སྒྲིག་འཇུག...
 
ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
ཁྱུང་ནག་བསམ་གཏན་གླིང་དགོན།
[ 2019/1/29 16:28:00 | By: tibet99 ]
 

                             ཁྱུང་ནག་དགོན།       
བཟོད་པ་ཚུལ་ཁྲིམས།
མཁྱེན་བརྩེའི་ཡོན་ཏན་ཆུ་གཏེར་ལས་ཟབ་ཐུགས་རྗེའི་རྟ་བདུན་མཁའ་ལ་བཞད།
གཞན་ཕན་བྱམས་བརྩེའི་འོད་ཞགས་དེ་ཡིས་འགྲོ་ཀུན་སྡུག་བསྔལ་གནས་ནས་དྲོངས།
སྤང་རྟོགས་ཡོན་ཏན་མཐའ་ཕྱིན་གཤེགས་ཀྱང་སྲིད་འདིར་འགྲོ་བའི་དོན་ལ་ཕེབས།
མཚན་དཔེའི་ཡོན་ཏན་པདྨའི་སྦུབ་བཞད་སྙ་ཆེན་མཆོག་ལ་གུས་པས་འདུས།།

གོང་གི་ཐུགས་བསྐྱེད་རིག་པའི་འོད་ཟེར་ཁྱུང་ནག་བཀྲ་ཤིས་དགོན་འདིར་འཕྲོས།
དེ་ཡི་རྒྱུད་འཛིན་སྟག་སྒྲ་དུན་གཙུག་ཁྱུང་པོའི་གདུང་ལས་མཚན་དཔེ་བཞད།
ཤེས་རིག་ལས་སོགས་ལྷན་སྐྱེས་ཡོན་ཏན་ཁྲི་གདུག་ཉི་མའི་མདྭངས་ལས་ལྷག །
བཤད་སྒྲུབ་བསྟན་པའི་རྒྱལ་མཚན་དེ་ཉིད་མཁའ་ལ་བསྒྲེངས་མཛད་ཁྱུང་ཆེན་ཁྱེད།

བདག་མེད་རྟོགས་པའི་ཤེས་རབ་མཁའ་ལ་ཐབས་ཤེས་ཟུང་གི་གཤོག་བརླབ་རྐྱང་།
ཕ་རོལ་ཕྱིན་བཅུའི་རྩལ་དྲུག་རྫོགས་པའི་ཁྱུང་ནག་བླ་རབས་རིམ་བྱོན་གྱིས།
བགྲང་བྱ་ལོ་འཁོར་ཉིས་སྟོང་ལྷག་བརྒལ་བཤད་སྒྲུབ་བསྟན་པའི་མེ་རོ་སྤར།
མཛད་འཕྲིན་ཟླ་བའི་མ་མ་ལས་ཟབ་བྱས་རྗེས་རི་རྒྱལ་ལས་ཀྱང་མཐོ།

དེ་རྗེས་སོག་དམག་བོད་དུ་ལྡང་ནས་དམེ་འཁྲུགས་མཚོན་གྱི་འཁོར་ལོ་བསྐོར།
དུས་སྐབས་དེའི་ནང་ཁྱུང་ནག་དགོན་ཡང་བསྐལ་པའི་མེ་ཡི་ཞལ་དུ་སྲེགས།
ཉེས་ལེགས་སྟང་འཛིན་ལྷ་སྲུང་མཐུ་ཡིས་ནང་རྟེན་རིགས་གཞུང་མ་ཉམས་གནས།
དེ་རྗེས་ཁྱུང་པོ་གྲགས་པའི་མཚན་གྱིས་གདན་ས་སྤོས་ཏེ་འདུས་སྡེ་བཏབ།

འདུས་སྡེའི་མིང་ཡང་ཟླ་བ་དགོན་ཞེས་ལྔ་རིགས་བསྟན་པའི་སློབ་གླིང་རྒྱས།
གསང་སྔགས་བསྟན་པའི་རྟ་བདུན་མཁར་ཤར་འགྲོ་ལ་བདེ་སྐྱིད་པད་མོ་བཞད།
ལོ་འཁོར་ལོ་ཡི་བགྲང་བྱ་དུ་མ་ལུང་རྟོགས་བོན་གྱིས་འཁོར་ལོ་བསྐོར།
བྱམས་བརྩེའི་ཁྱབ་བདག་མཐའ་བཞི་ཞུ་སྒོམ་འགྲོ་བའི་དོན་དུ་གྲོགས་ལ་ཕེབས།

