ངེད་རྩོམ་སྒྲིག་ཁང་ནས་འདོན་ཐེངས་བཞི་པའི་༼སྤུ་རྒྱལ་གངས་དཀར་༽
ཞེས་པའི་དུས་དེབ་རྩོམ་སྒྲིག་དང་འགྲིམ་སྤེལ་བྱེད་རྒྱུ་ལགས་ན
ཤེས་བྱ་རིག་པའི་གནས་ལ་མཁྱེན་སྤྱན་ཡངས་བ་དང་།
ལྷག་བསམ་གཞན་ཕན་གྱི་བསམ་བློའི་ཆུན་པོ་གཅིག་ཏུ་སྦྲུམ་ཞིང་།
རྩོམ་རིག་གི་གྲུ་ཆར་ཅི་དགར་འཐོར་བའི་རིས་སུ་མ་ཆད་པའི་
སྨྱུག་ཐོག་པ་ལྷན་རྒྱས་ཀྱི་སྙན་ལམ་དུ་ཞུ་རྒྱུ་ཞིག་ནི།
འདི་གར་འགོད་རྒྱུའི་རྩོམ་རིག་གི་ནང་དོན་ནི་ཆབ་སྲིད་ཀྱི་
འགལ་འདུའི་དྲི་མས་དབེན་ཞིང་མི་རིགས་རིག་གནས་ལ་ཕན་པའི་
དོན་སྙིང་དང་ལྡན་པ།འཚོ་བ་དངོས་ཀྱི་ནང་ལེགས་ཉེས་བླང་དོར་
གྱི་དམིགས་བུ་རུ་འགྱུར་བ་ཞིག་སྟེ།མདོར་ན་ཤེས་རིག་ཞིབ་འཇུག་
ལ་ནུས་པ་འདོན་རྒྱུ་དང་མི་དམངས་མང་ཚོགས་ལ་སློབ་གསོའི་
འཚོ་བའི་ཞབས་འདེགས་ཞུ་བ་ཞིག་ཡིན། ནང་གསེས་ཀྱི་དབྱེ་བ་ལ་རྩ་བའི་ཆ་ནས་
ལོ་རྒྱུས་དང་། དཔྱད་རྩོམ། བསླབ་བྱ། དམངས་ཁྲོད། སྙན་རྩོམ། སྒྲུང་གཏམ།འཕྲིན་གསར་བཅས་ཡིན་ལ།
དེ་དག་གི་ནང་དོན་ནི་གོང་ནས་ཞུས་ཟིན་པའི་ཆ་རྐྱེན་གྱི་རྨང་གཞིའི་ཐོག་ལུགས་གཉིས་ལ་འཐེན་འཁྱེར་མི་བྱེད་ཅིང་།
ཆོས་ལུགས་ཀྱི་གྲུབ་མཐའི་ཕྱོགས་ཞེན་དེ་བས་མེད་པ་ཞིག་དགོས།
མཇུག་ཏུ་རྩོམ་པ་པོ་སོ་སོའི་སྡོད་གནས་དང་འབྲེལ་བ་བྱེད་ཡུལ་ཞལ་པར་ཨང་གྲངས་སོགས་གསལ་པོར་འབྲི་དགོས།
༧ཆེད་དུ་གསལ་བཤད་བྱེད་རྒྱུ་ཞིག་ནི།གཞན་རྩོམ་བསྒྱུར་བཤུས་ཀྱི་རྐུན་རྒྱུ་དང་།
དུས་དེབ་གཞན་གྱི་ནང་བཀོད་ཟིན་པའི་རྩོམ་དག་འདི་ན་སྐྱེལ་མི་རུང་།
གལ་སྲིད་གནས་ཚུལ་དེ་རིགས་བྱུང་ཚེ་འགན་སོ་སོས་འཁུར་དགོས་པ་ལས་ང་ཚོས་འགན་རྩ་བ་ནས་འཁུར་གྱི་མེད།
ཟུར་དུ་ཞུ་རྒྱུ་ཞིག་ནི། འདི་གར་བསྐུར་གནང་བའི་རྩོམ་གྱི་མ་དཔེ་སོ་སོས་ཉར་དགོས་པ་ལས་བསྐུར་ཟིན་པའི་རྩོམ་རྣམས་ཕྱིར་སློག་བྱེད་ཀྱི་མེད།།
རྩོམ་སྐུར་ཡུལ ། ཡིག་སྒམ།
bujiagongga@163.com
QQ 1440340701
ལག་ཐོག་ཁ་པར། ༡༨༩༨༩༠༥༣༨༧༨ ༡༣༥༡༨༩༡༥༡༩༡
