ལྷ་ཁང་དབུས་ཀྱི་སྙན་ངག

འབྲོག་ཁ་མང་།

༡

ཆོས་མཇལ་ཆས་ཡིག་དྲུག་གྱེར
བཅོན་མིན་གྱི་རང་གཤིས་གསོན་པོ་ཕྱི་རུ་མངོན

དྲི་མེད་ཀྱི་ཁ་དར་དཀར་པོ་དགུང་དུ་འཐེན

༢
ཤེལ་སྒྲོམ་ནང  བཞུགས་ཁྲིའི་སྟེང
ཞལ་མཇལ་བ་ཡོད་ཚད་ལྷ་རུ་བསྒོམས
                   ༣
ཤོག་སྒོར་ཕུལ་  གུས་ཕྱག་འཚལ
ལོ་ཅིག་གི་བགེགས་བར་ཞི་བར་སེམས

༤
ལྟད་མོ་བས

ཡིད་སྨོན་ཅུང་ཙམ་འཆོར་
སྐྱོ་བ་ཨེན་ཙམ་སྐྱེས

        དད་ལྡན་དེ།

               ༡

དད་སེམས་ཆེ་བའི་འབྲོག་རྒན་དེར

མ་ལྷད་ཀྱི་གཉུག་གཤིས་མཆིས་ཀྱང

འཆལ་གཏམ་གྱི་མགོ་འཇུག་བཏུམས་བདོག

༢

མཐོང་བ་ལས་ཐོས་པ་དགའ་ཞིང

ཉེ་འཁོར་ལས་རྒྱང་རིང་གཅེས་པའི

འབྲོག་རྒན་དེ
ཅི་ལྟར་འབྲེལ

༣
རྨོངས་རྨོངས་ཚོད་ཚོད་མ་བགྱི་བསྙད་ན
འར་དང་འུར་ལ་མ་མཉན་མཆད་ན

ན་ན་་་་་་་་་་་་་་་་་

མི་ཚོགས་མང་ས་དང་གཏམ་གླེང་སྙན་དེ་ནས
དོགས་པའི་སྒོ་ཁྱི་ཟུག་སྲིད་དམ