ཕ་ལོ་དྲན་པ།
སྐྱ་རྩེ་གོམས་རྩེ་མི་ཤེས་པའི་བདག
རི་ཀླུང་བརྒལ་ཏེ་གློག་འོད་ཀྱི་གྲོང་ཁྱེར་ཞིག་ཏུ་ཁྲིད་བྱུང
གྲོང་ཁྱེར་འདི་ཕུགས་འདུན་གྱི་གོམ་ལག་རྒྱས་སའི་ཞིང་ཁམས་ཡིན་ཟེར
གྲོང་ཁྱེར་དེ་མ་འོངས་པའི་ཕ་ས་ཡིན་ནོ་ཟེར
ཨ་ཕའི་མངགས་བྱ་དག་དྲན་འཛིན་དུ་གཏན་པོར་ངེས
རང་གི་ཕུགས་བསམ་ལ་ཁ་ལོ་བསྒྱུར་སའི་ཞིང་ཁམས་དེ་ན
ཀ་ཁ་ག་ངའི་དབྱངས་རྟ་ནས་གྱེར་ཏེ
རྒྱ་ཡིག་གི་ཤམ་ཐབས་ནས་འཇུས་ཏེ
ཕུ་བསམ་གྱི་སླད་དུ་མདུན་ན་མདུན་དུ་འདུར
གཞུང་ཞབས་པ་ཞེས་པའི་ཡིག་འབྲུ་འདི་དག་ཆེ་དྲག་པས་ཡིན་ནམ
རང་ཉིད་ལ་ནུས་པ་ཆུང་དྲག་པས་ཡིན
བདག་གིས་གསལ་པོར་ཤེས་པར་དཀའ
བདག་དང་ཕ་ཡུལ་གྱི་བར་དུ་གཙང་པོ་ཆེན་པོ་ཞིག་གིས་ཆོད་ནས་འདུག
