ཕ་ཡུལ་གྱི་སྤང་ལྗོངས།

                                        ཁ་བ་རྐང་གླིང་།

ནམ་མཁའ་གཡའ་དག་ཅིང

སྤང་ལྗོངས་སྔོ་ཐིང་ངེར

ཤང་ཤང་དུ་རྒྱུག་པའི་ཆུ་ཕྲན

ཆུ་ཕྲན་གྱི་མཛའ་གླུ་ལ་ཉན་ན

བྱིས་པ་འདི་གྲུང་བ་ཟེར

ལུང་པའི་དིའི་སྐྱིད་ཤས་ལ་ཟེར

སྤང་ལྗོངས་ཀྱི་སྟེང་ན་རྩེན་པའི་ལུག་ཁྱུ

མཚན་མོའི་སྐར་བ་བཞིན་དུ་འཚེར

རྫི་བོ་དག་གི་བསིལ་གླུའི་ཁྲོད་ན

ལུག་ཁྱུ་འབའ་སྒྲ་སྒྲོག

བདག་གི་ལུག་ཁྱུ་དང་སྤང་ལྗོངས

ཆུ་ཕྲན་དང་རྫི་བོ

ད་ལྟ་ང་དང་རྒྱང་ནས་རྒྱང་ལ་བཞུགས་འདུག

བདག་གི་གཅེན་གཅུང

གུས་པའི་ཡབ་ཡུམ

རྒྱང་རིང་གི་རྒྱང་རིང་ན་འཚོ

བདག་གི་བརྒལ་བར་དཀའ་བའི་རྒྱང་རིང་ན