མི་རེར་བདེ་སྐྱིད་མི་འདྲ་བ་རེ་ཡོད།།
ཁ་བ་རྐང་གླིང་།
ལྗོན་པའི་སྟེང་གི་འབྲས་བུ་རྣམས་ཟག་སོང་།
གྲང་ཤུར་ཤུར་གྱི་རླུང་བུར་འཇབ་སྟེ་དགུན་ཁ་སླེབས་བྱུང་།
ཉི་འོད་ལ་འཚེར་ཤུགས་མེད་པས། བྱིས་པ་ཚོ་ཁ་འདར་བྱེད།
རྒན་མོ་ཚོ་ཁོང་འདར་རྒྱག
ལྕགས་ཟམ་གྱི་སྟེང་དུ་ལྷམ་ཀོག་སྦྱར་བཞིན།
དུས་ཚོད་ཀྱི་བཅད་པའི་མཐོ་རྩེགས་འདི་ཡང་བསྐྲུན་ཚམས་བཞག་ཚར།
དུས་ཚོད་ལ་དབྱེ་མཚམས་གཅོད་ཁོམ་མེད་པའི་ཞིང་པ་ཚོ།
རང་ཡུལ་གྱི་སྐྱུར་ཏེ་ཤོག་སྒོར་ཕྲན་བུ་ཞིག་གི་ཆེད་དུ།
ཟླ་འོད་བསྙེགས་ནས། ཐོ་རེངས་སྐར་ཆེན་དེད་ནས།
གཙང་ཙོག་གི་གདམ་ག་མེད་ཅིང་།
དཀའ་ངལ་གྱི་སྡུག་ཡུས་མི་འདོན་པར།
བྲེལ་བྲེལ་ཚུབ་ཚུབ་ཀྱི་ལས་ལ་བྲེལ་བཞིན།
ངོ་གདོང་གི་ཁྲོ་གཉེར་ཡོད་སུ་སྦས་ཏེ།
རྔུལ་ཆུའི་ཁྲོད་དུ་དགའ་སྤྲོའི་དགོད་སྒྲ་གྲག་བཞིན།
མི་རེ་རེར་བདེ་སྐྱིད་མི་འདྲ་བ་རེ་ཡོད་དོ་ཟེར།