༄༅་།ཚོགས་གཉིས་གཏེར་ལས་སྐུ་གཉིས་མཚན་བཞད་དོན་གཉིས་ཕུལ་ཕྱིན་ཐོད་དཀར་སྲས། དྲུག་ཅུའི་དབྱངས་ཀྱིས་བརྒྱད་ཁྲིའི་བོན་བསྙད་ཉོན་མོངས་འཇོམས་བྱེད་གཡུང་དྲུང་བོན། རིག་གྲོལ་གཉིས་ལྡན་ཡོན་ཏན་གྱིས་བསྡུས་ས་ལམ་བརྒྱུད་ལྡན་སེམས་དཔའི་ཚོགས། རིན་ཆེན་རྣམ་གསུམ་སྤྱི་གཙུག་རྒྱན་བཞུགས་འགྲོ་རྣམས་སྲིད་མཚོར་སྒྲོལ་དུ་གསོལ། །
ཤེས༵་བྱའི་གནས་ཀུན་མ་ལུས་གསལ་བའི་རྣམ་ཀུན་མཁྱེན་བརྩེའི་ཡོན་ཏན་རྫོགས།
རབ༵་འབྱམས་ལུང་རྟོགས་བོན་གྱི་འཁོར་ལོ་ཁམས་གསུམ་གདུལ་བྱའི་ཞིང་ལ་བསྐོར།
རྒྱལ༵་བའི་ཡོན་ཏན་སྤངས་རྟོགས་ཆ་འདྲ་སྐལ་ལྡན་རྒྱུད་ལ་འཕོ་མཛད་པ།
མཚན༵་ལྡན་བླ་མ་སྨྲ་བའི་སེང་གེས་ཤེས་རབ་རིག་པའི་དངོས་འགྲུབ་སྩོལ། །
རྣམ༵་དཀར་ཟད་མེད་ཡོན་ཏན་ལྷུན་རྫོགས་ཐུགས་ཉིད་ཟླ་བའི་མ་མ་ལས།
རྣམ༵་མང་འགྲོ་རྣམས་བྱམས་བརྩེས་འཆིང་པའི་ལྷག་བསམ་དུང་ཟླ་མཁའ་ལ་བཞད།
རྣམ༵་འདྲེན་བླ་མ་མི་ཡི་ཚུལ་བཟུང་ལུང་རྟོགས་བོན་གྱི་འཁོར་ལོ་བསྐོར།
རྣམ༵་མཁྱེན་བོན་སྐུའི་རྒྱལ་ས་ཟིན་ཡང་སྲིད་འདིར་འགྲོ་འདྲེན་ཤ༵ར་རྫ༵་པ། །
ཕྱི༵་ལྟར་རྣམ་དག་འདུལ་བསྟན༵་ལམ་གྱི་གཙང་ཁྲིམས་ཉིས་བརྒྱའི་དྲི་ཞིམ་འཐུལ།
ནང༵་ལྟར་ཏིང་འཛིན༵་རྣམ༵་གསུམ་འཕྲུལ་གྱིས་རྒྱུ་ལུས་འོད་སྐུ་མངོན་དུ་བཞེངས།
གས༵ང་བ་ཀ་དག༵་རྫོགས་པ་ཆེན་པོའི་སྣང་བཞིའི་གོམས་ཚད་མཐར་ཕྱིན་པ།
གསང་གསུམ་བདག་ཉིད་སྨྲ་བའི་དབང་པོས་དགོངས་བརྒྱུད་རྟོགས་པའི་བྱིན་རླབས་སྩོལ། །
སྙིགས་མ་ལྔ་བདོའི་ལས་རླུང་རྐྱེན་གྱིས་སྒྲུབ་བརྒྱུད་འཕར་རྩ་ཆད་ཉེའི་སྐབས།
གཤེན་བསྟན་སྲོག་རླུང་གཅིག་ཏུ་བསྡུས་ནས་ལུང་རྟོགས་ཟུང་ཁྲག་དྭངས་མ་ཡིས།