གྲུབ་རྟགས་རྫུ་འཕྲུལ་ཀྲུན་ལ་མངའ་བརྙེས་མཐའ་བཞི་བླ་རབས་རིམ་བྱོན་གྱིས།
སེམས་ཅན་ཀུན་ལ་གནོད་འཚེ་བརྩམ་པའི་མ་རུང་བདུད་སྲིན་དམ་ལ་བཏགས།
སྲོག་སྙིང་ཕུལ་ནས་སྐྱེ་འགྲོ་ཡོངས་ལ་འཚེ་བ་མི་བྱེད་ཁས་བླང་བཅས།
ཚེ་གཡང་བསོད་ནམས་རྒྱ་མཚོ་འཁྱིལ་ཞིང་བདེ་སྐྱིད་རྦ་རླབས་དགུང་ལ་གཡོས།

སེམས་ཅན་སྤྱི་མཐུན་ལས་ཀྱི་འཁོར་ལོ་ཟློག་མེད་རྟག་ཏུ་མདུན་ལ་བསྐྱོད།
རྣམ་དཀར་བསོད་ནམས་འབར་འབུར་མང་ཞིང་ལྔ་སྙིགས་དུས་ཀྱི་སྐྱོག་མཚམས་ཞིག།
དུག་ལྔའི་ལས་རླུང་ས་གཡོས་རྐྱེན་གྱིས་ཁྱུང་ནག་ཟླ་དགོན་འཇིག་རྐྱེན་བྱས།
ཁྱུང་ནག་བླ་དཔོན་ལྷ་སྡེའི་སེམས་ལ་སྐྱོ་བའི་སྤྲིན་ནག་མཐུག་པོས་གཏིབ།།

དེ་ནས་རང་དགོན་ཉམས་གསོའི་སྐོར་ལ་བླ་དཔོན་ལྷ་སྡེས་ཡང་གྲོས་བཏབ།
མདོ་སྨད་རྫ་ཁོག་ཡུལ་ནས་ཕེབས་པའི་བསྟན་གཉིས་གསང་སྔགས་གླིང་པ་ལ།
ལུང་བསྟན་སྩལ་བའི་གསོལ་བ་བཏབ་པས་འདུས་སྡེ་སྤོས་ན་ལེགས་ཚུལ་གསུང་།
ཁྱུང་ནག་ཕོ་བྲང་ལྟེ་གནས་ཡར་ཟུར་བཤད་སྒྲུབ་འདུས་སྡེའི་རྨིང་གཞི་བཏིང་།

འདུས་སྡེའི་མིང་ཡང་བསམ་གཏན་གླིང་དགོན་གསང་སྔགས་གླིང་པས་གསོལ་བ་སྣང་།
རང་དགོན་མཁན་པོ་ཚུལ་ཕུན་མཆོག་གིས་ཀུན་མཁྱེན་མཛོད་ལྔའི་སྒྲུབ་གྲྭ་བཙུག །
སྒྲུབ་ཞུགས་སློབ་མ་ཕྱིན་བཅུ་གྲངས་ལྡན་ཐོས་བསམ་འཚོ་བ་རོལ་འགོ་བརྩམ།
ལམ་གྱི་རྩ་བ་བླ་མ་བསྟེན་ནས་བླ་མེད་རྫོགས་ཆེན་མན་ཆོད་ལ།
ཉིན་རེ་ཐུན་བཞི་ཡུན་གྱི་རིང་ལ་ཨུ་ཆེན་སྒྲ་ཡིས་ཐུན་མཚམས་བཅད་།
དཔྱད་འཇོག་རེ་མོས་སྤེལ་ནས་སྒོམ་པས་ཉམས་རྟོགས་གཏེར་གྱི་འཕེལ་ཁ་རྒྱས།
མཛོད་ཆེན་སྡེ་ལྔ་སློབ་གཉེར་བྱས་ནས་བགྲང་བྱ་ལོ་བཞིའི་བཅད་མཚམས་འདས།
འདིར་ཞུགས་ཐོས་བསམ་སློབ་མའི་གྲས་ནས་བསྟན་འགྲོར་སྤྱིར་ཕན་མང་ཐོན་ཐོས།

དགུ་གཉིས་དུས་ཀྱི་རྩུབ་རླུང་དྲག་པོས་གང་ཟག་གཤིས་རྒྱུད་གཡོ་འཁྲུགས་གཏོང་།
སྙིགས་དུས་ལས་སྤྱོད་ངན་པའི་དབང་གིས་བསྟན་པའི་ཉི་མ་ནུབ་རི་བརྒལ།
དུས་སྐབས་དེའི་ནང་ཁྱུང་ནག་དགོན་ཡང་གཏོར་བཤིགས་དབང་གིས་ཉམས་གུད་གྱུར།
ལོ་འཁོར་བགྲང་བྱ་ཉི་ཤུ་བརྒལ་ནས་བཏང་གི་སྲིད་ཇུས་འོད་སྣང་གིས།

