ས་རུབ་སོང་ཟིག                                               

ས་རུབ་སོང་ཟིག

མུན་པ་སྟུག་པོ་དེའི་ཕྱི་ནང་ན

ལག་པ་རྩུབ་མོ་དག་གིས་རྒོལ་བ་བྱེད

ཁུངས་མེད་པའི་མི་ཁ་ཞིག་ཀྱང་ངང་གིས་འཁོར

ཡོད་ཚད་ལ་བདེན་ཁ་མ་མཐོང་བས

ཐམས་ཅད་ལ་བཟོད་སྒོམ་མི་བྱ་ཐབས་མེད་རེད

ཟླ་བའི་རང་མདངས་ཇི་ལྟར་གསལ་ན་ཡང

མུན་པ་ནི་མུན་པ་རང་ཡིན་པས་བསལ་ཐབས་ཅི

ལོ་ཟླའི་གཉའ་འོག་ནས

བདེན་པ་འབའ་ཞིག་ལ་ཅེར་ནས་ཡོད

ཉི་འོད་དང་འདྲེས་པའི་ལྗང་མདོག་གི་འཇིག་རྟེན

མུན་པ་འདིའི་ཕ་རོལ་ན་ཡོད་ཤག་ཤག་རེད་འདུག

འཕག་འཚག་གི་ང་རོ་དག་གིས་བདེ་ལམ་ལ་སྙེག

བདེན་དོན་ཀྱི་མེ་ལྕེ་རྣམས་ཀྱིས་མུན་པ་ལ་རྒོལ

ཆོས་ཉིད་ལ་རྡོག་རྫིས་མ་བཏང་བ་འདི་གནས་ལུགས་ཡིན

ས་རུབ་སོང

ཟླ་བ་དང་སྐར་ཚོགས་དག་ཀྱང

མུན་པའི་སྨག་རུམ་ན་ཉལ་ནས་འདུག

ཅི་ཡང་མཐོང་མི་ཐུབ་པས་ལག་པ་འདི་གང་ལ་འཕྲད་འགྲོ