སྐལ་ངན་སྐལ་ཁུག་དངོས་སུ་གསོས་ནས་སྒོམ་བསྒྲུབ་བསྟན་པའི་ལང་ཚོ་ནི།
ཁྱུང་ནག་བསམ་གླིང་དགོན་ལ་རྒྱས་མཛད་འཁྲུལ་ཞིག་བོ༵ན་དབྱིང༵ས་ར༵ང་གྲོལ༵་རྒྱལ། །
ཕན་བདེ་མ་ལུས་འབྱུང་བའི་ལྟེ་གནས་སངས་རྒྱས་བསྟན་པ་རིན་པོ་ཆེ།
དེ་ཉིད་ཡུན་དུ་གནས་པར་བྱེད་ལ་འཆད་ཉན་སྒྲུབ་ལ་རག་ལས་པས།
བཤད་བསྒྲུབ་བསྟན་པའི་བ་དན་དེ་ཉིད་ཕྱོགས་བཅུར་ཡོངས་སུ་བསྒྲེང་པ་ལ།
མཐུན་རྐྱེན་ལྷུན་འགྲུབ་འགལ་རྐྱེན་ཀུན་སེལ་ལྷ་སྲུངས་ཚོགས་ཀྱིས་གྲོགས་མཛོད་ཅིག །
ཅེས་མཆོད་བརྗོད་མེ་ཏོག་ཕྲེང་བས་ཚིག་གི་ལམ་ཡངས་པོར་ཕྱེས་ནས་ད་ལན་༧དཔལ་གཤེན་བསྟན་ཁྱུང་ནག་བསམ་གཏན་གླིང་གི་གཙུག་ལག་ཁང་ངམ་གས༵ས་ཁ༵ང་བ༵་ར༵བ་ཡོང༵ས་འ༵དུལ་གྱི་དཀར་ཆགས་ཉི་མའི་སྙིང་པོ་འགོད་པ་ལ། དེ་ཡང་གནས་གཞི་འདིར་གསས་ཁང་བ་རབ་
ཡོངས་འདུལ་ཞེས་པའི་མཚན་དེ་ཇི་ལྟར་བཏགས་པའི་ཚུལ་ནི། ལྷོ་འཛམ་བུ་གླིང་གི་དམིག། སོག་ཀ་བོན་གྱི་འབྱུང་གནས་། གནས་མཆོག་དམ་པ་འོལ་མོ་ལུང་རིང་། དེའི་ལྷོ་ཕྱོགས་
དབལ་སོ་གངས་ཀྱི་རྭ་བའི་ནང་དུ། མུ་ཁྱུད་བདལ་པའི་མཚོ་འགྲམ་ན། དབང་ཆེན་ས་
བདག་གི་གླིང་ཞེས་བྱ་བ་ཡོད་དོ། ཡུལ་དེའི་ཤར་ཕྱོགས་སུ་མཚོ་གླིང་འདམ་བུའི་ཚལ་ལ། མཚོ་གླིང་བར་ཁམས་ཀྱི་གབ་རྩེ་གླིང་དགུ་འདྲ་བ་ཅིག་གི་དཀྱིལ་དུ། འདམ་བུ་མེ་ཏོག་གི་
ཚལ་ཆེན། རུ་སྦལ་པད་མ་སྤུངས་པ་འདྲ་བ་གཅིག་སྣང་བ། དེའི་དབུས་སུ་བཞེངས་པའི་
གསས་ཁང་ཆེན་པོ་དེ་ལ། ལྷ་ཡི་དབང་པོ་བརྒྱ་བྱིན་དང་། གཙུག་ན་རིན་ཆེན་དང་། ཐང་བཟང་རིང་སྐྱེས་དང་། འདོད་པ་དགུ་འགྱུར་དང་། འཇིག་རྟེན་གྱི་མངའ་བོ་ཆེ་རྣམས་
ཀྱིས་དཔྱད་པས། གསས་ཁང་ཆེན་པོ་དེ་ནི། ཆུ་གླིང་རྒྱ་མཚོའི་དཀྱིལ་གྱིས། གཞན་དག་
