བཀྲ་ཤིས་དུས་བཟང་ཞིག་གི་ཉིན་མོ་ལ། །
ཧི་མ་ལ་ཡའི་བོན་གྱི་དྲྭ་ཚིགས་ཤིག །
འཁྲུངས་ཞེས་འཛམ་གླིང་འཛིན་མའི་འཁྱོན་འདི་རུ། །
འབྲུག་ལྟར་སྒྲོག་ཅིང་གློག་ལྟར་འཁྱུག་ཅིང་བྱུང་། །
དྲྭ་ཚིགས་འདི་ཡིས་བོནད་ཀྱི་ཤེས་རིག་དག །
མཁས་བརྒྱ་འགྲན་གླེང་མེ་ཏོག་མཉམ་བཞད་ལྟར། །
དེ་སྔོན་བོན་གྱི་ཤེས་རིག་ལོ་རྒྱུས་དག །
མ་ཤེས་པ་རྣམ་ཤེས་པར་བྱས་པ་དང་། །
ཅུང་ཟད་ཤེས་མཁན་དག་ལ་གསལ་གདབ་སོགས ། །
གྲགས་ཅན་མཁས་དབང་དག་གི་མཛད་རྗེས་དང་། །
མ་ནོར་ལམ་སྟོན་བཀའ་སློབ་ཞལ་གདམས་རྣམས། །
དྲྭ་ཚིགས་འདི་ཡི་ཕན་ཡོན་བརྗོད་ལ་འདས། །
སྤྱི་ཟླ་ལྔ་པའི་ཚེས་གཅིག་ཉིན་མོ་ལ། །
ཧི་མ་ལ་ཡའི་བོན་གྱི་དྲྭ་ཚིགས་ལ། །
ཧི་བོན་ཟིན་བྲིས་སྲས་སུ་སྐུ་བལྟམས་ནས། །
ཤར་གཏོང་བྱེད་ཞེས་བརྡ་སྦྱོར་དངོས་སུ་བཀྲམ། །
དེ་ནས་ཁོ་བོ་དྲྭ་ཚིགས་དེའི་ནང་དུ། །
ཞུགས་འདོད་བློ་སྐྱེད་དྲྭ་བའི་གཙོ་སྒྲུབ་པར། །
ཡར་ཞུ་བྱས་པར་ལམ་སེང་མོས་མཐུན་བྱས། །
དགའ་བ་འབུམ་བརྟས་ཐོག་མའི་ཟིན་བྲིས་ཤིག །
རྟེན་འབྲེལ་མཚོན་བྱེད་ཙམ་དུ་དྲྭ་ཁང་དུ། །
ཤར་མར་བྲིས་པ་ནོར་བ་མང་མཆིས་པས། །
ཤེས་ལྡན་རྣམས་ཀྱིས་ཐད་ཀར་སྐྱོན་བརྗོད་དང་། །
མ་ནོར་ལམ་གཏོང་བུ་ངའི་རེ་བ་ཡིན། །
དྲྭ་ཚིགས་འདི་ཡི་ཚེ་སྲོག་རི་རྒྱལ་ལས། །
བརྟན་ཞིང་བརྗིད་ལ་ཡར་ངོའི་ཟླ་ལྟར་དུ། །
གོང་ནས་གོང་དུ་འཕེལ་བའི་སྨོན་མདུན་ཞུ། །
འདི་རུ་འཇུག་མཁན་གཡུང་དྲུང་སྤུན་གྲོགས་དག །
རང་ལས་མཐོ་བ་རྣམས་ལ་ཞྭ་བཞིན་བཀུར། །
རང་འདྲ་རྣམས་གཅིག་གྲོགས་གཅིག་གིས་བྱེད། །
རང་དམའ་རྣམས་ལ་ཀུན་གྱི་རོགས་རམ་རེམས། །
སླར་ཡང་དྲྭ་ཚིགས་འདི་ཡི་གཙོ་སྒྲུབ་ཚོར། །
ཁ་མིན་སེམས་ཀྱི་གཏིང་ནས་ཁྱེད་ཚོ་ལ། །
དྲྭ་ཚིགས་འདི་འདྲ་བཟོས་པར་བཀའ་དྲིན་ཆེ། །
