༧ ཁ་བའི་སྨོན་འདུན།

ཁ་བ་ལྷབ་ལྷུག་བབས་བྱུང་། །ཁ་བའི་ཡུལ་ལྗོངས་འདི་ལ།།

ཁ་ལས་ཀླུང་རྟ་དར་བས། ཁ་གཡང་དཀར་པོ་བབས་བྱུང་།།

ཁ་བ་བོད་པ་ཅན་ལ། །ཁ་བཏགས་དཀར་པོ་འདི་ཡིས།།

 ཁ་རྗེ་དབང་ཐང་ལྡན་པར། །ཁ་གཡང་ཡེ་ནས་བོས་ཡོད།།

   ཁ་བཤད་དོན་ལ་གནས་བའི། །ཁ་བ་ཅན་གྱི་བོད་པ།།

   ཁ་རྩོད་ཚིག་རྩོད་མ་བྱེད། །ཁ་ཚང་མཐུན་སྒྲིལ་གྱིས་ཤིག།

   ཁ་ཅིག་འཇིག་རྟེན་སྟེང་ན། །ཁ་ངོ་སྲུང་དོན་མེད་པས།།

   ཁ་ནས་འཆལ་གཏམ་སྣ་ཚོགས། །ཁ་བའི་ཡུལ་ན་ཁྱབ་འདུག།

ཁ་ལག་དཀར་ཟས་རོལ་བ། །ཁ་ཁོག་ཆོས་བསྟེན་བོད་པ།།

ཁ་ཞེ་གཉིས་མེད་ངང་གིས། །ཁ་ཏོན་དགེ་སྦྱོར་བརྩོན་དང་།།

 ཁ་བ་གངས་རིའི་ལྗོངས་སུ།།ཁ་རྩང་དེ་རིང་སྐབས་སུ།།

 ཁ་ཕྱོགས་ལ་རྒྱ་ཅན་པོར། །ཁ་ལས་དགེ་བའི་སྨོན་ལམ།།

                                        ༢༠༡༡ ༡༡ ༡༩ཉིན།