ལོ་སར་ཚེས་གསམ།

ལོ་སར་ཚེས་གསུམ།།

ཉེར་གཅིག་དུས་རབས་གསར་པའི་གནམ་ལོ་གསར་པ།།                              

ལྕགས་བུ་ཆུ་ཡིས་གསོས་པའི་ཆུ་ཕོ་འབྲུག་ལོ།།

དགའ་སྐྱིད་རྟེན་འབྲེལ་རྟགས་ཀྱི་ཁ་གཡང་མཉམ་དུ།།

ཚེ་རིང་ནད་མེད་འབྱོར་བར་བཀྲ་ཤིས་བདེ་ལེགས།།

གཙང་མ་མི་ལུས་རིན་ཆེན་ཁག་ཡོད་ལག་ཡོད།།

སྙན་དབྱངས་ངག་གི་འགྱུར་ཁུག་དབང་ཡོད་དབང་མེད།།

ལྡེམ་མྱུར་ལུས་ཀྱི་སྟངས་སྟབས་མིག་གི་ཆོ་འཕྲུལ།།

ང་ཚོ་ལྟད་མོ་བ་ཡི་མིག་གི་བདུད་རྩི།།

རྩིད་དམར་སྦོ་ལོ་ཅན་གྱི་སྟེང་ཆེན་རལ་པ།།

ཐེར་ཕྲུག་ལྭ་བ་ཅན་གྱི་ཆབ་མདོའི་བྲོ་ཆེན།།

རྒྱུད་མང་རོལ་དབྱངས་ཅན་གྱི་སྨར་ཁམས་པི་ཝང་།།

མི་རབས་རྒྱུད་མའི་ནང་ནས་ལྟད་མོ་ཟད་མེད།།

ཁྱུང་ཕོ་ཤྭ་བ་རང་བྱོན་ཞིག་གི་འགྲམ་ནས།།

ཨ་དབལ་སྲུང་ཟློག་འཕྲིན་ལས་གཅིག་གི་མཇུག་གྲུབ།།

ཁམས་མཐུན་ལས་གྲོགས་སྤུན་ཟླ་འགའ་དང་ལྷན་དུ།།

སྣང་ཚུལ་གསར་པ་དབང་མེད་འདི་ལྟར་འཕྲད་བྱུང་།།