དཔྱིད་ཀས་བཏབ་པའི་ན་ཟུག་ཨ་ཚ་མ།།

              ཁ་བ་རྐང་གླིང་།

དགུང་སྔོན་པོའི་དཀྱིལ་རོལ་ན།།

སྤྲིན་དཀར་པོ་ཐར་ཐོར་ལྡིང་།།

སྤྲིན་དཀར་པོ་ལྡིང་བའི་འོག །

བསིལ་རླུང་བུ་དངའགྲོག་ནས།།

ཞིང་རྨོ་འདེབས་ལ་བྲེལ་ལུགས།།

ཁོང་ལས་ལ་བརྩོན་པ་དག །

རྗོ་ངར་མར་གཉའ་བྱས་ཏེ།།

ས་ལྷོག་ལྷོག་ཏུ་རྨོ་འོ།།

མིག་དེ་ལ་འཁོར་ནས་ཀྱང་།།

རང་ཕ་ཡུལ་ཡབ་ཡུམ་ཟུང་།།

ཞིང་ཐལ་ཆུང་གྲུ་བཞིའི་ནང་།།

སེམས་བདེ་བར་བབས་ནས་ནི།།

ཞིང་རྨོ་འདེབས་ལས་ལ་བྲེལ།།

ཡིད་དབང་པོའི་རྙན་འཕྲིན་དུ།།

རྒྱུག་ཆུ་བོ་རྒྱུག་རྒྱུག་བྱེད།།

དེ་འཆར་བཞིན་འཆར་བཞིན་དུ།།

དྲིན་ཕ་མ་བཅས་པ་རྣམས།།

དྲན་གདུང་བའི་རང་འཁོར་ཞིག །

འཁོར་གཡས་གཡོན་ནས་འཁོར་བྱུང་།།