༧ཀ་རྩོམ་རང་མཚང་ལ་སྐུལ་མ།

ཀ་མེད་སྡུག་པོ་གྲྭ་རྒན་ང་ཡིས།།

ཁ་ནས་གཞུང་ལུགས་འཆད་ཁུལ་བྱས་ཀྱང་།།

ག་ལོག་མ་ཆོད་དོན་ཞིག་ལབ་པ།།

ང་ཡི་རང་མཚང་མིན་ནམ་དེ་ཅི།།

ཅ་ཅོ་སྒྲོགས་པའི་གྲྭ་རྐྱང་རང་གི།

ཆ་ལུགས་མི་འཛེམ་གང་འདོད་སྤྱོད་པ།།

ཇ་ཁང་དང་ནི་ཆང་ཁང་ཉུལ་བ།།

ཉ་ར་མི་བྱེད་རང་མཚང་མིན་ནམ།།

ཏ་ཐྰ་ག་ཏའི་བསྟན་སྒོར་ཞུགས་ནས།།

ཐ་མལ་སྤྱོད་པ་སྔར་བཞིན་མ་སྤངས།།

ད་དུང་བཙུན་པའི་ངང་ཚུལ་འཛིན་པ།།

ན་ཆུང་ང་ཡི་རང་མཚང་མིན་ནམ།།

པ་སངས་ལྟ་བུའི་ལྷག་བསམ་ངང་གིས།།

ཕ་ཆོས་གཙང་མ་རྒྱུད་འཛིན་བྱས་ནས།།

བ་དན་བཞིན་དུ་མཐོན་པོར་བསྒྲེང་བ།།

མ་འོངས་མི་བུའི་འོས་འགན་མིན་ནམ།།

ཙ་རི་རི་བོའི་དབེན་སར་ཉུལ་ནས།།

ཚ་གྲང་དཀའ་ངལ་ཁྱད་དུ་བསད་དེ།།

ཛ་ཡའི་ཐུགས་ཉིད་ངོ་བོར་སྐྱོང་བ།།

ཝ་གཞན་བླ་གྲྭའི་འོས་འགན་མིན་ནམ།།

ཞྭ་བཞིན་གཅེས་བའི་རིགས་མཐུན་བོད་པ།།

ཟ་ཉལ་འགྲོ་འདུག་གང་གི་སྐབས་སུ།།

འ་ཅག་བོད་པའི་རིག་གཞུང་གཙང་མ།།

ཡ་མཚན་མིན་ཟེར་ངོ་ཚ་མིན་ནམ།།

ར་ལུག་དུད་འགྲོའི་རང་བཞིན་སྐྱོངས་པས།།

ལ་རྒྱའི་རིག་གནས་ཡེ་ནས་མ་འདོར།།

ཤ་ཚའི་སྙིང་གཏམ་ཚིག་གི་དྭངས་མ།།

ས་ཁྱོན་ཡངས་པོར་མཐོན་པོར་སྒྲེང་ཅིག།

ཧ་ཧ་དྲུང་མུའི་འཆལ་གཏམ་འདི་ནི།།

ཨ་ཁུ་རྣམས་པར་སྒྲེང་བ་ལགས་སོ།།

                          ༢༠༡༡ ༡༡ ༡༣