སྦག་སྦག་འཁོར་ལོ།།
ཁ་བ་རྐང་གླིང་།
དེ་ཡང་། ད་ལོ་བཀྲ་ཤིས་གཞུང་ཞབས་པའི་ཡིག་རྒྱུག་འཕྲོད་པའི་
རྟེན་འགྲེལ་གྱི་ལོ་ཞིག་རེད། ཁོ་རང་གཞིས་ཀ་རྩེ་གྲོང་ཁྱེར་གྱི་རྗོང་ཞིག་ཏུ་ལས་
བཀོད་རྒྱབ་པ་རེད། ཁོ་རང་ལས་སུ་སླེབས་མ་ཐག་ནོར་སྲིད་ཅུད་ནས་སྒོར་མོ་
ཁྲི་གཅིག་ཙམ་སྤྲད་པས། ཞིང་ཁུལ་ནས་ཡོང་བའི་ཁོ་རང་ལ་མཚོན་ན་འདི་
འདྲའི་སྒོར་མོ་མང་པོ་ལག་ཏུ་ལེན་མྱོང་ཡེ་ནས་མེད་པས། ཁོ་དགའ་རྟགས་ཆོད་
ནས། སྒོར་མོ་ཁྲི་ཚོ་དེ་ནས། ཕུད་དེ་དགོན་པར་འཕུལ་བ་དང་དེ་མིན་གྱི་སྒོར་
མོས་རང་ཁྱིམ་སྦག་སྦག་འཁོར་ལོ་ཞིག་ཉོ་འདོད་པ་རེད།།
ཁོས་སྒོར་མོ་ལག་ཏུ་བླངས་ནས། མནོ་བསམ་གྱི་ཐག་སྣེ་ཕ་ཡུལ་ལ་
ཕྱོགས་བཞིན། ཁོ་རང་སློབ་ཆེན་ལོ་རིམ་གཉིས་པའི་སྐབས་གྱི་དགུན་ཁའི་གུང་
གསེང་གི་སྐབས་སུ་ཤོར།དགུན་ཁ་དེ་ནི་ཧ་ཅང་གི་དྲོ་བཞིན། བཀྲ་ཤིས་དང་ནུ་
བོ་ད་དུང་ཁོའི་ཨ་ཁུ་གཉིས་རྡོ་རྒྱལ་བཅས་ཉིན་གུང་རྟག་པར་ཁང་པའི་མཐོ་ག་
རུ་རྩེད་མོས་དབྱིངས་ཞུག་ནས་འཕར་མཆོངས་བྱས་པས། ཁབ་པའི་ཁོག་གའང་
མེར་མེར་བྱེད་བཞིན་འདུག ལོ་གསར་སླེབས་ལ་ཉེ་བའི་དགོང་མོ་རྡོ་རྒྱལ་གློ་
བུར་ན་བཞིན་ཤང་སྨན་ཁང་དུ་བསྐྱོད་པ་ན། སྐྱོན་མིན་འདུག་ཅེས་ལབ་ཅིང་།
སྨན་འགའ་ཞིག་སྦྱིན། ཡིན་ནའང་། རྡོ་རྒྱལ་ཐོ་རེངས་ཀྱི་སྐབས་སུ་འཇིག་
རྟེན་ཕྱི་མའི་ལམ་ལ་བཞུགས་པ་རེད།།
ཨ་ཁུ་རྡོ་རྒྱལ་ནི་སྦག་སྦག་འཁོར་དགོས་འདོད་ཀྱི་སེམས་པས་ཡོངས་སུ་
ཟིན་དེ། རང་ཁྱིམ་དུ་སྦག་སྦག་ཉོ་དགོས་ཞེས་ཐེངས་མང་ལབ་མྱོང་ཡོད་པ་རེད།
ཡིན་ནའང་ཞིང་སྦར་མོ་གང་པོ་ལས་བཏུས་པའི་འབྲུ་རིགས་ཀྱི་བཀྲ་ཤིས་སློབ་
ཡོན་དང་ཁྱིམ་ཚང་གི་འགྲོ་སོང་ཡང་མི་ལོན་པས། གྲོང་ཚོའི་ནང་གི་ཁྱིམ་ཚང་
གཞན་དག་ལྟར་ཉོ་ག་ལ་ཐུབ།།
ཕྱི་རོལ་ནས་ཁོའི་ལས་རོགས་དོན་གྲུབ་ཀྱི་འབོད་པ་ན་བཀྲ་ཤིས་གཉོད་ལས་སད་པ་བཞིན། མནོ་བསམ་ལས་གྱེས་ཏེ་དོན་གྲུབ་ལ༼ག་རེ་ལབ་པ་ཞེས་
བཤད་ཅིང་། དོན་གྲུབ་ཀྱིས་ཕྱི་རོལ་འགྲོ་གི་མིན་ནམ་ཞེས་བཤད། མིན། མིན།
ཁྱེད་རང་ཕེབས་ཀོ་ཞེས་བཤད༽ ཁོ་སྔར་བཞིན་མནོ་བསམ་གྱི་ཞིང་ཁམས་སུ་
བསྐྱོད་ཅིང་།ཨ་ཁུ་རྡོ་རྒྱལ་གྲོང་དུས་ཀྱི་ཟུག་ཟེར་གྱིས་ཨེན་སྒྲ་བར་མེད་དེ་ཡིད་ལ་
འཆར་སྐབས། མིག་ཆུ་རྡོག་པོ་ཆེན་པོ་འགའ་མཁུར་ཚོས་བརྒྱུད་ནས་ས་སྟེང་དུ་
ཟག་བཞིན། དེ་རེས་ནོར་སྲིད་ཅུད་ནས་སྤྲད་པའི་སྒོར་མོར་ཉོས་པའི་སྦག་སྦག་
འཁོར་ལོ་འདིས་ཁོང་སེམས་པ་དགའ་བས་མྱོས་ངེས་བསམ།།
སྐབས་དེར་རླུང་བུ་ཆེན་པོ་ཞིག་ཤུགས་ཀྱི་ལྡང་ནས། ཕྱི་རོལ་ན་རྩེད་
འཇོར་རོལ་བའི་ལས་རོགས་དེ་དག་ཀྱང་། མྱུར་མོར་རང་ཉིད་གྱི་གྱོན་གོས་དེ་
དག་ལག་པར་འཁྱེར་ནས་རང་ཁྱིམ་དུ་འཛུལ་སོང་། ང་ཡང་རང་ཁྱིམ་དུ་འཛུལ་
ནས་སྒོ་མོ་ཧྲག་སེ་རྒྱབ་ནས། བརྙན་འཕྲིན་འཕྲུལ་འཁོར་ཁ་ཕྱེ་ནས་ལྟ་བར་
བརྩམ།།
