རྡོ་ཕུང་ཉིལ་བ།


                            འབྲོག་ཁ་མང་། 


སེམས་པ  ཤེལ་བུམ་གཟུགས་སུ་གྲུབ་རྐྱེན
མགྲིན་པ་བརྣངས་ཤིང་ངག་སྒོ་འགགས
དུ་བ་དང་བསྲེས་པའི་ཆུ་ཚོད་སྐར་མ
མགྱོགས་ནས་སོང་ངམ་དལ་བར་ཐལ
སེམས་ཀྱི་གཙང་པོ་འཕྱུར་ཚུལ་དང
ཁོག་ཏུ་རྡོ་ཕུང་ཉིལ་ལུགས
ང་ལ་མ་འདྲི
སྐད་ཅིག་གི་འཁྱུག་འགྲོས་བརྒྱུད་དེ
མེ་ལོང་ངོས་ཁ་རླངས་ཕོག་འགྲོ

ཁ་རོག་གེར
དུ་བ་དང་བསྲེས་པའི་ཆུ་ཚོད་སྐར་མ
རྣ་ལམ་གཟན་པའི་སོ་སྒྲ་ཏོག་ཏོག
སོ་སྒྲ་ཏོག་ཏོག

         
                                                  ༢༠༡༤/༠༤/༢༤ཉིན།

རྡོ་བའི་གྲོང་ཁྱེར།


                                 འབྲོག་ཁ་མང་།


ཚུལ་འཚོས་ཀྱིས་བཏེགས་པའི་ངག་གི་དབྱངས་རྟ
སྤྲིན་གྱི་གཤིས་སུ་སྦྲུམ་ནས་མཁའ་རུ་འཕགས


ང་ནི་ཁྱོད་དང་ཁྱོད་ཀྱང་ཁོང་ཡིན་བསྙད་པའི
གློ་བ་དང་མཆིན་པས
རྣ་བ་གོས་སུ་གྱོན


གློག་ཞགས་ལ་འཁྱུད་པའི
འུག་མིག་རྣོ་པོས།
མཚན་གཏིབ་གཏོང་བར་བྲེལ


ཞུ་མར་འགྲམ་ལྡིང་བའི
མེ་ལྕེབ་འདུར་མ
ཐབས་དང་ཤེས་རབ་ཕོངས


དེང་གཞས་མི་ལེན་པའི
བརླ་རྐང་མ་ཆགས་པའི
འབྲོང་རྭ་ཁ་ཤས་ཀྱིས
ཨུ་ཚུགས་སྐམ་ཟ་རྒྱག

                                             ༢༠༡༤/༠༤/༠༦ནུབ་མོར།