ཀ་རྩོམ་བདེན་འགྲུབ་མ། 

                               འཕན་བུ།  

ཀ༷་རྩོམ་འབྲི་བར་ང་མཁས་ཟེར་ནས་ཁ༷་ཕོའི་གཏམ་འདི་བཤད་རྒྱུ་མ་སྔ།  ། 

ག༷་དུས་ཡིན་ཡང་སློབ་ལ་བརྩོན་པ་ང༷་དང་ཁྱོད་ཚོའི་འོས་འགན་ལོས་ཡིན། ། 

ཅ༷་དག་གོས་ཀྱིས་རྒྱན་སྤྲོས་བྱས་ནས་ཆ༷་ལུགས་ཡ་མ་ཟུང་དུ་མ་གཏོང་། ། 

ཇ༷་ཆང་ལོངས་སྤྱོད་ཉི་ཚེའི་ཆེད་དུ་ཉ༷་ཉོག་ལས་ཀྱིས་དུས་ཚོད་མ་བརླག ། 

ཏ༷་ལེ་བུ་མོར་ཡིད་སེམས་ཆགས་ནས་ཐ༷་མའི་སྤྱོད་པས་ངོ་ཚ་མ་ཉོ། །

ད༷་ལྟའི་མི་ལུས་སྙིང་བོར་བཟུང་ནས་ན༷་ཚོད་གཞོན་དུས་སློབ་ལ་འབད་དགོས། ། 

པ༷་སངས་ལྟ་བུའི་ལྷག་བསམ་མེད་རུང་ཕ༷་མའི་རེ་བ་སྟོང་ཟད་མ་གཏོང་། ། 

བ༷་གླང་དུད་འགྲོའི་བརྟུལ་ཞུགས་བཟུང་ནས་མ༷་རབས་ལས་ཀྱིས་མི་ཚེ་མ་འདའ། ། 

ཙ༷་དུར་ཕྱུགས་ཀྱི་སུག་རྗེས་ཁྲོད་ནས་ཚ༷་གྲང་སྡུག་བསྔལ་མྱོང་དོན་མེད་གི ། 

ཛ༷་དྲག་སྐབས་སུ་རང་ཉིད་གཅུན་ནས་ཝ༷་སྐྱེས་སྤྱོད་པ་རིང་དུ་སྤོང་དགོས། ། 

ཞ༷་གོས་ཙམ་གྱིས་བསམ་པ་མགུ་ནས་ཟ༷་འཐུང་ཁྲོད་ན་མགོ་བོ་མ་འཁོར། ། 

འ༷་ཅག་བོད་ཀྱི་རྗེས་རབས་ཡིན་ནོ་ཡ༷་སེམས་ནས་བརྗེད་དུ་མ་འཇུག ། 

ར༷་ལུག་འཚོས་ན་དཀའ་ཁག་མེད་རུང་ལ༷་ལུང་དག་ན་འདུག་ཚོད་མ་རེད། ། 

ཤ༷་དང་རུས་པར་རྐང་ཞིག་ཡོད་ན་ས༷་ཆེན་འདི་ན་ནུས་པ་ལོས་ཐོན། ། 

ཧ༷་ཅང་ཐུང་བའི་ཀ་རྩོམ་འདི་ནི་ཨ༷་ཕོ་ང་ཡི་སྙིང་གཏམ་ངོ་མ། ། 

ཨ༷་མདོའི་ཡུལ་གྱི་སློབ་གྲོགས་ཚོ་ལ་ཧ༷་ལམ་སློབ་གསོའི་ཚུལ་དུ་བྲིས་སོ། ། 

                       ༢༠༡༣ ༣ ༡༢    དགོང་མོར་རང་ཤག་ཏུ་བྲིས།