ཕྱེད་ཀ

                                                    ཁ་བ་རྐང་གླིང་།

ཨ་ཕའི་དཔུང་པ་ལྟ་བུའི་ཁྱེད་རང་རྒྱང་ལ་ཆས་ཏེ

ཁྱེད་ཀྱི་བཞག་པའི་གཅེས་ཕྲུག་ཚོ

མུན་ནག་གི་རྒྱ་སྲང་མྱུལ་བ་ལྟར་མནར་རོ

ཨ་མའི་བརྩེ་སེམས་ཀྱི་ཕྱེད་ཀ་ལྟ་བུའི་ཁྱེད

ང་ཚོ་དང་གྱེས་ཏེ་ཐོ་རེངས་ཀྱི་སྐར་མ་ལྟར་རྒྱང་ལ་བུད་སོང

ཁྱེད་ཀྱི་སེམས་ཀྱི་ཕྱེད་ཀ་ལྟ་བུའི་སྤུན་ཟླ་ཚོའི་སེམས་སུ

འཇིག་རྟེན་ནི་མུན་པར་མཐོང་བཞིན

འཛོམས་པ་ནི་བྲལ་བའི་སྔ་ལྟས་ཡིན་པ་རྟོགས་སོང

བདག་གི་ཨ་ཕའི་ཕྱེད་ཀ་ལྟ་བུའི་ཁྱེད

རླུང་བུ་བཞིན་རྒྱང་ལ་ཕེབས་ནས་མཐོང་བར་དཀའ

བདག་གི་གཅན་གཅུང་ཚོ

སེམས་པ་གཏིང་རུམ་ན་རྨ་ཞིག་ཟོས་འདུག

ད་ལྟའང་རྨི་ལམ་དུ་ཟུག་གི་མནར་རོ།