གང་ཡང་མི་འདྲ་བར། ལྷ་ཡི་གསས་ཁང་ཆེན་པོ། བརྟན་ལ་བརྗིད་པ། ལྷུན་ལ་ཆགས་
པ། བཙུན་ལ་འཇིགས་པ། སྒེག་ལ་མཛེས་པ་། རྒྱ་རུ་ཆེ་བ། དཔང་དུ་མཐོ་བ། གཞན་
ལས་དཔགས་པ། ངོ་མཚར་ཆེ་བ། དེ་ལྟ་བུ་གཅིག་ཏུ་སྣང་སྟེ། མངའ་བོ་ཆེ་བཞིའི་ཞལ་
མཐུན་ནས། མཚན་ཀྱང་གས༵ས་ཁ༵ང་བ༵་རབ༵་ཡོང༵ས་འ༵དུལ་ཞེས་བྱ་བ་བཏགས་སོ། དེ་ལ་
སྟོན་པ་ཡང་ཐུགས་དགྱེས་ནས། ཞལ་འཛུམ་པར་མཛད་ནས་བཀའ་བསྩལ་པ། ལེགས་
སོ་ལེགས་སོ་འཇིག་རྟེན་མངའ་དབང་ཅན། གཡུང་དྲུང་བསྟན་པ་དར་ཞིང་རྒྱས་པ་དང་། ལྷ་ཀླུ་མི་གསུམ་དགེ་བ་འཕེལ་བ་དང་། ས་བདག་རྒྱལ་པོའི་དགོངས་དོན་འགྲུབ་པའི་ཕྱིར། དགུང་ཟླ་ངོ་གསུམ་གསས་ཁང་རྒྱས་པར་གྲུབ། བཟོ་རྒྱལ་གར་མས་ཤིན་ཏུ་བསྐོས་ལེགས་
ཤིང་། འཛམ་གླིང་རྒྱན་དྲུག་ཤེས་རབ་རྩལ་རྫོགས་པས། ངོ་མཚར་ཡིད་འོང་གཞལ་ཡས་
ཀུན་ལས་འཕགས། ལྷ་ཀླུ་མི་གསུམ་མངའ་དབང་རྒྱལ་པོ་ཡི། མཚན་རྟགས་དཔེ་དང་དོན་
དུ་འཛོམས་པར་བྱུང་། བ༵་ནི་བོན་ཉིད་དབྱིངས་ལས་སྤྲུལ་པས་བ༵། རབ༵་ནི་འགྲོ་བའི་དོན་ལ་
བྱོན་པའི་རབ༵། ཡོངས༵་ནི་ཐུགས་རྗེས་ཡོངས་ལ་ཁྱབ་པས་ཡོངས༵། འདུལ༵་ནི་ཐབས་མཁས་
འགྲོ་བ་འདྲེན་པས་འདུལ༵། དེ་ཡི་ཕྱིར་ན་བ་རབ་ཡོངས་འདུལ་ལོ། དེ་ཡང་གསས་ཁང་འདི་
ལ་བརྟགས་པ་ནི། བསྟན་པ་རིན་ཆེན་མཐའ་རྒྱུད་རྒྱས་པར་འབྱུང་། ཞེས་བདག་ཅག་གི་
སྟོན་པའི་ལུང་གིས་བསྔགས་པའི་གསས་ཁང་དེ་ཉིད་ཀྱི་མཚན་དེ་། དེང་དུས་རྒྱལ་བསྟན་
སླར་གསོའི་རྟེན་འབྲེལ་གྱི་གནད་ལ་དམིགས་ཏེ། གསོལ་བའི་འདུས་སྡེ་སྙག་ཆེན་ལི་
ཤུས་ཕྱག་བཏབ་པའི་ཁྱུང་ནག་བཀྲ་ཤིས་དགོན་གྱི་གཡོན་ཟུར། གསང་བྲག་རིན་ཆེན་ཁྱུང་
