་རྙིང་པའི་ལོ་རྒྱུས་ལས་མངོན་པ་མ་ཟད་ཞང་བོད་ལ་ཡི་གེ་དར་ནས་ལོ་༥༠༠༠ཡན་ལ་བརྒལ་ཡོད་ཅེས་ལབ་ན་གོང་གི་ལོ་རྒྱུས་ཀྱིས་དཔང་བཞུགས་མི་ཐུབ་པ་ཞིག་མེད། མཁས་དབང་ནམ་མཁའི་ནོར་བུས། བོན་གྱི་གཤེན་རབ་མ་བྱོན་གོང་ནས་བོད་ལ་ཡི་གེ་ཡོད་པར་གསུངས་ལ། རིག་པས་བརྟག་ན་ཞང་བོད་ཀྱི་རིག་པའི་སྲོལ་གཏོད་པ་སྟོན་པ་གཤེན་རབ་བྱོན་པ་ནས་བཟུང་ཞང་བོད་ལ་གོང་གསལ་གྱི་ཡི་གེ་རྣམས་ཡོད་དགོས་པར་གྲུབ་པ་མ་ཚད་བན་བོན་གཉིས་ཀྱི་ཡིག་ཆའི་ལུང་གིས་གསལ་བ་སྟེ། བོན་གཞུང་གསས་མཁར་རིན་པོ་ཆེ་སྤྱི་སྤུངས་གསང་བ་བསེན་ཐུབ་ཀྱི་རྒྱུད་ལས། དཀར་ཐོན་མདངས་དང་ལྡན་པའི་ཤོག་ཤོག་ལ། །རིན་ཆེན་ཁ་དོག་གསལ་བའི་ཡི་གེ་བྲིས། །ལྐུགས་པ་ཁ་འབྱེད་ཡི་གེ་མཚན་མར་གསལ། །བྱེ་བྲག་སྒྲ་གནས་ཕུང་པོ་ལྷ་དང་སེམས། །རྫུ་འཕྲུལ་དྲྭ་བ་ཕྱི་ནང་གསང་བར་འབྲེལ། །ངོ་བོ་འབྱུང་གནས་བྱེ་བྲག་ཅི་ལྟར་སྦྱར། །སྐྱེ་བ་མེད་པ་བོན་གྱི་དབྱིངས་ཉིད་ནས། །འགག་པ་མེད་པ་ཐུགས་རྗེའི་འོད་སྤྲོས་པས། །ལྐུགས་པ་ཁ་འབྱེད་འཕྲུལ་གྱི་ཡི་གེ་བྱུང༌། །བཞི་བཅུ་རྩ་ལྔ་ལྷ་ཡི་དམིགས་སུ་བཅས། །མཚན་མ་རྩལ་ལྔ་ཕུང་པོ་གནས་སུ་སྦྱར། །སྣང་ལ་དངོས་མེད་སེམས་ཉིད་བཞི་བཅུ་ལྔ། །ཕྱི་ནང་གསང་བ་རྫུ་འཕྲུལ་དྲྭ་བ་འདྲ། ཨ་ཨཱོྃ་ཧཱུྃཾཾཾཾྃཿ པ་ཕ་བ་མ། ར་ལ་ཤ་ས། ཀ་ཁ་ག་ང༌། ཙ་ཚ་ཛ་ཝ། ཅ་ཆ་ཇ་ཉ། ཏ་ཐ་ད་ན། ཞ་ཟ་འ་ཡ། ཧ་ཧཿ ཧུ་ཧེ་ཧོ། ཞེས་དང༌། གཡུང་དྲུང་ལས་དག་ལས། །འཕྲུལ་གྱི་ཡིག་སྨད་སུམ་ཅུའི་འབྲུ་བཀོད་ཅིང༌། །ལྷག་པའི་ཡིག་ཕྲན་བརྒྱད་ཀྱི་རྒྱན་བཀོད་ན། །ཞེས་དང༌། མ་རྒྱུད་སྐྱེ་མེད་ཐིག་ལེ་ལས། །འཕྲུལ་གྱི་ཡིག་འབྲུ་སུམ་ཅུས་གོ་ཕྱེ་ན། །ཀྴ་ཡིས་ལམ་དྲངས་ཨ་ཡིས་བར་ཡང་འབྱེད། །ཥྚ་ཡིས་མདོ་བཅད་ཨི་ཨུ་ཨེ་ཨོ་ཨྃ། །སྐབས་སྦྱོར་དོན་དུ་ཡན་ལག་རྒྱས་པར་བཏགས། །བྷི་མྷིང་སྤུགས་པའི་བཞི་བཅུ་འགྱུར། །ཞེས་དང༌། མདོ་དྲི་མེད་ལས། ཡི་གེ་སུམ་ཅུས་བོན་གྱི་ཁོག་ཡང་ཕུབ། །འགོ་ཡིས་ལམ་དྲངས་ཤད་ཀྱིས་མདོ་ཡང་བཅད། །ཚེག་གིས་བར་ཕྱེ་མི་འཁྲུག་གསལ་བར་སྙོམས། །གུག་འགྲེང་ན་རོ་ཞབས་ཀྱུ་ཡ་སྟ་ཡིས། །སྐབས་སྦྱོར་དོན་དུ་ཡན་ལག་རྒྱས་པར་བཏགས། །ཞེས་པས་སྤྱིར་ཡི་གེ་ཙམ་མ་ཟད་ཡི་གེའི་འགོ་ཤད་ཚེག་དང་བཅས་པ་གསལ་པོར་བསྟན།། ༧ གཉིས་པ་བན་དེ་སྡེ་དགེའི་ཤིང་པར་མ་ནི་བཀའ་འབུམ་ལས། རྒྱལ་པོ་ལྷ་ཐོ་ཐོའི་རིང་ལ་པང་ཀོང་ཕྱག་རྒྱ་པ་དང༌། མདོ་སྡེ་ཟ་མ་ཏོག་བཅས་བོད་ཀྱི་ཡི་གེ་རུ་བྱུང་། །ཞེས་དང༌། ཆོས་འབྱུང་མེ་ཏོག་སྙིང་པོ་སྦྲང་རྩིའི་བཅུད་ལས། བོད་ཀྱི་ཡི་གེ་ནི་ཁྲི་ཡེར་བཙན་པོའི་དུས་ནས་བྱུང༌། ཁྲི་ཡེར་བཙན་པོ་ནི་གནམ་གྱི་ཁྲི་བདུན་གྱི་བཞི་པ་ཡིན་ཞེས་དང༌། བན་དེ་གཡའ་སེལ་ལས་བོད་ཀྱི་ཡི་གེ་ནི་ལྷ་མོ་དྲི་མ་མེད་པ་ལ་སོགས་དུ་མ་དང་དུས་འཁོར་འགྲེལ་ཆེན་དུ་བོན་ཀྱི་སྐད་ཀྱིས་བྲིས་ཞེས་དང༌། དྲི་མ་མེད་པ་མདོར་བསྡུས་བཞི་པ་ལས། ཐམས་ཅད་མཁྱེན་པའི་ཆོས་རྣམས་སྡུད་པར་བྱེད་པ་དག་གི་བྲིས་སོ་དེ་བཞིན་དུ་བོད་ཀྱི་ཡུལ་དུ་ཐེག་པ་གསུམ་བོད་སྐད་ཀྱིས་བྲིས་ཏེ་ཞེས་དང༌། སློབ་དཔོན་པད་མའི་ཞལ་ནས། རྒྱ་གར་ཡི་གེ་བོད་ལ་བསྒྱུར་བའི་ཚེ། །རྒྱ་གར་ཡི་གེ་བོད་ལ་བསྒྱུར་མ་ཐུབ། །ཀ་ཁ་སུམ་ཅུ་བོད་ལ་དཔེ་རུ་བླངས། །ཞེས་དང༌། མཁས་དབང་ནམ་མཁའི་ནོར་བུས་ང་ཚོས་དྲང་བདེན་གྱི་སྒོ་ནས་དཔྱད་ཞིབ་མཐིལ་ཕྱིན་པ་ཞིག་བྱས་པ་ཡིན་ན། ཆོས་རྒྱལ་སྲོང་བཙན་སྒམ་པོའི་གོང་དེར་བོད་ལ་ཡི་གེ་འབྲི་སྲོལ་ཡོད་པ་ནི་ལུང་དང་རིག་པ་གཉིས་ཐོག་ནས་བདེན་དོན་མཐིལ་འདོན་ཐུབ་ཡོད་ཅེས་པས་ལུང་གིས་གསལ་ཡོད་ཞེས་གསུངས། དེར་བརྟེན་དེང་དུས་ཀྱང་མཁས་པ་མང་པོ་ཞིག་གིས་སྔར་ནས་ཞང་བོད་ཀྱི་ཡི་གེ་ཡོད་པར་བསྟན་པས། ང་ཚོ་བོད་རིགས་རྣམས་ཀྱིས་བོད་སྔ་རབས་པའི་ལུང་པ་ནི་རིག་གནས་དང་གཞུང་དོན་གང་ཡང་མེད་པར་ཆེས་ཀླ་ཀློ་དང་མུན་ནག་གི་རྣམ་པ་ལྡན་པའི་ཡུལ་ཞིག་དང༌། རྒྱ་གར་ནས་བན་དེའི་ཆོས་གསར་དུ་བྱུང་ནས་བོད་ལ་དབྱར་མཚོ་རྒྱས་པ་ལྟ་བུ་རིག་གནས་དང་གཞུང་དོན་བཅས་ཀྱི་ཉི་མ་གསར་པ་ཞིག་ཤར་བ་ཡིན་པ་བློ་ལ་ཤ་འཇགས་རུས་འཇགས་བྱས་ནས་བསྡད་ན་བོད་མི་རིགས་ལ་སྨན་པའམ་གོ་ཆོད་པའི་ལ་རྒྱ་ཞིག་ཡོང་དཀའ་བར་སེམས། |
|
|
|
