གསལ་བྱེད་སུམ་ཅུ་དང་འབྲེལ་བའི་གཏམ་ཐུང་།།
དཀོན་མཆོག་གསུམ་པོ་བསླུ་མེད་སྐྱབས་གནས་སུ་ཟུངས་དང་།།
འཁོར་བའི་འདམ་ལས་ཐར་པའི་བདེ་ལམ་ཞིག་འཚོལ་ཐུབ།།
དགོས་པའི་ལས་ལ་ལྷོད་མེད་སློབ་སྦྱོང་ཞིག་གནོང་གདའ།།
ང་ཚོར་མི་ལུས་ཐོབ་པའི་དོན་འབྲས་དེ་སྨིན་ཡོང་།།
གཅིག་ཏུ་རང་ལ་བཟང་པོའི་གཤིས་ཀ་དེ་མེད་ལ།།
མཆོག་གྱུར་དགེ་རྒན་དམ་པའི་གསང་གསུམ་གྱི་ཡོན་ཏན།།
ཇ་བཞིན་བཏུང་འདོད་ན་ཆུང་བྱིས་དུས་སུ་ཅི་ཡོད།།
ཉིན་ལྟར་སྦྱོང་སྐལ་འཆར་བ་ཚེ་སྔོན་གྱི་ལས་ཡིན།།
རྟ་ནོར་ལུག་གསུམ་སྐྱོང་བའི་གངས་ཅན་པའི་གཞོན་ནུས།།
མཐའ་མའི་ལས་ཀྱིས་སྒོ་ནོར་བཤས་ར་ལ་མ་འདེད།།
བདེ་བའི་འབྲས་བུ་ཐོབ་འདོད་བློ་སེམས་ཤིག་ཡོད་ན།།
རྣམ་དཀར་དགེ་བའི་དོན་ལ་འབད་པ་དེ་མ་ཆུང་།།
དཔེར་ན་དྲོད་དཔྱིད་ལྡན་པའི་ས་ཞིང་གི་དཀྱིལ་དུ།།
ཕར་ལ་གྲོ་དང་ས་བོན་ཅི་འདྲ་ཞིག་བཏབ་རུང་།།
བ་མོ་སད་དང་སེར་བའི་བློ་དགྲ་གང་མེད་ཚེ།།
མ་འོངས་རྒྱུ་དང་མཐུན་པའི་འབྲས་བཟང་ཞིག་ལོས་སྨིན།།
གཙང་ཁྲིམས་རྣམ་པར་དག་པའི་སྡོམ་ལྡན་གྱི་སྐྱེས་བུས།།
ཚོང་ལས་བྱེད་ནས་མི་མགོ་དོན་མེད་དུ་མ་བསྐོར།།
མཛེས་པའི་རྒྱན་ཆ་ཐོབ་འདོད་ཞེ་ཕུགས་ལ་འཆང་ནས།།
ཝ་སྐྱེས་རྒྱལ་པོའི་ཁྲི་ལ་བཞུགས་སེམས་དེ་མ་སྐྱེ།།
གཞན་ཕན་ཡར་རབས་སྤྱོད་བཟང་སྙིང་ཁང་དུ་ཉར་བཞིན།།
བཟང་པོའི་ཡོན་ཏན་དུ་མ་གྲོགས་ཀུན་ལ་སྤེལ་དང་།།
འ་ཅག་གོང་མའི་ལུགས་སྲོལ་ཉམས་མེད་ཀྱི་ངོས་ནས།།
ཡ་མཚན་དགེ་བཅུའི་མེ་ཏོག་དུས་ཀུན་དུ་བཞེས་མཛོད།།
ར་མ་ལུག་བཞིན་གྲོགས་ངན་རྒྱང་རིང་ལ་དོར་ནས།།
ལུགས་སྲོལ་བཟང་པོའི་མཆེད་རྣམས་མིག་དཔེ་རུ་བཀུར་ཞིང་།།
ཤ་ཚ་སངས་རྒྱས་བསྟན་པར་དུས་ཀུན་དུ་འཆང་ནས།།
ས་སྟེང་མཁས་གྲུབ་གོང་མའི་རྗེས་འཛིན་དངོས་གྱིས་དང་།།
ཧ་ལམ་ཤེས་བྱའི་གནས་ལུགས་ཚེ་འདི་ལ་རྟོགས་ཐུབ།།
ཨ་མཚར་ཚད་མའི་རིག་གཞུང་བརྩོན་པ་ལ་བྲེལ་ནས།།
ཧ་ཅང་དགའ་བའི་དོན་འབྲས་བཟང་པོ་ཞིག་གཉེར་དང་།།
ཨ་མས་གསོ་སྐྱོང་བྱས་པ་ཆུད་ཟོས་སུ་མི་འགྲོ།།
ཀོ་བཙུན་རྣམ་དག་ཚུལ་ཁྲིམས་ནས།།
