མདང་ནུབ་སྦི་རག་འཐུང་རྗེས།
ལྦུ་ཆང་སོབ་སྒྲ་བཏུང་ནས།།
མཛེས་མ་འགྲམ་དུ་ཉར་ཏེ།།
སེམས་པ་སྐྱིད་དུ་བཀོད་འདོད།།
གཟུགས་པོ་བདེ་ལ་བཀོད་འདོད།།
བཏུང་བཞིན་འཐུང་གྱིན་བདག་རང།།
མགོ་བོ་གས་ལ་ཉེ་སོང་།
ཕོ་བ་མེ་ཡིས་འཚིག་སོང་།
གྲོད་པ་ཆུ་ཡི་གང་སོང།།
གསང་སྤྱོད་ཡང་ཡང་བཀོལ་ཏེ།།
གོ་ལ་གཅིན་ཀྱིས་བཀང་ཡོད།།
ཨ་ཙི་དྭངས་གཙང་ཆུ་བོ།།
ང་འདྲའི་མགོ་སྟོང་འདི་ཚོས།།
བཙོག་པ་བཟོ་བ་མིན་ནམ།།
དྭངས་གཙང་མཁའ་རླུ་འདི་ཡང་།
ང་འདྲའི་སྒེར་སེམས་ཅན་ཚོས།།
དྲི་མས་སྦག་པར་བྱེད་འདྲ།།
ཨེ་མ་ང་ཡི་ནག་ཉེས།།
ཁྲིམས་གྱི་དག་ཐབས་མིན་འདུག།
སྲོག་གིས་འཇལ་ཆོད་མེད་འདྲ།།
ང་ནི་མི་ཚོགས་ནང་གིས།།
རྒྱལ་ཁབ་རིམ་པ་དང་པོའི།།
ནག་ཉེས་ཅན་གྱི་མེ་དེ།།
ང་ནི་མི་མང་ཁྲོང་ཀྱི།
སྡིག་ཆེན་དེ་ཡང་ཡིན་ནོ།།
སྙུག་སྟོབས་བདེ་གྲོལ་གྱིས།
