ཆུང་དུས་ཀྱི་དྲན་འཆར།།

                                   ཁ་བ་རྐང་གླིང་།

རྩེད་རྭ་ཐལ་བའི་ནང་ནས།།

རྩེད་གྲོགས་སྣབ་ལུད་འགའ་ཞིག །

རྕེད་ཆས་རྭ་དང་རུས་རྐང་།

རྩེད་ཡུལ་ཕ་ས་དྲན་ནོ།།

བཟའ་བཏུང་པགས་དང་ཇ་ཁུ།།

གྱོན་པ་ལྷན་པའི་ལྷན་པ།།

གདོང་ལ་དྲག་པའི་སྲོལ་བ།།

བྱིས་དུས་འཚོ་བ་སྐྱོ་ཙམ།།

ཨ་མས་བྱམས་པའི་བརྩེ་བ།།

ཡབ་ཀྱི་དུངས་བའི་བསུ་མ།།

ཕ་ཡུལ་སྐྱོ་ཙམ་ཡིན་ཡང་།

སྐྱིད་པའི་ཉི་མ་དྲོ་འོ།།

ལུས་པོ་དཀའ་བས་མནར་ཀྱང་།

གཡག་དང་ཁྱུང་དཀར་མཛོ་མོས།།

བདག་ལ་ལམ་རོགས་ཡོད་པས།།

སྐྱིད་པའི་དྲན་སོ་ཡོད་དོ།།

ལུས་ལ་དར་ཟབ་གྱོན་ཏེ།།

རླུང་རྟའི་དར་ལྕོག་ཁུར་ནས་

རི་བོ་མཐོན་པོར་འཛེགས་པ།།

ད་ལྟ་དྲན་ན་སྐྱིད་པ།།

རྒྱབ་མདུན་འདུར་བ་མེད་པ།།

གཡས་གཡོན་བཙིར་མཁན་མེད་པ།།

ཆུང་ཆུང་བྱིས་པའི་འཚོ་བ།།

སྣང་བ་རང་སྐྱིད་རེ་ཞག།

ལ་ནས་ལ་མོ་རྒྱབ་སྟེ།།

ཐང་ནས་ཐང་ཆེན་བརྒལ་ནས།།

མི་ཡུལ་མི་ཡི་ལུང་པ།།

རྒྱལ་ས་ཡིན་ཡང་བསུན་འགྲོ །

བྱ་བྱེའུ་གསུང་སྐད་སྙན་བཞིན།།

རྫི་གླུའི་རི་ཀླུང་འགུལ་བའི།།

ཕ་ས་ནགས་ཀྱི་ཁེབས་པ།།

ད་ལྟ་དྲན་བཞིན་ད་ལྟ་འཆར།།

བདག་གི་སེམས་པ་ཞེན་ས།།

བདག་གི་གོམ་པའི་ཁ་ཕྱོགས།།

ཕ་ས་སྦས་ཡུལ་ཁ་ཏ།།

ཀྱེ་ཀྱེ་བདེ་བར་བདེ་ཞིག །