ཀ་རྩོམ་ཀ་དག་མ།    

ཀ༵་དག་གཞི་ཡི་སྣང་ཚུལ་ཞིག་ལས་ཁ༵་བ་བོད་པའི་ཁྱིམ་དུ་སྐྱེས།།

ག༵་ལེར་ཕ་མའི་བྱམས་སྐྱོང་འོག་ཏུ་ང༵་ཡི་ལང་ཚོའི་ཁོ་ལག་རྒྱས།།

ཅ༵་ལག་དཔེ་གསར་གཡོ་འོག་མ་ཚུད་ཆ༵་ལུགས་མེས་པོའི་སྲོལ་བཟང་འཛིན།།

ཇ༵་ཧང་མདོག་འཆང་བཤེས་གཉེན་དྲུང་དུ་ཉ༵་ལྟར་མྱུར་བའི་ཤེས་རབ་ཀྱིས།།

ཏ༵་ལེར་རིག་པའི་གཞུང་ཆེན་ཀུན་ལ་ཐ༵་སྙད་ཙམ་མིན་ཞིབ་པར་སྦྱངས།།

ད༵་དུང་ཚེ་ལྷག་ཇི་ཡོད་བར་དེར་ན༵་རིམ་བཞིན་དུ་བསླབ་དམ་བཅས།།

པ༵་སངས་མདོག་གི་ལྷག་བསམ་དབེན་ཡང་ཕ༵་རོལ་གཞན་ལ་འཚེ་མེད་ངང་།།

བ༵་མིན་གླང་མིན་མི་རིགས་འདིའི་དོན་མ༵་འཇོན་ཅི་འཇོན་བྱས་ན་བསམ།།

ཙ༵་རིའི་གནས་སོགས་ཕྱག་སྐོར་མེད་ཀྱང་ཚ༵་གྲང་དཀའ་ཐུབ་དོན་པོ་ནི།།

ཛ༵་དྲག་གཉན་འཕྲང་དུས་ཀྱི་རྒྱལ་བསྟན་ཝ༵་ལེར་འཛིན་སྐྱོང་སྤེལ་བ་གནད།།

ཞྭ༵་དཀར་རིང་ལུགས་དགེ་བཤེས་མིང་འདི་ཟ༵་གོས་འཚོལ་བྱེད་མ་ཡིན་པར།།

འ༵་ཅག་མགོན་མེད་རྗེས་ལུས་རིགས་ལ་ཡ༵་མཚན་ཤེས་རིག་སློབ་པར་མོས།།

རྭ༵་ཅན་ཁྱུང་གསས་རྒྱལ་པོའི་ལྟ་བ་ལ༵་ཀླུང་གང་སར་སྤེལ་བའི་ཆེད།།

ཤ༵་ཁྲག་ལུས་ཀྱི་དཀའ་ངལ་མ་འཛེམས་ས༵་ཆ་མཐོ་དམན་ཀུན་ཏུ་བསྐྱོད།།

ཧ༵་ལམ་བཤད་ཚད་དྲང་བརྗོད་མ་གཏོགས་ཨ༵་མཚར་ཚིག་གི་རྒྱན་ཆ་མེད།།

ཨི༵་བདེན་སྙམ་ན་ཨུ༵་ཚུགས་ལྟོས་དང་ཨེ༵་མ་ངོ་མཚར་ཨོ༵་ལོས་རྙེད།།

   ༢༠༡༡་༤་༡༧ཉིན།