རང་གྲོལ་རྗེས་དྲན་ལ་ཕུལ་བ།།

                                      ཁ་བ་རྐང་གླིང་།

མུན་པས་བསྒྲིབ་པའི་ཡུལ་ནི།།

མིག་ལྡན་མདུན་ལས་མཐོང་དཀའ།།

ལག་གི་སྦར་མོས་བྲད་དགོས།།

དེ་འདྲའི་སྡུག་ངལ་མི་ཆེའམ།།

ཤར་ཕྱོགས་རི་བོའི་རྩེ་ནས།།

སེར་པོའི་འོད་ཅིག་འཚེར་སོང་།།

ས་གཞིར་ག་ལེར་བབསཔས།།

དགུང་སྔོན་ཉི་མ་རེད་འདྲ།།

ཉི་མ་གངས་ལ་བབས་དུས།།

གངས་སེང་ངར་སྐད་གྲག་བྱུང་།།

གཡུལ་རལ་དགུང་ལ་གཏོར་བཞིན།།

ས་གཞི་གཉིད་ལས་དཀྲོག་སོང་།།

ག་ལེ་ག་ལེར་བསམ་ན།།

ཐམས་ཅད་ང་ཚོའི་དོན་རེད།།

ངར་བཞིན་ཕོད་པའི་གངས་སེང་།།

མི་དྲན་བློ་མེད་སྐྱག་ལྐུགས།།

དེ་རིང་ང་ཡི་མཆོད་ཀོང་།།

དད་པས་ཕུལ་པའི་མར་མེ།།

འོད་དུ་འཚེར་བཞིན་སྤར་ཏེ།།

བདེ་ལེགས་ཡོང་བར་སྨོན་ནོ།།