ཆོས་དད་རང་མོས་སྐྱ་རེངས་ཀྱིས་དྲངས་བསྟན་པའི་རྟ་ལྗང་མཁའ་ལ་ཤར།
བླ་དཔོན་ལྷ་སྡེ་ཚང་མ་འདུས་ནས་རང་དགོན་ཉམས་གསོའི་གྲོས་གླེང་བཏབ།
ཁྱུང་ནག་མཁན་པོ་བོན་དབྱིངས་མཆོག་གིས་ལས་འཛིན་གཙོ་བོའི་འགན་བཞེས་ནས།
བླ་གྲྭ་ལྷ་སྡེ་སེམས་ཤུག་གཅིག་བསྒྲིལ་རྟེན་དང་བརྟེན་པའི་གསས་ཁང་གྲུབ།

ཕྱོགས་ནས་ཕེབས་པའི་བླ་སྤྲུལ་ཁག་དང་རང་དགོན་བླ་གྲྭ་ཚང་མ་ལ།
མཛོད་ཆེན་སྡེ་ལྔའི་འཆད་ཁྲིད་བྱས་ནས་བཤད་སྒྲུབ་བསྟན་པའི་ས་བོན་བཏབས།
ཉམས་རྟོགས་ཡོན་ཏན་རིན་ཆེན་གླིང་ནས་བླ་སྤྲུལ་མང་པོས་སྐལ་རེ་ལོན།
རླབས་ཆེན་འཁོར་ལོ་གསུམ་གྱི་བྱ་བས་གདུལ་བྱའི་བློ་ཁ་བོན་ལ་བསྒྱུར།།

 དེ་ནས་གདུལ་བྱའི་བསོད་ནམས་དམན་རྐྱེན་བླ་མ་བོན་ཉིད་དབྱིངས་སུ་གཤེགས།
 ཤེས་རིག་ཡོན་ཏན་ན་ཚོད་མ་སྨིན་གྲྭ་ཆུང་སེམས་ནང་སྡུག་གིས་ཁེངས་།
 འོན་ཀྱང་ཐུགས་རྗེའི་སྐྱབས་འོག་ཚུད་པས་བླ་གྲྭའི་སེམས་ཤུག་གཅིག་བསྒྲིལ་ནས།
 གདུང་འདེབས་མཆོད་འབུལ་ཚུལ་བཞིན་བགྱིས་ནས་བླ་མའི་སྐུ་གདུང་ཞུགས་ལ་ཕུལ།།

 དགོན་འདིའི་བསྟན་པའི་བརྒྱུད་འཛིན་རྣམས་པ་འདོད་ཆུང་ཆོག་ཤེས་ལྡན་པའི་ངང་།
 ལྟ་བ་བླ་མེད་ཡང་རྩེས་ཁོག་དབུབ་གསལ་སྟོང་འཛིན་པ་བྲལ་བའི་ངང་།
 སྤྱོད་པ་ཚུལ་ཁྲིམས་གཙང་མས་སྡོམ་པས་ཕྲ་ཞིབ་བླང་དོར་གནས་ལ་གཟབ།
 སྙིང་རྗེས་འགྲོ་ཀུན་སྡུག་བསྔལ་གནས་ལས་བྲལ་བའི་ཐབས་ལ་འབད་པ་བསྐྱེད།

 ཕ་རོལ་ཕྱིན་བཅུའི་རིན་ཆེན་གཏེར་ལ་ངམ་མེད་དད་བརྩོན་འབད་བཞིན་གནས།
 རང་ནུས་གང་ཡོད་དགེ་ལ་བསྐུལ་ནས་བགྲང་བྱ་ལོ་གྲངས་ཁ་ཤས་རྫོགས།
 འོན་ཀྱང་དགོན་གནས་རྨིང་གཞི་དེ་ཡང་ས་གནས་བརྟན་པོ་མེད་པ་དང་།
 འཐུང་ཆུ་འགྲོ་ལམ་སྟབས་བདེ་མེད་རྐྱེན་དགོན་གནས་སྤོ་བའི་གྲོས་གཞི་མཐུན།

