འཛམ་གླིང་ས་ཕྱོགས་གང་སར་བཞུགས་པའི་མཁས་དབང་བླ་སྤྲུལ་གྱི་སྡེ་དང་། དམ་ཚིག་ལ་རྒྱ་གཅིག་པའི་གཡུང་དྲུང་སྤུན་གྲོགས་ཡོངས་ལ་གནམ་ལོ་གསར་ཚེས་ལ་འཚམས་འདྲི་བཀྲ་ཤིས་བདེ་ལེགས་གྲངས་མེད་དང་། ལོ་གསར་པའི་ནང་ཁྱེད་རྣམ་པའི་མཛད་འཆར་གང་ཡོད་རྣམས་གེག་མེད་ཡོངས་སུ་འགྲུབ་པའི་གསོལ་སྨོན་རྟག་ཏུ་ཞུ། 

དེ་ཡང་ལོ་སྔོན་མར་གསར་བསྒྲགས་ཞུས་པ་ལྟར་དེང་ཆ་འཕྲིན་གྱི་དུས་རབས་དང་བསྟུན་ཏེ་མི་རྣམས་ཀྱིས་སོ་སོའི་ཆོས་ལུགས་དང་རིག་གཞུང་རྣམས་ཁྱབ་སྤེལ་དང་གསལ་བཤད་གནང་རྒྱུའི་གོ་སྐབས་སྤུས་ལེགས་ཡོད་པར་བརྟེན། ང་ཚོས་མཁས་དབང་བཤེས་གཉེན་རྣམ་པའི་བཀའ་སློབ་ལམ་སྟོན་དང་རོགས་རམ་དང་དུ་བླངས་ནས། (བོན་གྱི་དྲིས་ལན་དྲ་མཛོད) ཅེས་པ་བོན་དང་འབྲེལ་བའི་དྲི་བ་དྲིས་ལན་ཁོ་ནའི་དྲ་རྒྱ་ཞིག་འགྲོ་སོན་དང་བཀའ་ལས། དུས་ཚོད་སོགས་གང་ལའང་ཡུན་རིང་གདོང་ལེན་བྱས་མཐར་ད་ལྟའི་ཆར་རྩ་བའི་སྒྲོམ་གཞི་ཡོངས་སུ་གྲུབ་ནས་འདི་ལོའི་ཧོར་ཟླ་ ༡ ཚེས་ ༥ དང་། ཕྱི་ལོ་ ༢༠༡༤ ཟླ་ ༣ ཚེས་ ༥ ཉིན་ཏེ། ༧རྒྱལ་བ་མཉམ་མེད་ཆེན་པོ་སྐུ་བལྟམས་ནས་མི་ལོ་ ༦༥༨ འཁོར་བའི་འཁྲུངས་མཆོད་ཉིན་དྲ་ལམ་ནས་སྒོ་འབྱེད་བྱ་རྒྱུ་ཡིན་པས་དེ་ལུགས་ལྷན་རྒྱས་ཚང་མས་དུས་ཐོག་ཏུ་གཟིགས་ཀློག་ཡོང་བར་མཁྱེན། ཞུ། 

སྒོ་འབྱེད་དུས་ཚོད། 

• ས་གནས་འཇར་མན་ནིའི་གཙོས་ནུབ་ཕྱོགས་ཡུ་རོབ་ཁུལ་གྱི་ཞོགས་པའི་ཆུ་ཚོད་ ༥ པའི་ཐོག 
• བོད་ནང་ཉིན་གུང་ཆུ་ཚོད་ ༡༢ ཐོག 
• རྒྱ་གར་དང་བལ་ཡུལ་ནང་དུ་ཞོགས་པའི་ཆུ་ཚོད་ ༩ ཐོག 
• ཨ་རིའི་ཝ་ཤིན་ཊོན་གཙོས་པའི་ས་ཁུལ་རྣམས་སུ་ཕྱི་ཚེས་ ༤ དགོངས་མོའི་ཆོུད་ ༡༡ ཐོག་ཡིན་པས་དེ་ལུགས་ལྷན་རྒྱས་ཚང་མས་དགོངས་མངའ་ཡོང་བར་མཁྱེན། ཞུ། 

གལ་སྲིད་སྐུ་ཉིད་ནས་སྒོ་འབྱེད་དང་འབྲེལ་བའི་བཀའ་སློབ་དང་ལྗགས་རྩོམ་ཡོད་ཚེ་གཤམ་གྱི་འབྲེལ་ལམ་གང་རུང་ཐོག་གནང་རོགས་ཞུ། 

དྲི་བ་དང་རྩོམ་གནང་ཡུལ། askbon9@gmail.com ཡང་ན་ཁེའུ་ཁེའུ། 1927810933 བཅས་ཡིན། 

ཞེས་(བོན་གྱི་དྲིས་ལན་དྲ་མཛོད་)ཀྱི་རྩོམ་སྒྲིག་པས་ཕུལ། །