དཔལ་ཁྲི་བརྟན་ནོར་རྩེའི་ཚད་མའི་རིགས་སྒྲ་ཆེན་མོ།
༧དཔལ་ཁྲི་བརྟན་ནོར་རྩེའི་ཚད་མའི་རིགས་སྒྲ་ཆེན་མོ།
གཤེན་གྱི་འབྱུང་ལྡན་༣༠༡ཕྱི་ལོ་༢༠༡༡ལོའི་བོད་ཟླ་བཅུ་པའི་ཚེས་གཅིག་ནས་
༧དཔལ་ཁྲི་བརྟན་ནོར་རྩེའི་ད་ལོའི་ཚད་མའི་རིགས་སྒྲ་ཆེན་མོ་དབུ་འཛུགས་གནང་ནས་ཕྱི་ཟླ་
༡༢་ཚེས་༡༥ཉིན་གྲོལ་ཡོད་པའི་གནས་ཚུལ།
དེ་ཡང་༧དཔལ་ཁྲི་བརྟན་ནོར་རྩེའི་ཚད་མའི་རིགས་སྒྲ་ཆེན་མོ་ནི་སྔོན་གྱི་ཕྱག་སྲོལ་ཇི་བཞིན་
༧སྨྲ་བའི་དབང་པོ་སྐྱབས་རྗེ་སྨན་རིའི་ཡོངས་འཛིན་སློབ་དཔོན་བསྟན་འཛིན་རྣམ་དག་
རིན་པོའི་ཆེའི་བཀའ་སློབ་ལམ་སྟོན་གཞིར་བཟུང་འོག་ཕྱི་ལོ་༡༩༩༦ལོའི་བོད་ཟླ་༡༠ནང་
དགོན་འདིར་གསར་དུ་དབུ་འཛུགས་གནང་བ་ནས་བཟུང་ད་ལྟའི་བར་ཁྲི་བརྟན་ནོར་བུ་རྩེའི་
མཁན་སློབ་དགེ་བའི་བཤེས་གཉེན་རྣམ་པས་གཟིགས་སྐྱོང་བཞིན། ལོ་ལྟར་ཧོར་ཟླ་བཅུ་པའི་ཚེས་གཅིག་ནས་ཚེས་ཉེར་གཅིག་བར་བཤད་གྲྭ་བའི་ཁོངས་ནས་
རྟགས་རིགས་འཛིན་གྲྭའི་ཡན་གྱི་སློབ་གཉེར་ཀུན་ཚད་མའི་རིགས་སྒྲ་ཆེན་མོར་ཞུགས་ ཏེ་གཙོ་བོ་༧རྗེ་རྒྱལ་བ་མཉམ་མེད་པའི་ཆེན་པོ་ཤེས་རབ་རྒྱལ་མཚན་གྱིས་མཛད་པའི་
འཕྲུལ་སྒྲོན་རྣམ་ལྔའི་ནང་ཚན་ཚད་མ་རྣམ་འབྱེད་འཕྲུལ་གྱི་སྒྲོན་མེ་དེ་ཉིད་སྦྱོང་བྱ་གཙོ་བོར་
འཛིན་བཞིན་ཡོད་ལ།གཞན་ཡང་ཞང་བོད་ཀྱི་གནའ་རབས་ཀྱི་མཁས་གྲུབ་ལོ་པཎ་རྣམ་པས་མཛད་པའི་
ཚད་མ་རིག་པའི་གཞུང་ལུགས་རྣམས་ཀྱི་ཟུར་བརྒྱན་ཏེ་ཁྱོན་བདུན་ཕྲག་གསུམ་གྱི་རིང་དཔེ་ཁྲིད་དང་རྩོད་པ། དམ་བཅའ་དང་ཐུག་ཆེན་ནང་སྦྱོང་བཅས་སུ་ཚད་མ་རིག་པར་ཐོས་བསམ་གང་ལེགས་གནང་བཞིན་ཡོད། དཔེ་ཁྲིད་སྐབས་ཁྲི་བརྟན་ནོར་བུ་རྩེའི་དཔོན་སློབ་རིན་པོ་ཆེ་དང་། སྒྲུབ་གྲྭ་མཁན་རིན་པོ་ཆེ། བཤད་གྲྭའི་རྒན་ལགས་བཅས་ཀྱི་མདུན་ནས་བཤད་གྲྭ་བ་རྣམས་སྡེ་ཚན་དུ་བགོས་ནས་དཔེ་ཁྲིད་
