༧ མདའ་ཆེན་དཀར་མོ་རི་ཁྲོད། 
'190'){this.resized=true;this.style.height=190+'px';}">
སྐྱང་སྤྲུལ་མུ་ལ་ཝེར་ཞིའི་མཛད་པ་རགས་རིམ་ཙམ་བཀོད་པ།
ཀ་དག་ལྟ་བར་གདེང་ཐོབ་པ།།ཁ་དོག་ཤེལ་དཀར་བུམ་པ་བཞིན།།
ག་ནས་བཞུགས་ཀྱང་སྒྲིབ་བྲལ་བ།།ང་ཡི་བླ་མ་སྐྱང་སྟོན་བསྟོད།།
ཅ་ཅོའི་སྒྲ་དབེན་དཀར་མོ་རི།།ཆ་མ་མཆིས་པའི་གནས་རི་སོགས།།
ཇ་རྩམ་ཙམ་རྟེན་ལྟ་སྒོམ་ལ།།ཉ་མོ་མཚོ་རྩེད་བཞིན་དུ་སྐྱོང་།།
ཏ་ཐ་ག་ཏའི་བསྟན་པ་ལ།།ཐ་ཚན་མཁྱེན་བའི་མངའ་བརྙེས་ཏེ།།
ད་ནི་འགྲོ་དོན་མཛད་པ་རྣམས།།ན་ཆུང་དུས་ནས་མངོན་མཁྱེན་བཤད།།
པ་བྲག་སྡིག་བཀག་དགེ་བསྐུལ་དང་།།ཕ་བོང་སོགས་ལ་བཀའ་རྟགས་བཞག།
བ་མོ་ཉི་མས་བཅོམ་པ་ལྟར། །མ་མོ་གདོན་བགེགས་བདེ་ལ་བཀོད།།
ཙ་རིར་གནས་སྐོར་ཕེབས་པ་ལ། །ཚ་གྲང་སྐུ་ཚེགས་མ་འཛེམས་པར།།
ཛ་ཡའི་བསྟན་པ་སྤྱི་རྣམས་ནི།།ཝ་ལེར་ཐུགས་དགོངས་ངོགས་སུ་འཁྲུངས།།
ཞྭ་དཀར་དམར་སེར་ཕྱོགས་འཛིན་མེད།།ཟ་ཉལ་འགྲོ་འདུག་གང་ལམ་ཁྱེར།།
འ་འུར་འདུ་འཛིས་ལས་སྤངས་ནས།།ཡ་རབས་གོང་མའི་རྣམ་ཐར་བཞེས།།
ར་ཛ་ཆེན་པོས་བཀའ་ཤོག་སྩལ།།ལ་ལུང་ཀུན་ཕེབས་བཀའ་འཁོར་བསྐོར།།
ཤ་ཆང་དུག་ལྟར་དོར་བ་སོགས།།སཱ་ལའི་ལྗོངས་འདིར་མཛད་ཚུལ་མང་།།
ཧ་ཏན་ཐེག་ཆུང་གསུང་གི་སྐོར།།ཨ་ཧོ་ཞལ་གདམས་ཉམས་མགུར་སོགས།།
ཧ་ལམ་མཛད་པ་རགས་རིམ་ཙམ།།ཨ་ཁུ་རྣམས་པའི་སྙན་གསོན་འཚལ།།
༢༠༡༢ ༤ ༡༨ཉིན་མཚམས་ཁང་བསམ་གཏན་གུར་ནང་ནས་གུས་བས་བྲིས།
- ཟིན་ཐོ་གོང་མ།གང་བྱུང་ཚིག་བཅུ་མ།
- ཟིན་ཐོ་འོག་མ།༧རྣལ་འབྱོར་བ་ཤེས་རབ་བསྟན་ཕན་མཆོག་གི་རྣམ་ཐར་བསྡུས་པ།
གྲོགས་པོ་ལགས་ཡག་པོ་བྲིས་འདུག འོན་ཀྱང་ཡིག་ནོར་འགའ་ཤས་ཞིག་འདུག་བསམ་སོང་། རྗེས་ཕྱོགས་རྩོམ་ཡིག་གང་མང་ཞིག་སྤེལ་ཡོང་བར་རེ་སྒུག་བྱས་ཡོད།ཨོ་ལགས་སོ་སློབ་བསྟོན་གནང་བར་ཐུགས་རྗེ་ཆེ་ཞུ།
གྲོགས་པོ་ལགས་ཡག་པོ་བྲིས་འདུག འོན་ཀྱང་ཡིག་ནོར་འགའ་ཤས་ཞིག་འདུག་བསམ་སོང་། རྗེས་ཕྱོགས་རྩོམ་ཡིག་གང་མང་ཞིག་སྤེལ་ཡོང་བར་རེ་སྒུག་བྱས་ཡོད།