བསྔོ་བ།
༤/༡༤ལ་བྲིས།
གནམ་སྔོན་པོའི་བཀའ་བཀྱོན་དེ
ས་དོགས་མོའི་མིག་ཀོང་དུ་ལྷུང
ཤས་མི་བཟོད་པའི་ཟ་ཟུག་དེའམ
ང་ཚོའི་སྙིང་ལ་ཕོག་སོང
ལག་པ་མང་བོ་མང་པོ་ཞིག་སྟོང་བར་ལུས
དབུགས་རྒྱུན་མང་པོ་མང་པོ་ཞིག་གཏན་ནས་འགག
བསམ་པ་མང་པོ་མང་པོ་ཞིག་ཀྱང་སྡུག་གིས་མནར
སྙིང་རྗེ་བྲལ་བའི་འགུལ་བསྐྱོད་དེས
འུ་ཚང་གི་ཕུ་ནུ་མིང་སྲིང་ཚོའི་བདེ་སྐྱིད་འཕྲོག་སོང
འཆར་གཞི་མ་འགྲུབ་པར་གཟིམས་སོང་དུས
ན་ཟུག་མ་བཟོད་པར་ངུ་དགོས་ཀི
ལོ་ཟླ་དེ་རིམ་གྱིས་རིམ་གྱིས་འདས་སོང
ཁྱོད་ཅག་ལའང་འགྱུར་ལྡོག་མི་ཆུང་བ་རེ་བྱུང་སོང
ཡིན་ན་ཡང ལོ་རྒྱུས་ཀྱི་ཤོག་ལྷེ་ན་གད་ཆག་ཤོར་བའི་ན་ཟུག་དེ
སུས་ཀྱང་བརྗེད་མ་མྱོང་ལ་བརྗེད་ཀྱང་མི་སྲིད
གཟིམས་ཟིན་པ་དེ་དག་ཆོས་ཀྱིས་བསྔོ
གསོན་ཡོད་པ་འདི་དག་གཏམ་གྱིས་བསྔོ
༢༠༡༤/༡༤
