ངེས་ཚིག་བདེན་པའི་བོན་ལུང་།
རྣམ་མཁྱེན་སྟོན་པ་གཤེན་རབ་མི་བོ།
གང་དག་མཁས་པ་མཁས་པའི་གྲལ་ན་བ#འདིའི་ཡར་སྔོན་མདུན་ངོས་སུ་འཆར་ཐུབ།#ཙུན། མི་ཤེས་བླུན་པོའི་གསེབ་ན་ཅང་ཤེས་གླང་།
མཁས་པ་མིན་པས་མཁས་པའི་ཆ་འཛིན་ན། བླ་མ་མཁས་པའི་དོན་ལ་མི་གུས་པར།
རིགས་ཀྱི་རྒྱལ་ནས་ཆེ་ཆོས་བྱེད་པ་ནི། ཁང་སྟོང་སྒོ་ལྕགས་ཅན་དང་ཅི་མ་འདྲ།
བཙུན་པོ་མིན་པས་བཙུན་པོའི་ཚུལ་འཛིན་ཅིང་། ཆེ་གཉེན་༼གཉན་
༽བཙུན་པོའི་གྲལ་གོང་འགྲིམས་པ་ནི།
མི་གཙང་དར་དུ་གཏུམ་དང་ཅི་མི་འདྲ། གསང་སྔགས་མིན་པས་གསང་སྔགས་ཁས་ལེན་ཅིང་།
སྦྱོར་སྒྲོལ་དྲག་པོའི་ལས་ལ་འཇུག་པ་དེ། འོད་དགའ་མེ་ལ་བསྙེགས་དང་ཅི་མི་འདྲ།
ཡེ་གཤེན་མིན་པས་ཡེ་གཤེན་ཁས་ལེན་ཅིང་། གཅིག་པུར་ལྐོག་ཏུ་གཡེང་བ་སྒྲུབ་པ་དེ།
རི་སྤྱང་གཟན་འཚོལ་དག་དང་ཅི་མི་འདྲ། ཐེག་ཆེན་མིན་པས་ཐེག་ཆེན་ཁས་ལེན་ཅིང་།
ཐེག་ཆེན་དོན་ལ་འཆད་ཉན་བྱེད་པ་དེ། བོང་བུས་སེང་ལྤགས་གོན་དང་ཅི་མི་འདྲ།
འདྲེན་པ་མིན་པས་འདྲེན་པ་ཁས་ལེན་ཅིང་། འདྲེན་པའི་སྟོན་པས་འགྲོ་དོན་བྱེད་པ་དེ།
གཉིས་སྦྲེལ་གཡང་ལ་མཆོངས་དང་ཅི་མི་འདྲ། ཞེས་སོ།
གཟི་བརྗིད་བདུད་བཏུལ་བར་ཆད་བསལ་བའི་མདོ་ལས་ཟུར་དུ་བཏོན་པའོ།།
