རྒྱུ་ནི་ཆུ་གཙང་རྒྱ་མཚོ་ལུ་མིའི་ཆུ། དྲི་ངན་དམར་འབང་ཆང་ལས་སོགས། ཉམས་སྐྱོན་མེད་པ་གཅེས་པ་ཡིན། གཞན་ཡང་འབྲུ་སྣ་ཚོགས་ཚད་དང་། དཀར་གསུམ་མངར་གསུམ་བཟང་པོ་དྲུག ག་བུར་གྷི་ཝང་འབྲས་བུ་གསུམ་། ཙནྡ་དཀར་པོ་ཨ་ཀ་རུ། སི་ལ་དྲི་ཞིམ་སྤོས་སྣ་ཚོགས་མེ་ཏོག་དུག་མིན་རྙེད་ཚད་གསོགས། རྐུ་འཕྲོག་བརླམས་པ་དེ་རིགས་མིན་། རུལ་ སྲུང་མནོལ་ཆགས་མེད་པ་སྟེ། ཁ་དོག་བཀྲག་མདངས་ལྡན་པ་སོགས་། གསུམ་པ་བཤམས་ ཐབས་བསྟན་པ་ནི། རིན་ཆེན་གསེར་དངུལ་ཁྲི་གདན་རབ་། འབྲིང་ནི་ལྕགས་ཟངས་རྣམས་ ཕྱིང{ཀྱི}བྱ་། ཐ་ན་ཤིང་དང་ས་སྟེགས་སོགས། མཐོ་ལ་ལེགས་པའི་ཁྲི་སྟེང་དུ། གསེར་དངུལ་ ཟངས་ལྕགས་ལི་ཕོར་སོགས་། ཐ་མ་རྫ་ཤིང་མཛེས་པའི་སྣོད་། གཙང་ཞིང་ཡིད་གར་འོང་ བར་སུ་། ཡར་ཡོ་བར་ཆད་འདབས་འདྲེས་མིན་། ཁྱེའུ་བུ་མོ་གཙང་མ་ནི། གོས་གསར་གོན་ ཏེ་དྲི་སྨན་བྱུགས། བདུད་རྩི་རྒྱུན་སྦྲེང་ཚུལ་དུ་བཤམས་། བཞི་པ་བཤམས་སྟར་སྐྱོན་ཡོན་ནི་། མཆོད་པ་གཅིག་ལ་གཅིག་རེག་ན། མ་ཕྱེད་འདེབས་འདྲེས་ཞེས་བྱ་སྤང་། དང་པོ་བཤམས་ ནས་རེག་མི་བྱ་། རེག་ན་ཡང་གཅིག་སྣོན་པར་བྱ་།མཆོད་དུས་མི་ལགས་མི་རེག་པར། མཆོད་ པར་གཡེན་ན་བར་ཆད་འབྱུང་། ཡོ་ན་རྗེས་སུ་སྲོངས་པ་མིན་། དང་པོ་མ་ཡོ་བརྟན་པོ་རུ་། ཐབས་ཀྱི་དྲང་པོ་བཞག་པ་ཡིན་། བཀུར་སྟི་སྲིད་ཞུའི་ཚུལ་དུ་བཤམས་། མཆོད་པ་བཤམས་ པའི་བར་སྐབས་སུ་། ཕྱག་གིས་འགྲེམ་པའི་ཚུལ་སྟར་བྱ་། མཆོད་པ་བཤམས་ལྟར་བྱ་བ་ཡིན་། ལྷག་མ་བཤལ་ཆུ་རེ་ཡོད་གནད་། འཁྲུག་ཅིང་འཐོར་ན་བསམ་མི་འགྲུབས་། བོར་ཞིང་ འཚར་ན་གོད་ཁ་འབྱུང་། དེས་ན་ལེགས་པར་བཤམས་པར་བྱ་། མཁས་པ་སྟོང་རྒྱུང་མཐུ་ ཆེན་གྱིས་མཛད་པའི་མཆོད་གཏོར་ཨ་དཀར་ལྷ་རྒྱུན་ལས་བཏུས་།