རྫོང་གི་མདུན་ཞོལ་ས་དབྱིབས་པད་མ་འདབ་བརྒྱད་རྣམ་པར་བཀྲ་ཞིང་གནམ་ལ་འཁོར་ལོ་རྩིབས་བརྒྱད་འོད་དུ་འབར་བ། ལོག་ལ་བཀྲ་ཤིས་རིགས་རྟགས་འབུར་དུ་ཐོན་པའི་གནས་
བཟང་བཀྲ་ཤིས་སུམ་མདོའམ་ས་སྔོན་སྒང་ཞེས་པའི་ས་གནས་དེ་ཉིད། གསང་བདག་གྲུབ་
པའི་དབང་པོ་གྲུབ་ཆེན་བཟོད་པ་རིན་པོ་ཆེ་ལས་སོགས་སྐྱེས་ཆེན་དུ་མའི་ལུང་གིས་བསྔགས་པའི་ས་དམིགས་དེར་ཁྱུང་ནག་དགོན་གྱི་འདུས་སྡེ་ཆགས་ན་རྒྱལ་བསྟན་གྱི་མེ་རོ་སླར་ཡང་རྒྱས་ཤིང་སྐྱེ་འགྲོ་ལྷ་སྡེ་ཡོངས་ཀྱི་ཚེ་གཡང་བསོད་ནམས་འཕེལ་བའི་རྟེན་འབྲེལ་གྱི་གནད་ཆེའོ། ཞེས་པའི་ས་གནས་དེར་བཞེངས་པའི་རྒྱལ་བསྟན་སྐྱོངས་པའི་ལྷ་སྲུང་གི་སྡོང་གྲོགས་དང་
བཅས་ཏེ་ཉེ་བར་གྲུབ་པའི་གཙུག་ལག་ཁང་འདི་ཉིད་དོ། མཚན་གང་གིས་གསོལ་ན་སྙིགས་
མའི་དུས་འདིར་གྱེར་སྤུངས་དྲན་པ་ནམ་མཁའ་ཚངས་སྤྱོད་ཚུལ་ལྡན་གྱི་གཟུགས་སུ་བསམ་
བཞིན་དུ་བྱོན་པ་ ༧ སྐྱབས་རྗེ་ཡོངས་འཛིན་སྨྲ་དབང་བསྟན༵་འཛིན༵་རྣམ༵་དག༵་རིན་པོ་ཆེས་
གསོལ་པའོ།༧དེ་ལ་ཡང་དགོས་ཆེད་དང་། གནས་གཞི་བཟུང་བའི་ཚུལ་། གཙུག་ལག་
ཁང་ཕྱི་ནང་གི་སྐོར་དང་། རྟེན་གསུམ་བཞེངས་པའི་ཕན་ཡོན་བཅས་བཞིའོ། དང་པོ་ནི། སྐྱབས་རྗེ་ཡོངས་འཛིན་རིན་པོ་ཆེས་མཛད་པའི་ཁྲི་བརྟན་ནོར་རྩེའི་དཀར་ཆག་ལས། སྐྱེས་
དང་སྐྱེ་བའི་འགྲོ་བ་བསོད་ནམས་ཀྱི་ཞིང་དང་། རྒྱལ་བསྟན་རིན་པོ་ཆེ་འཇིག་རྟེན་གྱི་ཁམས་
སུ་ཡུན་རིང་དུ་གནས་པའི་ས་བོན་བཤད་བསྒྲུབ་འཁོར་ལོ་ལ་རག་ལས་གཤིས་དེའི་གཞི་
བསྐྲུན་པ་ནི་དགོས་ཆེད་དོ། ཞེས་དང། བསྟན་པ་རིན་ཆེན་རབ་ཏུ་བརྟན་པའི་མདོ་ལས། བསྟན་པ་རིན་ཆེན་བརྟན་པ་དང་། སེམས་ཅན་སྒྲིབ་པ་སྦྱོང་བ་དང་། ཕྱི་རབས་རྣམས་
ལ་དཔེ་བསྟན་ནས། དགེ་བ་ཅི་ལྟར་སྤྱོད་པ་ནི། གཤེན་རབ་བདག་གི་བསྟན་པ་ལ། སྐུ་
