༄༅།། ཁབ་དང་མདེའུ་ཁོང་དུ་ཤོར་བ།

ཁབ་དང་མངོན་དུ་ཕྱོགས་པའི་མདེའུ་ཁོང་དུ་ཤོར་ན་ཨ་རུ་ར་ཞོ་གསུམ་དང༌། བ་རུ་ར་ཞིགང༌། རྡོ་ཁབ་ལེན་ཞོ་གསུམ་བཅོས་སྦྱར་བའི་ཕྱེ་མ་ཐུན་རེ་སྲིན་བལ་ཕྲན་ཙམ་དང་ཆབས་ཅིག་ཆུར་སྦྱངས་ཏེ་བཏང་ཐོག བསྒུལ་བསྐྱོད་མ་བྱས་པར་གན་རྐྱལ་དུ་ཉལ་ནས་བསྡད་པས་ནམ་ཞིག་ཁབ་དང་མདེའུ་ཚག་གང་ཡོད་བཤང་བ་མཉམ་དུ་འབབ་ཀྱི་ཡོད་པ་རེད། ཡང་ན་ཁབ་ལེན་ཐུན་གཅིག་ལ་ཛཱ་ཏི་དང༌། ལི་ཤི། ཀ་ཀོ་ལ། ཅུ་གང༌། ཨ་རུ་ར།  སུག་སྨེལ་བཅས་ཐུན་ཕྱེད་རེ་སྦྱར་བ་ཆང་ངམ་ཆུས་རྟ་བྱས་ནས་ཟས་ཀྱི་སྔ་རྗེས་སུ་གཏོང་བ་དང༌། དེ་རྗེས་ཉུང་མའི་ཚོད་ཁུ་བཏུངས་པས་མདེའུ་ཚག་དོན་ཐུབ།     ༄༅།། གྲེ་བར་གྲ་མ་སོགས་ཟུག་པ།      གྲེ་བར་གྲ་མ་ཟུག་ན་སྦྲུལ་གྱི་ཚིལ་བུ་བྱུགས་པའམ་ཡང་ན་ནས་ཀྱི་ཕུབ་མའི་ཐང་བསྐོལ་བཏང་བས་ཕན། གྲེ་བར་རུས་པ་ཟུག་ན་ཤ་དམར་ལྷེབ་ཙམ་ཞིག་སྐུད་པར་བསྐྲོགས་ནས་ཁར་མྱགས་རྗེས་སྐུད་སྣེ་བཟུང་སྟེ་ཁོང་དུ་མིད་ནས་ཡར་འཐེན་ན་དོན་གྱི་ཡོད། གྲེ་བར་ཉ་རུས་ཟུག་ན་སོ་བྱའི་ཤ་ཁུ་འཐུང་བ་དང༌། སྲམ་གྱི་སྣ་དང་མཆེ་བ་གཉིས་ཆུར་བསྐོལ་བའི་ཁུ་བ་འཐུང་རྒྱུ། ཡང་ན་གནའ་བའི་རྭ་སྙིང་དུམ་བུ་གཅིག་ཁར་མུར་དགོས། སྟབས་བདེ་ཤོས་ལ་ཀ་ར་ཁའི་ནང་དུ་མུར་བ་དང༌། ཆུ་གྲང་མོ་བཏུངས་པས་ཕན།     མཚོ་སྔོན་ཞིང་ཆེན་བོད་སྨན་ཁང་གི་དྲྭ་ཚིགས་ལས་བཤུས།