ཕྱིར་དྲན།

                             ཁ་བ་རྐང་གླིང་།

ལྗང་ལྡེམ་ལྡེམ་གྱི་དག་ཞིང་ཞིག

ཁ་ཐོར་དུ་གནས་པའི་ཁང་པ་འགའ

དར་ལྕོག་གི་རྩེ་ནས་འཁུར་བའི་ནམ་མཁའ་དང་སྤྲིན་དཀར

ཡུལ་མི་ཚོའི་དགའ་སྐྱོའི་གཞས་ཆུང་ལེན་ས

ཁྱོད་ནི་གཞུང་ཞབས་པ་ཚོའི་འབོད་པའི་གྲོང་གསེབ

ང་རང་གྲོང་གསེབ་ནས་སྐྱེས་ནས་འཚར་བཞིན

ང་རང་གྲོང་གསེབ་ཀྱི་བདེ་སྐྱིད་ལ་གོམས་ཏེ

ཁྱེད་རང་བསྒྱུར་བར་ཡེ་ནས་མི་དགའ

ཨར་འདམ་ལས་བསྐྲུན་པའི་ཁང་པ

སྲང་ལམ་གྱི་བར་ནས་གཡག་རྒོད་ཀྱི་འགྲོ་ལམ་མེད་ཅིང

གཡག་རྒོད་ཀྱི་གྲིབ་གཟུགས་ཀྱང་མིན་འདུག

ང་རང་ལོ་མང་པོའི་སྔོན་གྱི་གྲོང་གསེབ་ཁོ་ནར་ཕྱོགས་བཞིན

ནམ་མཁའ་དང     སྤྲིན་དཀར    ལྗང་ལྡེམ་ལྡེམ་གྱི་སྣང་ཞིང

ངའི་ཆུང་དུས་ཀྱི་གཞས་ཆུང་ལེན་ས

ངས་དག་ཞིང་ཞེས་ཡང་ཡང་བོས།