སེམས་ཀྱི་འོད་སྣང་ཆ་གཅིག།

གངས་དཀར་ལྷུན་པོའི་ཞོལ་ནས།།

གནམ་གྱི་བུ་ཟིག་བྱོན་མྱོང་།།

དགོས་དགུ་སེམས་ཀྱི་ནོར་བུ།།

ས་ཕྱོགས་འདི་གར་བརྡོལ་ཟིག།

རྟག་ཏུ་ཞི་བ་ཆེན་པོས།།

འཕྲུལ་གྱི་ཡི་གེ་བཞི་ཅུ།།

གང་གི་མིང་གཞིའི་དོན་དུ།།

ཐབས་ཤེས་ཟུང་གིས་བཏོད་ཡོད།།

མིག་ལྡོངས་ཕྱོགས་རེ་ཅན་ཚོས།།

ཚུལ་མིན་བཤད་ཡམ་མང་རུང་།།

དོན་གྱི་གནད་ལ་འབྱོར་བ།།

མོ་གཤམ་བུ་ཡི་སྤུན་ཟླ།།

ཆིག་ཁྲི་བརྒྱད་སྟོང་ལྷག་ཅིག།

འདས་པའི་སྔ་རོལ་ཞིག་གིས།།

བོནད་ཀྱི་ཞི་བདེ་དེད་དཔོན།།

གཤེན་རབ་མྱི་བོས་གསུངས་སོ།།

གནམ་ལ་ཉི་ཟླ་ཆ་གཅིག།

ས་ལ་རྒྱལ་གཤེན་ཟུང་ཆགས།།

སྙིང་སྟོབས་རིག་པའི་གཤོག་འགྱུ།།

འཁྱུགས་རྩལ་གདོད་ནས་ངོམ་ཡོད།།

དཔའ་མཛངས་རྟུལ་ཕོད་དགུ་སྒྲིག།

སུ་ཡི་སྙིང་ལས་མཆེད་པ།།

རླབས་ཆེན་སྙིང་གི་སྡུག་རུས།།

ཟླ་མེད་གནམ་གྱི་འཁོར་ལོ།།

རྒྱལ་གཤེན་སྲིད་པའི་མཁའ་ལ།།

ཆོས་སྲིད་ཉི་ཟླ་རང་འགྲོས།།

ཞི་བདེ་འོད་ཀྱི་སྣང་བ།།

ས་གསུམ་ཁམས་ལ་བརྡལ་སོང་།།

ཉི་ཟླའི་རིག་པའི་འོད་པོས།།

གླིང་བཞིའི་སྨག་རུམ་བཅིལ་ཏེ།།

རིགས་ཀྱི་ལྗང་གསར་སྨྱུ་གུ།།

མཐའ་བཞིའི་ཡངས་ལ་གྲོལ་སོང་།།

ཡབ་མེས་བཀའ་དྲིན་རྗེས་དྲན་གྱི་ཚུལ་དུ་ཟླ༧པའི་ཚེས་༡ཉིན་ཁམས་མི་ཉག་དར་རྩེ་མདོར་ཞང་༧གངས་སྲས་སུ་འབོད་པས་འཕྲལ་མར་བྲིས།