རྒྱལ་གཤེན་དགྱེས་པའི་མཆོད་ཆབ།

 

༧ རྒྱ༵ལ་བ་ཀུན་གྱི་མཁྱེན་པ་གཅིག་བསྡུས་ཏེ།

བ༵་གམ་བཀའ་ཡི་འཁོར་ལོ་རིན་ཆེན་ཏེ།

གཤེ༵ན་བསྟན་རྨད་བྱུང་ནོར་གྱི་བང་མཛོད་ཆེ།

ར༵བ་ཟབ་འགྲོ་བ་ཡོངས་ཀྱི་རྟེན་དུ་བཞག

 

༧ རྣ༵མ་དག་དོན་གྱི་མཛད་པའི་འཕྲིན་ལས་ཅན།

འདྲེ༵ན་པའི་མཆོག་གྱུར་དམུ་རིགས་གཤེན་རྒྱལ་གྱིས།

བརྒྱ༵ད་ཁྲི་བཞི་སྟོང་བོན་འཁོར་ལྷ་མིའི་དཔལ།

པ༵་བ་སངས་ལྟར་གཤེན་བསྟན་རྒྱན་དུ་གཟབ།

 

༧ ཁྲི༵་ཕྲག་བསྐལ་པར་སྨོན་འཇུག་ཐུག་བསྐྱེད་ལས།

གཙུ༵ག་རྒྱན་རྒྱལ་བ་ལྷ་མའི་མཆོད་གནས་སུ།

རྒྱ༵ལ་སྲས་མཆོག་ཉིད་སྐྱེས་མཆོག་མི་ཡི་ཚུལ།

བ༵་གམ་བཞིངས་འདྲའི་སྐུ་མཆོག་གཙུག་གི་རྒྱན།

 

༧ སྟོ༵ན་མཆོག་དུས་ཀྱི་བསྟན་པའི་སྲོག་ཤིང་ཆེ།

པ༵་ཏྲའི་རིས་འདྲའི་མཚན་དཔེའི་དཀྱིལ་འཁོར་ཀུན།

གཤེ༵ན་རྒྱལ་མཆོག་གིས་གཅིག་ཏུ་འཆང་བ་ཡིས།

ར༵བ་མང་འགྲོ་བའི་རྒུད་པ་བསལ་འདི་རྨད།

                                  དཀའ་ཐུབ་ཀྱི་སྐབས་སུ་བྲིས།