དེ་ཡང་གཤེན་རབ་མི་བོ་ཆེ་ཞེས་ཟེར་ན།    མི་འགའ་ཞིག་གི་བསམ་པར་ཁོང་

ནི་བོན་ཆོས་སྲོལ་གཏོན་མཁན་ཞིག་ཏུ་ངོས་འཛིན་བྱེད་བཞིན་འདུག   འོན་ཀྱང་

དོན་དངོས་སུ་གཤེན་རབ་མི་བོ་ཆེ་མ་འཁྲུངས་གོང་ནས་བདུན་བོན་དང་གདོན་

བོན།   བཙན་བོན་སོགས་ཡོད་པ་རེད།    འོ་ན་གཤེན་རབ་མི་ཆེ་བོན་ཆོས་གཏོད་

པ་མིན་ན་ག་རེ་སྲོལ་གཏོད་དམ་ཞེས་འདྲིས་ན།   ཁོང་གིས་གཡུང་དྲུང་བོན་སྲོལ་

གཏོན་པ་ཡིན་ཞེས་ལན་གདེབ་པའོ།

          གཤེན་རབ་མི་བོ་ཆེ་ནི།   དམུ་ཡི་གདུང་རབས་ཉི་ཤུ་པ་ཡིན་པ་དང་།  

ཡབ་ཀྱི་མཚན་ལ་རྒྱལ་བོན་ཐོད་དཀར་ཟེར་བ་དང་ཡུམ་གྱི་མཚན་ལ་བཞད་མ་ཟེར་

བ་ཡིན།   གཤེན་རབ་མི་བོ་ཆེའི་ཡབ་ཀྱི་སྐབས་ནས་བོན་ཡོད་པ་ཁོང་གི་མཚན་ལས་གསལ་པོར་རྟོགས་ཐུབ་ལ།    བཙན་པ་གྱེར་ཆེན་སྐབས་ནས།   བཙན་བོན་

ཡོད་པའང་ཤེས་ཐུབ།

             འོ་ན་གཤེན་རབ་མི་བོ་ཆེས་གཡུ་དྲུང་བོན་ཇི་ལྟར་སྲོལ་གཏོད་དམ་ཞེས་

ན།ཁོང་གི་དམར་མཆོད་བྱེད་པ་སོགས་ཀྱི་ཚབ་ཏུ་འབྲུ་དཀར་གྱི་གཏོ་མ་བྱེད་པ་

དང་ཡང་ན་ཁྲག་གི་སྐྱེམས་འབུལ་གྱི་ཚབ་ཏུ་འབྲུ་ཆང་གི་འཐུས་པར་བྱས་པའི་

མདོས་ཆོག་གི་སྲོལ་གསར་དུ་གཏོད་པ་ཡིན།།