 དགོན་གནས་སྤོ་བའི་རེ་འདུན་དེ་ཡང་ས་གནས་མི་དམངས་སྲིད་གཞུང་དང་།
 རྫོང་སྲིད་གཞུང་དང་ཆོས་དོན་ཅུས་སོགས་འབྲེལ་ཡོད་སྡེ་ཚན་ཁག་རྣམས་ལ།
 རེ་འདུན་ཞུས་ནས་ཡུན་རིང་མ་འགོར་གནས་སྤོ་ཆོག་པའི་གནང་བ་ཐོབ།
 ལྷ་དང་བླ་མའི་ལུང་གིས་བསྔགས་པའི་ས་གནས་བཀྲ་ཤིས་སུམ་མདོ་རུ།

 སྤྱི་ལོ་ཉིས་སྟོང་བཅུ་ཡི་ལོ་རུ་དབྱར་དུས་གཟའ་སྐར་བཟང་བའི་ཉིན།
 ས་ལམ་ཡོན་ཏན་ཉམས་ཀྱིས་ཕྱུག་པའི་ཟླ་སྤྲུལ་རིན་ཆེན་ཕུན་ཚོགས་དང་།
 གྲུབ་ཆེན་ནམ་མཁའི་མཚན་ཅན་གཉིས་ཀྱིས་ས་སློང་རྟེན་འབྲེལ་ཟབ་རྒྱས་བྱས།
 ཁྱུང་ནག་བླ་གྲྭ་ལྷ་སྡེ་ཡོངས་ཀྱིས་རྒྱལ་བསྟན་དར་བའི་ཁ་གཡང་འཐོར།
རྨིང་གཞི་གྱང་སོགས་རྡོ་བརྩེགས་ལས་གྲུབ་ཕྱོགས་སུ་འབུར་དོད་གློ་འབུར་མཛེས།
ཀ་གདུང་པ་ཏྲ་བསྣོལ་མའི་སྟེང་དུ་སྣ་ཚོགས་པད་མའི་གདན་འབུལ་བརྗིད།
སྟག་སེང་འབྲུག་ཁྱུང་ཡ་གད་འཕྲུལ་ལ་རིན་ཆེན་ཟ་ར་ཚག་གིས་སྤྲས།
ཕྱམ་དྲལ་རིན་ཆེན་བསྣོལ་མས་བལྟམས་པས་རྒྱ་ཕིག་གསེར་ཁྲི་འོད་དུ་འབར།།

གཟི་འོད་འབར་བའི་གསེར་ཞག་འཕྲོས་པས་གསས་ཁང་བ་རབ་ཡོངས་འདུལ་གྱི།
ཕུག་ལ་སྐུ་གསུང་ཐུགས་ཀྱི་རྟེན་རྣམས་གཟི་བརྗིད་བྱིན་རླབས་ཚན་ཁ་ཆེ།
གཡས་གཡོན་འཇའ་ལུས་འཕོ་ཆེན་སྐུ་རྟེན་གང་མཇལ་ངན་སོང་སྒོ་མོ་གཅོད།
ནང་ལ་བཤད་སྒྲུབ་སྒོམ་པའི་སློབ་གླིང་འདུས་སྡེའི་གཙང་ཁྲིམས་རྨད་དུ་བྱུང་།

ལུང་རིག་གཏེར་གྱི་རྩལ་ཁ་རྒྱས་པའི་དགེ་བའི་བཤེས་གཉེན་ཆེན་མོ་དྲུང་།
གབ་མཛོད་ས་གསུམ་སྡེ་སྣོད་རྣམས་དང་འཕྲུལ་སྒྲོན་རྣམ་ལྔའི་གཞུང་ཆེན་ལ།
ཐོས་བསམ་འཚོ་བ་རོལ་འོག་ཙམ་ནས་རྣམ་དཔྱོད་རིག་པའི་བང་ཁ་འགྲན།
ཡིན་མིན་བདར་ཤ་ཐལ་འགྱུར་གྱིས་བཅད་རྒྱལ་བསྟན་སྐྱོང་བས་བཤད་གྲྭའི་སྡེ།

ཟག་བཅས་གཟུགས་ཕུང་འོད་སྐུ་དེངས་པའི་ཀུན་མཁྱེན་དྲི་མེད་སྙིང་པོ་ཡི།
ཐུགས་དགོངས་རྩལ་ལས་ཡོངས་སུ་བལྟམ་པས་མཛོད་ཆེན་སྡེ་ལྔའི་གཞུང་དག་ལ།
འཆད་ཉན་ཐོས་བསམ་ཡང་དག་གིས་དྲང་དཔྱད་འཇོག་རེ་མོས་སྒོམ་པའི་མཐུས།
ས་ལམ་ཡོན་ཏན་ཉམས་རྟོགས་རྒྱས་པའི་རྣལ་འབྱོར་དོན་རྟོགས་སྒྲུབ་གྲྭའི་སྡེ།

