ཧི་བོན་ཟིན་བྲིས།
སྒྲིག་འཇུག...
སྤྱི་བསྒྲགས།
    སྒྲིག་འཇུག...
ལི་ཐོ།
    སྒྲིག་འཇུག...
ཆེད་སྒྲིག་རྣམ་དབྱེ།
    སྒྲིག་འཇུག...
པར་མཛོད།
ཟིན་ཐོ་གསར་བ།
    སྒྲིག་འཇུག...
དཔྱད་གཏམ་གསར་བ།
    སྒྲིག་འཇུག...
ཆེམས་གསར་བ།
    སྒྲིག་འཇུག...
ནང་འཇུག
དྲ་གྲོགས།
    སྒྲིག་འཇུག...
སྦྲེལ་མཐུད།
ཟིན་བྲིས་ཆ་འཕྲིན།
    སྒྲིག་འཇུག...
གཤེན་རབ་མི་བོ། | 2013-05-20 10:44:00

             གཤེན་རབ་མི་བོ།

        --- བོན་གྱི་ཐང་ཀ་ཞིག་མཐོང་རྗེས་ཇ་ཐུན་གཅིག་གི་ཚེར་བྲིས་པ།

            འདི་ནས་ཉི་མ་ནུབ་ཀྱི་བྱང་ཕྱོགས་ཏེ།།

            སྟག་གཟིག་འོལ་མོ་གླིང་ཞེས་གྲགས་པ་ན།།

            སྐལ་ཆེན་སྟོན་པ་རྒྱལ་བ་གཤེན་རབ་ཞེས།།

མཚན་གྱི་ཆོ་པན་སྲིད་ཞིའི་དཔལ་དུ་གྲུབ།།

 

རྨད་བྱུང་མཚན་དཔེའི་སྐུ་མཆོག་བརྟན་ཞིང་བརྗིད།།

གསུང་གི་འཁོར་ལོ་བསྟན་འགྲོའི་མགོན་དུ་དཔའ།།

ཤེས་བྱའི་དཀྱིལ་འཁོར་ཀུན་ཀྱང་གསལ་བ་ཉིད།།

སྐྱེ་དགུར་བོན་གྱི་སྐལ་བ་སྦྱིན་པའི་མགོན།།

 

ལྷོ་གླིང་དགེ་བཅུའི་ཉི་གཞོན་མ་འཛུམ་གོང་།།

འདྲེ་སྲིན་བྱུར་གྱི་ཟ་ཁ་ཞི་མཛད་པ།།

ལྷ་མི་གཤེན་གསུམ་དགྱེས་པའི་དགའ་སྟོན་དུ།།

འཕྲུལ་ངག་བོན་སྒོ་སྟོན་ལ་ཕྱག་འཚལ་ལོ།།

 

བཅུ་གསུམ་གནམ་གྱི་རིམ་པའི་གོང་ཤད་ནས།།

སྨིན་གྲོལ་རྒྱལ་བསྟན་ཞི་བའི་འོད་ཆེན་པོ།།

སྐྱེ་དགུར་སྣང་བའི་དཔལ་དུ་སྦྱིན་པའི་གཉེན།།

འདྲེན་མཆོག་གང་དེ་སྲིད་ཞིའི་ལྷ་དང་གཤེན།།

Re:གཤེན་རབ་མི་བོ། | 2013-07-15 13:12:53
སྐུ་མགྲོན་s85Ar1(སྐུ་མགྲོན)རྨེའུ་སྟོན་ཐམས་ཅད་མཁྱེན་གཟིགས།
སྲིད་ཞིའི་ལེགས་ཚོགས་དགྱེས་པའི་དགའ་སྟོན་དུ།
ཟབ་གསལ་སྙན་འཇེབས་ལུང་གིས་བསྔགས་པ་ཡིས།
སྙིགས་དུས་བོན་སྐལ་འགྲོ་ལ་སྦྱིན་བྱེད་པ།
གང་དེ་ཕན་བདེའི་སྒོ་བརྒྱ་འབྱེད་པའི་དཔལ།
རབ་ཏུ་དག་པ་བོན་སྐུའི་ངོ་བོ་ལས།
མཚན་དཔེའི་གཟུགས་སྐུ་ཉི་ཟླའི་སྣང་བ་ཟུང་།
གདུལ་བྱའི་དག་སྣང་མ་བཀག་གསལ་བ་ཡིས།
སྐུ་གསུམ་ངོ་བོ་གཅིག་ཏུ་བསྡུས་ཞེས་བསྔགས།
པཎ་གྲུབ་བྱེ་བའི་དབུས་ནས་འཕགས་པ་སྟེ།
རིག་པའི་སེང་སྐད་སྒྲོག་ལ་མཁས་པའི་ཕུལ།
རྨེའུ་སྟོན་ཚུལ་ཁྲིམས་དཔལ་ཞེས་སྙན་པ་ཡིས།
སྐལ་ལྡན་གདུལ་བྱར་ཐར་པའི་སྣང་བ་བྱིན།
འཆད་པ་དྲི་བྲལ་གངས་ཀྱི་ས་འཛིན་ལས།
རྩོད་པ་སྨྲ་བའི་སེང་སྐད་ཡོངས་ཕྱུང་ནས།
རྩོམ་པ་བོན་གྱི་ཆར་རྒྱུན་སྨིན་པའི་རྗེ།
རྒྱལ་གཤེན་མི་ཡི་གཟུགས་སུ་བྱོན་པའི་ལྷ།
ཐུགས་མཆོག་སྒོ་མཛོད་རྣམ་ལྔ་ཀུན་མཁྱེན་པས།
གསུང་བསྟན་དུས་ཀྱི་བསྟན་པའི་སྒྲོན་མེ་སྟེ།
ཁྲི་ཕྲག་ལེགས་བཤད་དབྱར་མཚོ་རྒྱས་པའི་གཉེན།
གངས་ཅན་མཁས་པའི་གཙུག་གི་རྒྱན་ཞེས་བསྟོད།།
རྩོམ་པ་པོ།:སྐུ་མགྲོན་s85Ar1(སྐུ་མགྲོན) | དྲ་ངོས། | འདྲེན་བཀོལ། | ཕྱིར་ལོག | དོར་བ། | ལན་སློག
Re:གཤེན་རབ་མི་བོ། | 2013-05-21 23:39:48
gangjian333ཡག་པོ་ཞེ་དྲག་འདུག མུ་ནས་འདི་འདྲ་བའི་རྩོམ་བྲིས་དང་མྱོང་འདོད་ཤིན་ཏུ་ཆེ།གུས་པོ་རྐང་རྗེན་ནས།
Re:གཤེན་རབ་མི་བོ། | 2013-05-21 13:27:47
luobianཡུལ་གྲོགས་ཤིག་ཐོན་ནས་ཀློག་གིན་ཡོད།
Re:གཤེན་རབ་མི་བོ། | 2013-05-21 13:26:23
luobianཡུལ་གྲོགས་ཤིག་ཐོན་ནས་ཀློག་གིན་ཡོད།
Re:གཤེན་རབ་མི་བོ། | 2013-05-20 21:28:26
vaseགཤེན་རབ་མི་བོའི་བསྟན་པའི་རྗེས་འཛིན་གཤེན་སྨྱུག་ལགས་ཀྱི་རྩོམ་གང་མང་དགའ་བསུ་བཀྲིས་བདེ་ལེག་ཞུ།།
དཔྱད་གཏམ་སྤེལ་བ།
སྒྲིག་འཇུག...
Powered by Oblog.