བོད་ཀྱི་བུ་མོའི་ལས་དབང་།

             མེ་འབར།

འཆར་འཕྲིན་གྱི་དུས་རབས་སུ་བསླེབས་ཟིན་ཀྱང་།   ང་ཚོའི་ཕ་ཡུལ་

འདི་ཕྱོགས་བཞི་རི་བོས་བསྐོར་བས་ཡིན་ནམ།  ཡང་ན་འཛམ་གླིང་ཡངས་རྩེ་

ཡིན་པས་ཡིན་ངས་གསལ་པོར་ཤེས་མ་བྱུང་།   གང་ལྟར་ཀྱང་།   ང་ཚོ་བོད་ཀྱི་

བུ་མོ་མང་པོ་ཞིག་ནི་ད་དུང་ཡང་།   ཁྱོ་བོས་གང་བཤད་ལ་ཉན་པ་མ་ཟད་འགའ་

རེས་ཉེས་བརྡུང་དྲག་པོ་བཏང་ཀྱང་།   ཁོ་མོ་ཚོས་འདི་ནི་ཚེ་སྔོན་མའི་ལས་ངན་

བསག་པའི་འབྲས་བུ་རེད་ཅེས་ཟེར།།

དོན་དམ་ཁོ་མོ་ཚོ་དེ་འདྲའི་སྡུག་བསྔལ་གྱི་རྒྱ་རུ་བཅུག་མཁན་ནི་རང་རེའི་

ཕ་མ་ཚོ་མ་ཡིན་ནམ།   གང་ལགས་ཞེས་ན།   རང་རེའི་ཕ་མ་ཚོས་འདི་འདྲ་

གནང་བཞིན་འདུག   ཁོ་རང་གཉིས་མོས་མཐུན་ཡོད་མདེ་འདྲི་རྒྱུ་ཕར་ཞོག་

མཐོང་མྱོང་ཙམ་ཡང་མེད་པར།  ཁོ་གཉིས་བག་ཉལ་ཡིན་ཞེས།  ཆང་གི་བཟ་

བར་ཟོས་ནས།  བཙན་གྱི་ཁོ་གཉིས་ལ་འདོད་ཆགས་བསླངས་ཏེ།   སྙིང་པོ་མེད་

པའི་བཟའ་ཚང་ཞིག་དུ་གྱུར་བ་རེད། །

ངོ་མ་ང་ཚོའི་མི་རིགས་འདི་ནི་ངོ་ཚར་ཤིན་ཏུ་ནས་འཛེམ་པའི་མི་རིགས་

ཤིག་རེད།   ཡིན་ནའང་རང་དོན་གྱི་ཆེད་དུ་ངོ་ཚ་ཞེས་པའང་སྤང་ནུས་པ་

འདིར་བལྟས་ན།   ནམ་ཞིག་རང་གི་བུ་མོ་ཡི་སྡོམ་ལ་ཡང་ལྟ་བའི་ངེས་

པ་མིན་འདུག་ལ།    རིག་གསར་སྐབས་སུ་རིག་དངོས་རྩ་མེད་གཏོང་མཁན་

དེ་ཡང་ང་ཚོ་རང་ཉིད་མ་རེད་ཅེས་ཁ་ཚོན་གཅོད་པར་དཀའ། །

དེ་འདྲའི་གནས་ཚུལ་གྱི་རྐྱེན་པས།   བོད་མོ་ཚོ་ནམ་ཡང་མགོ་བོ་ཡར་

ལ་སྒྱེ་མི་ཐུབ་ཅིང་།    མང་མང་ཞིག་བཅར་བརྡུང་གི་ཁ་ནས་ཐར་གྱིན་མེད་པ་རེད།

རང་རེའི་ཡབ་ཆེན་ཡུང་ཆེན་ཚོས་མནོ་བསམ་གྱི་སྐུད་སྣེ་ཁབ་མིག་ནང་རྒྱུ་བ་ལྟར་

བསམ་བློ་རེ་ཐོང་དང་།   མེ་རེ་རེའི་བདེ་སྐྱིད་འཚོལ་སྟངས་ཆ་མ་རེད་ལ།   དེ་བས་

མི་གཉིས་མཉམ་མཐུན་གགྱི་བདེ་སྐྱིད་ཅིག་སྐྲུན་དགོས་ན།    མ་མཐར་དེ་གཉིས་

དུས་ཡན་ག་ཙམ་གཅིག་མ་གཤིབས་ཚེ་ཇི་ལྟར་བདེ་སྐྱིད་ལྡན་མིན་ཤེས་སམ། །

རང་རེའི་ཕ་མ་ཚོས་རང་གི་ཕྲུ་གུའི་བདེ་སྐྱིད་ཀྱི་ཆེད་དུ་མནོ་བསམ་ལེགས་

པོར་གཏོང་གནང་ཡོད་པར་མཁྱེན་མཁྱེན།།