སྒྲིག་འཇུག...
 
ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
གཏམ་བརྗོད་རང་དབང་།
[ 2014/5/3 14:50:00 | By: ཁ་བ་རྐང་གླིང་། ]
 

གཏམ་བརྗོད་རང་དབང་།

 

                        

 

གཏང་བརྗོད་རང་དབང་ནི་རང་དབང་ཐམས་ཅད་ཀྱི་ཨ་མའམ་

རྨང་གཞི་ལྟ་བུ་རུ་གྱུར་ཡོད་པས།  ང་ཚོས་གཏམ་བརྗོད་རང་དབང་ཟེར་

བ་དེ་གང་ལ་ཟེར་མིན་ལ་ངེས་ཤེས་ཡག་པོ་ཞིག་མ་ཁྱོངས་ཀྱང་ཕྱོགས་ཙམ་

ཞིག་གོ་དགོས་པ་ཡིན།  དེ་ཡང་ཨ་མེ་རི་ཀའི་ཁྲིམས་གཞིབ་པ་ཆེན་མོ་

པེན་ཇ་མེན་གྱིས་གཏམ་བརྗོད་རང་དབང་ནི་རང་དབང་གཞན་དག་

སྐྱེད་བྱེད་ཀྱི་མ་ལྟ་བུ་རེད་ཟེར།  ༼གལ་ཏེ་ཐོབ་ཐང་ཡོད་ཚད་ལས་

མཐོ་བའི་ཐོབ་ཐང་ཞིག་ཡོད་ན།  དེ་ནི་གཏམ་བརྗོད་རང་དབང་གི་

ཐོབ་ཐང་ཡིན་ཟེར་༽  དེས་ན་འུ་ཚོས་གཏམ་བརྟོད་རང་དབང་ལ་

གོ་བ་ངེས་ཅན་ཅིག་སེམས་སུ་ཤར་བ་བྱེད་དགོས།  དེས་འུ་ཚོ་སྤྱི་

སྒེར་གཉིས་ཀར་ཕན་པའི་འབྲས་བུ་ཆེན་པོ་བསྐྲུན་ཐུབ་པ་ཡིན།།

 

   དེ་ཡང་།  ང་ཚོས་རྒྱུན་མཐོང་གི་གནས་ཚུལ་མང་པོ་ཞིག་ལ་

རང་རང་གི་བསམ་ཚུལ།  ལྟ་ཚུལ། དྲན་ཚུལ་སོགས་འདོན་སྤེལ་བྱེད་

ཆོག་ལ།  གཞན་གྱི་དེ་དག་ཀྱང་རང་གི་ཉན་འཇོག་བྱེད་པའི་ཐོབ་

ཐང་ཞིག་ལ་ཟེར་ན་མི་འགྲིག་པ་མེད། གཏམ་བརྗོད་དེ་ཡང་།  ཆབ་

སྲིད་དང་འབྲེལ་བའི་གཏམ་བརྗོད།  རིག་གནས་དང་འབྲེལ་

བའི་གཏམ་བརྗོད།  སྒྱུ་རྩལ་དང་འབྲེལ་བའི་གཏམ་བརྗོད་སོགས་

རངརང་གི་སེམས་ཚོར་མཚོན་པའི་བརྙན་འཕྲིན་དང་ཡི་གེ 

རི་མོ།  སྐད་ཆ།  གསར་འགྱུར་

སོགས་ཀྱི་རང་གི་རྒྱལ་ཁོངས་ནས་བུད་དེ་གཞན་ལ་འདོན་སྤེལ་བྱེད་

ཆོག་པ་ཞིག་དང་།  གཞན་གྱི་དེ་དག་ཀྱང་འཚོལ་སྤེལ་བྱེད་ཆོག་པས་

ནས་དེ་ལ་ལྟོས་བཅས་ཀྱི་གཏོམ་བརྗོད་རང་དབང་གྱི་ཕྱོགས་

སུ་བསྐྱོད་པ་མངོན་ཐུབ།  དེས་ན་འུ་ཚོར་རིག་གནས་གསར་རྙིང་

གི་བརྡུང་རྡེག་སོགས་ནས།  དེ་འདྲའི་རང་ཞིག་ཡོད་དམ་མེད། 

དེ་དག་ལ་འུ་ཚོས་མནོ་བསམ་ཡག་པོ་གཏོང་དགོས།།

 