བླ་མེད་ཨ་སྙན་རྫོགས་གསུམ་ལྟ་བ་མ་བཅོས་སྤྲོས་པའི་མཐའ་བྲལ་བ།
དམིགས་མེད་རང་གསལ་སྒོམ་པའི་མཐིལ་ལ་ཡེང་མེད་རིག་པའི་སོ་པ་བཙུག །
གསལ་སྟོང་འཛིན་པ་བྲལ་བའི་ངང་ལ་ཕ་རོལ་ཕྱིན་བཅུ་ལྷུན་གྱིས་གྲུབ།
མ་བཅོས་རིག་པ་རྐྱང་འདེད་རྒྱུན་སྐྱོང་རང་རིག་རྣལ་འབྱོར་སྒོམ་པའི་སྡེ།

སྡེ་གསུམ་རྣལ་འབྱོར་ལས་ལ་བརྩོན་ཞིང་འདོད་ཆུང་ཆོག་ཤེས་རང་གཤིས་བཟང་།
ལྷར་བཅས་འགྲོ་བའི་གཙུག་ཏུ་བཀུར་བའི་སེམས་དཔའ་འདུས་པ་རྒྱ་མཚོ་ཡི།
ལྷག་བསམ་འོ་མའི་རྒྱ་མཚོའི་ཀློང་ནས་གཞན་ཕན་རླབས་ཀྱི་ཟིལ་པ་འཐོར།
ཁྱུང་ནག་ལྷ་སྡེ་ཡོངས་ཀྱི་སེམས་ལ་དགེ་ཚོགས་རླབས་ཀྱི་མྱུ་གུ་རྒྱས།

གནས་འདིར་དཀར་ནག་སེར་གསུམ་ཡུལ་ལས་རླབས་ཆེན་ཁྱུང་ནག་གདན་ས་ཞིག།
གནས་འདིར་སྔོན་བྱོན་སྐྱེས་ཆེན་མང་པོ་གྲུབ་པ་ཐོབ་སའི་ཕ་ས་ཞིག།
གནས་འདིར་བླ་མེད་རྫོགས་ཆེན་བོན་གྱི་ཉམས་རྟོགས་རྒྱས་སའི་གནས་བཟང་ཞིག།
གནས་འདིར་གྲུབ་ཆེན་ནམ་འཕང་གཅོད་སའི་ཁྱུང་ནག་དགོན་གྱི་འདུས་སྡེ་ཡིན །།

གནས་འདིར་ས་དབྱིབས་པད་མ་རྒྱས་འདྲ་ནམ་ལ་འཁོར་ལོའི་གདུག་ཕུབ་ཚུལ།
གནས་འདིར་ཤར་ཕྱོགས་རྒྱ་སྟག་འགྱིང་འདྲ་བྱང་དུ་རུས་སྦལ་མཆོང་འདྲའི་དབྱིབས།
གནས་འདིར་ནུབ་ཕྱོགས་རྨ་བྱ་ལྡིང་འདྲ་ལྷོ་རུ་གཡུ་འབྲུག་འཁྱུག་འདྲའི་གནས།
གནས་འདིར་སྲུང་བཞིས་སྲུང་བའི་ཚུལ་དུ་གསང་སྔགས་བསྟན་པ་དར་སའི་ཞིང་།

གནས་འདིར་སངས་རྒྱས་བསྟན་པ་དར་བས་བཀྲ་ཤིས་བདེ་ལེགས་ཕུན་སུམ་ཚོགས།
གནས་འདིར་སེམས་ཅན་བདེ་སྐྱིད་རྒྱས་པས་ཨ་མ་བག་གྲོ་སྐུ་ཁམས་བཟང་།
གནས་འདིར་ཚེ་གཡང་བསོད་ནམས་འཕེལ་བས་ཚེ་རིང་ནད་མེད་ལོངས་སྤྱོད་རྒྱས།
གནས་འདིར་ཚོགས་གཉིས་བསོད་ནམས་གཏེར་གྱིས་གཏན་དུ་བདེ་བ་ཐོབ་པར་ཤོག
ཁྱུང་ནག་བཟོད་པ་ཚུལ་ཁྲིམས་ཀྱིས་སྤྱི་ལོ་༢༠༡༨/༩/༢༥ཉིན
 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.