གསུང་ཐུགས་ཀྱི་བསྟན་པ་གསུམ། ད་ལྟ་སྐུ་ཡིས་འདུལ་བའི་དུས། སྔོན་ནས་སྒྲིབ་སྦྱངས་
ཚོགས་རྫོགས་ཤིང་། སེམས་ཅན་ལས་སྐལ་ལྡན་པ་རྣམས། ད་ལྟ་བདག་དང་འཇལ་བའི་
དུས་། བདག་ལ་མཆོད་པ་ཕུལ་བ་ཡིས། ཚོགས་ཀྱི་ལྷག་མ་རྫོགས་ནས་སུ། ཐར་པ་མངོན་
སངས་རྒྱས་ཏེ་སོང་། ཕྱིན་ཆད་སླད་ན་ལུས་པ་ཡི། འགྲོ་བ་སེམས་ཅན་ཐམས་ཅད་ཀྱང་། ཞལ་མཐོང་ཐར་པ་མ་ཐོབ་ཀྱང་། སེམས་ཅན་སྒྲིབ་པ་སྦྱངས་ནས་སུ། སླད་ནས་ཐར་པ་
ཐོབ་པའི་ཕྱིར། སྐུ་གདུང་བརྩེག་ཅིང་སྐུ་གཟུགས་བཞེངས། གསུང་རབ་ཡི་གེའི་རྒྱུད་
བྲིས་ན། འབྲས་བུ་ཐར་པ་ཐོབ་ཏེ་འོང་། ཞེས་གསུང་པའི་ཕྱིར། གཉིས་པ་ནི། གནས་
གཞིར་འདིར་ཡོད་པའི་ས་ཞིང་རྣམས་ས་ཞིང་བདག་པོ་རྣམས་ཀྱིས་རང་མོས་ཀྱིས་དགོན་ལ་བསྟན་རྩར་ཕུལ་ནས་སྤྱི་ལོ་ ༢༠༠༨ ལོར་རང་དགོན་གྱི་བླ་གྲྭ་སྡེ་དཔོན་མང་ཚོགས་ཡོངས་
ཀྱིས་དགོན་པ་གནས་སྤོ་དགོས་པའི་རེ་འདུན་དེ། རྫོང་ཆོས་དོན་ཅུས་དང་རྫོང་སྲིད་གཞུང་
འབྲེལ་ཡོད་སྡེ་ཚན་ལ་སྙན་གསན་ཞུས་ནས་གོང་རིམ་དབུ་ཁྲིད་ཁག་ནས་མི་རིང་བར་གནས་སྤོ་བྱེད་ཆོག་པའི་ཆོག་མཆན་ཐོབ། སྤྱི་ལོ་ ༢༠༡༠ ལོའི་ཟླ་བ་ ༦ པའི་ཚེས་ ༡༠ ཉིན། ཁྱུང་ཡུལ་བསྟན་པའི་གཙུག་རྒྱན་ཟླ་སྤྲུལ་རིན་པོ་ཆེ་དང་། གྲུབ་ཆེན་ནམ་མཁའ་རྒྱལ་མཚན
་རིན་པོ་ཆེ་རྣམ་གཉིས་མཆོག་གི་ཞབས་ཟུང་བསྟན་པའི་འཁོར་ལོ་གནས་འདིར་བཅག་པའི་ཚེ། ཆིབས་བསུ་དང་སེར་ཕྲེང་དཀར་ཕྱོགས་ལྷ་ཀླུ་མི་གསུམ་མཐོང་ཚད་སྤྲོ་སེམས་འཕེལ་བ་
ཞིག་ཞུས་ནས། གནས་འདིར་ས་སློང་རྟེན་འབྲེལ་གྱི་མཛད་སྒོ་ཟབ་རྒྱས་གནང་ནས་མ་
འོངས་རྒྱལ་བསྟན་དར་ཞིང་རྒྱས་པའི་བཀྲ་ཤིས་སྨོན་འདུན་གྱིས་མཚམས་སྦྱར་ནས། ཁྱུང་
