ཨ་མ་སྐུ་ལས་ཁག་སོང་།
ཁ་བ་རྐང་གླིང་།
མངལ་ལས་མ་བཙས་ཁོག་ནང་དུ།།
རྐང་པས་ཕར་རྡུང་ཚུར་རྡུང་བྱེད།།
བདག་ནི་དགའ་བས་རྣ་ཡི་ཉན།།
ཆུང་མ་སྐྱིད་པར་བྲོད་ཕུར་བྱེད།།
སྨན་ཞབས་བུ་མོས་རྟགས་པ་ལ།།
སང་ཉིན་གནང་ཉིན་ཡོད་དོ་ཟེར།།
བདག་དང་ཨ་མ་བཀྲ་བཟང་སོགས།།
སྐབས་རེ་འགའ་བཞིན་སྐབས་རེ་སྐྲག།
ཉིན་གསུམ་རྟེན་འབྲེལ་འགྲིག་སོང་།།
དུས་དང་ཞག་མ་སྒུག་པ་ཡི།།
སྙིང་གི་ཚི་ལུ་འཁྲུངས་སོང་ངོ་།།
ནམ་མཁའ་འཇའ་ཡི་ཁེངས་སོང་ངོ།།
ཙེ་ཙེ་ལག་གི་ཕྱི་ནང་གཅིག །
ལག་ཏུ་བླངས་ན་དངངས་པར་བྱེད།།
རྒྱང་ནས་ལྟས་ན་སྙིང་རེ་རྗེ།།
དེ་ནི་བདག་གི་སྙིང་ནོར་རོ།།
ད་ལྟ་ལས་ཐོག་འཇུག་དགོས་ཟེར།།
བྱམས་པའི་གཟུགས་པོ་མ་གསོས་སོ།།
བུ་ཆུང་པང་དུ་ཉར་ཁོམ་མེད།།
བདག་སེམས་ན་ཟུག་ཁོ་ནས་འཁྱབ།།
སྙིང་ནོར་ཉིན་ངུ་མཚན་ངུ་རེད།།
ཨ་མ་བཀྲ་བཟང་འོབ་རྒྱལ་ངལ་ཆེ །།
བྱམས་པ་འུ་ཐུག་བདག་ལ་རྩོད།།
བདག་ནི་བསམ་མེད་ཕར་ལ་རྩོད།།
དགུན་གྱི་གྲང་བས་མལ་ན་སྐྱིད།།
བྱམས་པ་བྱམས་པའི་ཨ་མ་བཅས།།
ལྭ་བ་བུ་ལུབ་གྱོན་ནསནི།།
བུ་ཆུང་པང་ནས་རྩེད་དགོས་སོ།།
བྱམས་པའི་ངལ་སོ་རྫོགས་སོང་ཟེར།།
ལས་ཐོག་མྱུར་དུ་འཇུག་དགོས་ཟེར།།
ཨ་ཁ་ཨ་ཚ་མ་མཁྱེན་ནོ།།
བུ་ཆུང་རྨོ་བོར་ལུས་སོང་ངོ་།།
རྨོ་བོས་བྱམས་ཀྱི་སྐྱངས་བའི་བུ།།
ད་ལྟ་བྱམས་རང་གྲག་སྐད་འདུག །
ཕ་ཡི་བུ་བཟང་གཅེས་ནོར་ཁྱོད།།
ཁ་ལ་ཉན་ཞིག་ང་ཡི་ཞུ།།
༼ མུ་བགོད་བྱ་རྒྱུ་ཡིན ༽