ཞུ་བཞིན་ཡོད།དེ་ཡང་ཉིན་ལྟར་སྔ་དྲོའི་ཕྱག་ཚོད་བརྒྱད་པ་ནས་དབུ་བཙུགས་ཏེ་འཆད་རར་
ཆུ་ཚོད་གཉིས་རིང་རྩོད་སྦྱོང་གནང་རྒྱུ་དང་།དེ་ཕྱག་ཚོད་བཅུ་པ་ནས་བཅུ་གཅིག་བར་དཔེ་ཁྲིད་ཞུ་རྒྱུ། བཅུ་གཅིག་ནས་བཅུ་གཉིས་བར་ནང་སྦྱོང་། ཉིན་རྒྱབ་ཕྱག་ཚོད་དང་པོ་དང་ཕྱེད་ཀ་ནས་གསུམ་པའི་བར་འཆད་རར་རྩོད་སྦྱོང་།གསུམ་དང་
ཕྱེད་ཀ་ནས་ལྔ་པའི་བར་ནང་སྦྱོང་།ལྔ་པ་ནས་བརྒྱད་པའི་བར་དམ་བཅའ་འཚོགས་རྒྱུ་དང་
ཉིན་བཞི་རེའི་མཚམས་ནས་ཐུག་ཆེན་ཐེངས་བཞི་རེ་འཚོགས་བཞིན་ཡོད།
དེ་བཞིན་འདི་ལོར་ཚད་མའི་རིགས་སྒྲ་ཆེན་མོ་ཐེངས་བཅུ་དྲུག་པ་དེ་ཡང་
དུས་བསྟུན་བཞིན་འཚོགས་ཏེ་གཡུང་དྲུང་བོན་གྱི་ཐུན་མིན་ཞང་བོད་ཀྱི་ཚད་མ་རིག་པའི་
གཞུང་ལུགས་དག་ལ་ཞིབ་དཔྱད་ཀྱིས་དགག་བཞག་རྩོད་སྒྲུབ་དང་ཐོས་བསམ་ལྷུར་ལེན་གྱིས་
གདར་ཤ་བཅད་ཅིང་དཔྱད་གསུམ་དག་པའི་འཆད་རྩོད་ཀྱི་བྱ་བར་ཧུར་བརྩོན་གནང་སྟེ། བོད་ཟླ་བཅུ་པའི་ཚེས་ཉི་ཤུ་སྟེ། ཕྱི་ལོ་༢༠༡༡ཟླ་༡༢་ཚེས་༡༥ཉིན་མཐའ་མའི་རྩོད་རྒྱུགས་གྲོལ་ནས་བསྟན་པ་རྒྱས་པ་སྨོན་ལམ་
སོགས་ཀྱིས་མཐར་བརྒྱན་ཏེ་ཡོངས་སུ་མཇུག་གྲོལ་ཡོད་པ་བཅས་ཀྱི་གནས་བསྡུས་ཙམ་དུ་དབུས་གཡུང་དྲུང་བོན་དྲ་ཚིགས་ལས་ཁང་ནས།
འཆད་རའི་ནང་དུ་རྩོད་སྦྱོང་གནང་བཞིན་པ།
བདུན་ཕྲག་རྩོད་ཐུག་སྐབས།
རྩོད་པའི་ཐུག་ཆེན་སྐབས་ཀྱི་པར་ཞིག
གཡུང་དྲུང་བོན་དྲྭ་བ་ལས་བཤུས། །
