རྨུ་ཐག་ཆད་པ།།

སེམས་པ་འདིས་ཟླ་འོད་ལྟ་བུའི་དམིགས་པ་ཞིག་གཏད་ནས།

ང་       ཁྱེད་ཕྱོགས་སུ་ཡོང་ཡོད།

རེ་བ་རུམ་གང་ཁྱེར་ནས་ཡོང་ཡོད།

སྐུད་པ་གཅིག་ལ་རྒྱུད་བཞིན་པའི་མུ་ཏིག

འདི་ནས་སྤུ་གྲི་རྣོན་པོས་བཅད་པའི་ཐག་པ་བཞིན་ཆད་སོང་།

མི་རིགས་ཞིག་ལས་དབང་ཆད་སོང་།

                     བང་སོ།

ལོ་སྟོང་གི་ཡར་སྔོན་དུ།

འུ་ཅག་གིས་མེས་པོ་ཚོས་མགོ་བོ་སྒུར་ནས།

སྨྲ་ལྕེ་ནས་མནར་ནས།

ཁྱི་གུ་ཞིག་ལྟར་ཁྱེད་ཀྱི་གམ་དུ་བཅར་བྱེད།

ད་ནི་སྔོ་ལྡུམ་གྱིས་ཁ་སྤུ་ཟིང་ཀྱང་།

ཁ་སྤུ་བྲེག་མཁན་མེད་ཅིང་།

ཁྱེད་ཀྱི་ནོར་བུ་བཙན་གྱིས་ཁྱེར་ནས་རྒྱང་ལ་ཆས་ནས་འགྲོ