གཙུག་གི་ནོར་བུ།

ལྟ་བ་བདག་མེད་དུ་རྟོགས་ཤིང་།།
བསྒོམས་པ་སྙིང་རྗེ་རུ་གོམས་པ།།
སྤྱོད་པ་འཚེ་མེད་དུ་བསྟར་བའི།།
གཙུག་གི་ནོར་བུ་དེས་མཁྱེན་ནོ།།


རང་བྱུང་སྤྲོས་བྲལ་གྱི་བོན་སྐུ།།
འགག་མེད་ཡེ་ཤེས་ཀྱི་སྣང་བ།།
མ་བཙལ་ལྷུན་གྲུབ་ཀྱི་བདག་ཉིད།།
གཙུག་གི་ནོར་བུ་དེས་མཁྱེན་ནོ།།


ཀུན་གཞི་རྩལ་བྲལ་གྱི་དབྱིངས་ལ།།
རིག་པ་ཀློང་བརྡོལ་དུ་འཆར་བའི།།
ཀ་དག་ལྷུན་རྫོཊ་ཀྱི་བདག་ཉིད།།
གཙུག་གི་ནོར་བུ་དེས་མཁྱེན་ནོ།།

མ་བཅོས་མཐའ་བྲལ་གྱི་ཀློང་དུ།།
རང་བཞིན་འོད་གསལ་གྱི་འཕྲོ་འདུ།།
ཡེ་ཤར་ཡེ་གྲོལ་གྱི་བདག་ཉིད།།
གཙུག་གི་ནོར་བུ་དེས་མཁྱེན་ནོ།།


ཀློང་སྒོམ་གཡོ་མེད་ཀྱི་ངང་ལ།།
རིག་པ་ཟང་ཐལ་དུ་གྲོལ་བའི།།
སྐུ་བཞིའི་རྒྱལ་ས་ཡི་བདག་ཉིད།།
གཙུག་གི་ནོར་བུ་དེས་མཁྱེན་ནོ།།

༢༠༡༣ལོ་ཟླ༨ཚེས་༢༥ཉིན་སོར་བཅུ་པདྨོ་སྙིང་ཁར་ཟླུམ་སྟེ་བདག་གི་རྩ་བའི་བླ་མ་གཙུག་གི་ནོར་བུ་དཔལ་རྒྱལ་བ་ཀུན་གྱི་རྒྱལ་ཚབ་རྗེ་བཙུན་བླ་མ་དམ་པ་མཐུ་སྟོབས་རྣམ་རྒྱལ་རིན་པོ་ཆེའི་ཐུགས་རྗེ་སྐྱབས་འོག་ཏུ་ཚུད་པའི་སློབ་འབངས་ཡངས་ཀྱི་ཐ་ཤལ་བ་ཁོད་སྤུངས་རང་གྲོལ་ཉི་མ་རུ་འབོད་པ་བདག་གིས་བླ་མའི་བཀའ་དྲིན་རྗེས་སུ་དྲན་པས་གསོལ་བ་ཕུད་བཙུགས་སུ་བཏབ་སྟེ་ཕུལ་བ་དགེ་གྱུར་ཅིག།    སརྦམངྒལཾ།