སྡེར་སེན་ཡོད་པའི་མི།
སྡེར་སེན་ཡོད་འདྲ་མཇུག་མ་ཡོད་འདྲ།།
མཆེ་བ་ཡོད་འདྲ་སྤུ་ཚོགས་ཡོད་འདྲ།།
སྤྱན་གཟན་ཡིན་འདྲ་མི་ཡང་ཡིན་འདྲ།།
ང་ཡི་དབྱེ་འབྱེད་ལེགས་པར་མི་ཤེས་སོ།།
སྲིན་པོ་ཡིན་འདྲ་མི་མགོ་ཡོད་འདྲ།།
ཤ་ཁྲག་གཉིས་ལ་བརྔམས་བཏུང་བྱེད་སྐབས།།
ལངས་ཟུག་ཅན་གྱི་སྤྱན་གཟན་དེ་ཚོས།།
ང་ཡི་ནོར་གནག་བསད་པར་ཁག་ཅི།།
འཚོ་བཅུད་ཡོད་ཅེས་ཞིམ་མིན་གླེང་གི།
སྔོ་ཚལ་ཟོས་ན་འཚོ་བཅུད་མེད་ཟེར།།
སྡིག་སྲིང་སྦལ་བ་ཟ་རྒྱུར་དགའ་འདུག།
ཡང་ཉིན་ཞི་བདེའི་འཛམ་གླིང་ཡོང་ངམ།།
མི་ཤ་ཟ་མིན་ཤད་པར་དཀའ་སོང་།
ས་གཏིང་ས་འབུ་ཐར་ཐབས་མིན་འདུག།
ཨེ་མ་ང་ཡི་འབུ་གྲོགས་ཁྱེད་ཚོ།།
ང་ཡི་ཁོག་པའི་ནང་དུ་ཚངས་ཤོག།