  གཏམ་བརྗོད་རང་དབང་ལ་དགེ་མཚན་མང་དུ་ཡོད་དེ། བྱང་སྐ་

གྱིས༼ཆེ་བ་ནས་བཤད་ན་སྲིང་གཞུང་གི་སྲིད་བསྒྲུབ་དང་ཐད་ཀྱི་ནོར་

འཁྲུལ་ལ་ཡོ་བསྲིང་གི་གྲོགས་བྱེད་ཐུབ་པ་རེད།  ཆུང་ས་ནས་སྲིད་

དབང་ལ་བརྟེན་ནས་ཁྲིམས་མེད་ལུགས་མེད་བྱེད་པར་ལྟ་རྟོག་

བྱེད་ཐུབ་པ་ཟད།  རུལ་སུངས་བ་ཚོ་སྲིད་ཀྱི་གོ་གནས་ལས་

མར་འབེབས་པར་གླེང་ཕྱོགསམབཟོ་ཐུབ་༽ཞེས་གསུང་པ་ལྟར། 

ང་ཚོའི་རྒྱུན་ལྡན་འཚོ་བའི་ཁྲོད་ན་དེ་འདྲའི་དཔོན་ངན་ག་ཙམ་

ཡོད་ང་ཚོའི་སེམས་ན་ཁྲིག་ཁྲིག་ཡོད་པ་རེད།  དེ་འདྲ་ཡོང་

བའི་རྒྱུ་མཚན་ཀྱང་།  ང་ཚོར་ཁྲིམས་ལུགས་ཤེས་བྱ་དམན་

དྲག་སྟེ་དཔོན་ངན་སྡུག་པ་ཅན་ཚོས་མགོ་འཁོར་དང་ཁྲིམས་ལ་

ལག་རྩེད་རྩེ་ནས་དྲང་གཞག་མིན་པའམ།  རང་དོན་གྱི་ཆེད་

དུ་སྲིད་གཞུང་གི་མིང་སྤྱད་པ་སོགས་དོན་པ་མིན་ནམ། 

དེར་བརྟེན་ང་ཚོས་ངེས་པར་དུ་སློབ་སྦྱོང་བྱེད་དགོས་པ་རྣམ་

བྱེད་དགོས་པ་མངོན་སུམ་མིག་གིས་མདུན་དུ་བཤམས་པ་

མིན་ནམ།།

 

    མདོར་ན་གཏམ་བརྗོད་རང་དབང་ཞེས་པ་ནི། གཙོ་བོ་

ཆབ་སྲིད་རང་དབང་གི་གཏམ་བརྗོད་དང་འབྲེལ་བའི་རང་དབང་

ལ་ཟེར་བ་ཡིན།  རྒྱུ་མཚན་ནི་ཆབ་སྲིད་ཐད་ཀྱི་གཏམ་བརྗོད་རང་

དབང་མེད་དུས།  དམངས་གཙོའི་སྤྱི་ཚོགས་ཆགས་སའི་གཞི་རྟེན་

མེད་པ་རེད།  དེར་བརྟེན་ཨ་རིའི་ཁྲིམས་ཀྱི་བཟོ་བཅོས་ཁྲིམས་གཞི་

དང་པོ་རུ།  ༼གཏམ་བརྗོད་རང་དབང་ངམ་གསར་འགྱུར་དཔེ་སྐྲུན་

གྱི་དབང་ལ་ཚོད་འཛིན་བྱེད་མི་ཆོག་༽པའི་གཏན་འབེབས་མཛད་པ་

རེད།  དེས་ན་ང་ཚོས་རང་དབང་གཏམ་བརྗོད་ལ་དགའ་ཞེན་བྱེད་

དགོས་ལ་དེ་དར་སྤེལ་ཡང་གཏོད་དགོས།  དེས་ང་ཚོ་ཀྲུང་གོ་རྒྱལ་

གྱི་མི་དམངས་བདེ་སྐྱིད་སྤརད་པ་རེད་ལ།  ང་ཚོ་ཀྲུང་གོ་རྒྱལ་ཁབ་

ཀྱི་ཁེ་ཕན་གྱི་ཆེད་དུ་རང་ནུས་ཡོད་དགུས་ནུས་པ་འདོན་མཁན་ཡང་

ཇེ་མང་ནས་ཇེ་མང་དུ་འགྲོ་ངེས་སོ།།

 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.