ཕ་ས་ཡིན།

༧ཡུལ་གངས་ཅན་ཁ་བའི་ཞིང་མཆོག་ན།།

གནས་བྱིན་ཆེན་སྤུ་རྒྱལ་གངས་དཀར་ཁྱེད།།

ཕྱུགས་དཀར་ནག་འཕེལ་བའི་བླ་རི་དང་།།

དགོས་འདོད་དགུ་འབྱུང་བའི་ཕ་ས་ཡིན།།

རི་དབུ་རྩེ་གངས་དང་ཁ་བས་བརྒྱན།།

དབྱར་ཆུ་འཛིན་སྨུག་པ་རང་འཁོར་ཡོད།།

ཆུ་ཡན་ལག་བརྒྱད་ལྡན་མགོ་མོ་དང་།།

སེང་གཡུ་རལ་ཅན་གྱི་ཕ་ས་ཡིན།།

རི་སྐད་པར་ཚངས་ཚིང་གཡུ་ལོས་བརྒྱན། །

དབྱར་བདུད་རྩིའི་སྦྲང་ཆར་ཟེགས་མ་འབེབས།

བྱ་ཁུ་བྱུག་ངག་གིས་གླིང་བུ་བསྒྱུར།།

སྟག་འཛུམ་དྲུག་ཅན་གྱི་ཕ་ས་ཡིན།།

རི་འདབས་མ་བདུད་རྩིའི་ཆུ་བོས་བརྒྱན།།

 མཚམས་སྤང་ལྗོངས་པད་མའི་པ་ཏྲ་དང་།།

དབྱར་རྐང་འཐུང་འདབ་མ་སྐར་ལྟར་བཀྲ།

རྟ་ནོར་ལུག་སྟོང་གི་ཕ་ས་ཡིན།།