ནག་བླ་གྲྭ་དབུ་ཁྲིད་ལྷ་སྡེ་ཡོངས་ནས་བསྟན་པ་དར་ཞིང་རྒྱས་པའི་བཀྲ་ཤིས་ཁ་གཡང་དང་། ལྷ་རྒྱལ་སོགས་དབྱངས་སུ་གྱེར་ཞིང་བཀྲ་ཤིས་ཕྱེ་མར་བར་སྣང་གི་དབྱིངས་སུ་འཐོར་ནས་ས་སློང་གི་མཛད་སྒོའི་རིམ་པར་གྲུབ་པའོ། ༧དེ་ནས་གཙུག་ལག་ཁང་གི་ཕྱི་བརྩེག་གི་རྡོ་རྣམས་
ཁྱུང་ནག་ལྷ་སྡེ་ཡོངས་ནས་དཀའ་བ་ཁྱད་བསད་ངལ་བ་དང་ལེན་གྱི་སྒོ་ནས་ཝ་ལ་ནས་རྡོ་
སློག་ནས་རྡོ་རླངས་འཁོར་ཉིས་བརྒྱ་ལྷག་ཙམ་གནས་གཞི་འདིར་འབྱོར། རང་དགོན་གྱི་
བླ་མ་དང་མཁན་པོ་གྲྭ་བཙུན་རྣམས་རང་རང་གི་ཤེས་འཇོན་ལ་ལྟོས་ནས་ལས་དགོས་བྱས་ཏེ། གཙུག་ལག་ཁང་གི་ཕྱི་དབྱིབས་དང་ཐིག་བཀོད་རྣམས་མཁན་ཡེ་ཤེས་རབ་གསལ་མཆོག་ནས་འགན་བཞེས། གཙུག་ལག་ཁང་གསར་བཞེངས་ཀྱི་སྤྱི་ཁྱབ་ལས་འཛིན་པ་མཁན་བསམ་
གཏན་དགེ་ལེགས་དང་། དེ་བཞིན་མཐའ་ཞུ་བླ་མ་དཔལ་མཆོག་དང་ཚུལ་ཁྲིམས་བློ་གྲོས། ཚུལ་ཁྲིམས་ཉི་མ་བཅས་ཀྱིས་ཨར་ལས་དོ་དམ་གྱི་འགན་བཞེས་ནས། གཙུག་ལག་ཁང་གི་
རྨིང་བཏིང་ནས་བཟུང་རང་དགོན་གྱི་བླ་གྲྭ་ལྷ་སྡེ་ཡོངས་ཀྱིས་མཛུབ་མོ་ལྔ་ལ་སེན་མོས་རྒྱབ་
སྐྱོར་ཟེར་བའི་དཔེ་ལྟར་མཐུན་འབྲེལ་གྱི་རྡོག་རྩ་གཅིག་ཏུ་བསྒྲིལ་ནས། དཀའ་བའི་ཚེགས་
དང་དཀོན་པ་རྒྱུ་ནོར་གྱི་རྒྱབ་སྐྱོར་ཚད་མེད་བྱུང་བའི་ཉེར་ལེན་ལས་མཐོང་ཡུལ་གྱི་དངོས་པོ་འདི་ཉིད།ཁྱུང་ནག་ལྷ་སྡེ་རྣམས་ནས་ཐེང་དང་པོའི་བསྟན་རྩ་ཕུལ་བ་ཞིབ་ཕྲ་རྩིས་བྱང་ལས་གསལ་བ།ཁྱོན་སྡོམ་ཁྲི་ཉིས་བརྒྱ་མ་ཟིན་ཙམ་ཡོད་པ་
མངོན།》གྲུབ་པའོ།
ཚེ་སྔོན་རྣམ་དཀར་བཟང་པོའི་ཉེར་ལེན་ལས།
རྙེད་པའི་དལ་འབྱོར་རྟེན་བཟང་ཐོབ་པའི་དུས།
ལས་སྐལ་གཙུག་ལག་ཁང་བཞེངས་གོ་སྐབས་ཤར།
དལ་འབྱོར་སྟོང་ལོག་མ་གཏོང་དགེ་ལ་གཞོལ།
