༄༅།།  དབྱངས་གསལ་སོ་བཞིའི་ཁ་ཏ།

༧ཀ༵་ལི་མགོ་ནག་ཁ༵་དོག་མ་སྒྱུར་ག༵་དུས་ཡིན་རུང་ང༵་ཚུགས་ཟུངས།།

 ཅ༵་ཅོའི་སྐད་ལོག་ཆ༵་ལུགས་དཔེ་གསར་ཇ༵་ཆང་ཤོ་བག་ཉ༵་ཟས་སྤོངས།།

ཏ༵་ཐཱ་ག་ཏའི་ཐ༵་དད་བན་བོན་ད༵་ནས་མ་རྩོད་ན༵་རག་རྒྱུ།།

པ༵་ཝ་སངས་སོགས་ཕ༵་མའི་སྐྱེ་ལུས་བ༵་ཕྱུགས་སྒོ་ཟོག་མ༵་བཤའ་ཀྱེ།།

ཙ༵་ནའི་ཤུགས་རྒྱོབ་ཚ༵་གྲང་ཁྱད་སོད་ཛ༵་དྲག་ཡོན་ཏན་ཝ༵་ལེར་སྦྱོངས།།

ཞྭ༵་ལུགས་གོས་སྟབས་ཟ༵་འཐུང་སྤྱོད་ལམ་འ༵་ཅག་མེས་པོའི་ཡ༵་རབས་སྲོལ།།

རྭ༵་ཅོ་ལྟར་སྲ་ལ༵་རྒྱ་མ་བརྗེད་ཤ༵་རུས་གཅིག་པའི་ས༵་ཟུངས་ཤིག།

ཧ༵་གོ་ཨ༵་ཕོའི་ཁ་ཏ་ཨི༵་འདྲ་ཨུ༵་ཚུགས་ཨེ༵་ཤེས་ཨོ༵་ལོ་ཚོ།   །