ཡེ་ཐོག་གདོད་མིའི་ལྷ་སྲས། །
བོན་ཆོས་མུན་སེལ་སྒྲོན་མེ། །
གཡུང་དྲུང་བསྟན་པའི་ཉི་མ། །
དྲིན་ཆེན་བླ་མ་མཁྱེན་ནོ། །
རྒྱལ་བསྟན་ཉི་གཞོན་འདྲེན་མཁན། །
གསང་ཆེན་སྙིང་པོའི་མངའ་བདག །
སྔ་འགྱུར་བསྟན་པའི་ཉི་མ། །
དྲིན་ཆེན་བླ་མ་མཁྱེན་ནོ། །
མཁས་གྲུབ་སྟོང་གི་སྤྱི་དཔལ། །
ཆབ་དཔལ་སྟོབས་གསུམ་རྫོགས་པའི། །
ས་སྐྱའི་ཉི་མ་གཞོན་ནུ། །
དྲིན་ཆེན་བླ་མ་མཁྱེན་ནོ། །
མན་ངག་སྟོང་གི་ཕྱུག་ཅིང་། །
སྒོམ་པར་རྒྱ་མཚོར་དབང་བའི། །
བཀའ་རྒྱུད་བསྟན་པའི་ཉི་མ། །
དྲིན་ཆེན་བླ་མ་མཁྱེན་ནོ། །
བསླབ་གསུམ་ནོར་བུའི་རྒྱན་འཆང་། །
འཆད་རྩོད་རྩོམ་པའི་མངའ་བདག །
དགེ་ལུགས་བསྟན་པའི་ཉི་མ། །
དྲིན་ཆེན་བླ་མ་མཁྱེན་ནོ། །
ཆོས་ལུགས་མཐུན་སྒྲིལ་བྱེད་དགོས། །
བསྟན་འཛིན་ཕུ་ནུ་མཐུན་དགོས། །
རྒྱལ་བསྟན་དྭགས་གཙང་བྱེད་དགོས། །
གངས་རིའི་བླ་སྲོག་གསོ་དགོས། །
གསལ་བཤད། བརྙན་གཟུགས་དང་བཅས་དྲྭ་ཚིགས་འདིར་བཀོད་བསམ་ཀྱང་
གུས་པར་གློག་ཀླད་ལ་རྒྱུས་མངའ་དབེན་པས་འགོད་ཤེས་མ་སོང་། །
