གཡུ་བྱུར་ལྟ་བུའི་ནོར་བུ།

                                     ཁ་བ་རྐང་གླིང་།

སྐྱ་ཐང་ཐང་གི་འཇིག་རྟེན་ནས

ཨ་མའི་མངལ་དུ་ལྷུང་བའི་ཁྱེད

གཡུ་བྱུར་ལྟ་བུའི་ཡོད་ཚད་ཀྱི་ཡོད་ཚད

སྙིང་ནོར་ཁྱེད་རང་ཡིན

ཟླ་དགུ་ཞག་བཅུ་ནས་འཁྲུངས་པའི་ཁྱེད

ཙེར་ཙེར་གྱི་སྐད་སྒྲ་འདི

གླུ་སྐད་ལྟར་སྙན་བཞིན་འཇེབས

ལག་མཐིལ་གྱི་ཤ་རྡོག་དང་འདྲ་བའི་ཁྱེད

ངའི་སྐྱབས་གནས་ཀུན་མཆོག་ཏུ་འཁྲུལ་བར་བྱེད

གཅེས་ཕྲུག 

ཁྱེད་ནི་ངའི་མིག་གི་ལོངས་སྤྱོད་ཡིན་

ཁྱེད་ནི་ངའི་སེམས་ཀྱི་ཟས་མཆོག་ཡིན

གཅེས་ཕྲུག

དྲིན་ལན་ཞེས་པའི་ཡི་འབྲུ་དེ་རྒྱང་ལ་དོར་ནས

ཨ་མ་ལྟ་བུའི་སྐད་ཡིག་འདི་ལེགས་པར་བརྩོན་ནས

མཚར་དུ་དངར་བའི་ཡིག་འབྲུ་འདི་དག

སེམས་པ་དག་ནད་གི་བཟི་བའི་མི་ཡུལ་འདིར

བྱམས་སེམས་ཀྱི་དབྱངས་རྟར་བརྟེན་ཏེ

ཧི་མ་ལ་ཡ་བརྒལ་ནས          ཞི་བདེ་རྒྱ་མཚོ་བཅད་དེ

ཕྱོགས་བཞིར་སྤུར་དགོས།