བླ་མ་མཁྱེན་ནོ།།

ཞང་ཞུང་བོད་ཀྱི་ཡུལ་ལ།།

བོན་གྱི་གྲུབ་མཐའ་སྲོལ་གཏོད།།

བརྒྱད་ཁྲི་བཞི་སྟོང་བོན་མཛོད།།

གཤེན་རབ་མི་བོ་མཁྱེན་ནོ།

།

དུས་ངན་སྙིགས་མའི་ཁུག་ནས།

།

དཀའ་བ་ཁྲི་ཕྲག་མྱོང་མཁན།།

ལམ་སྟོན་གསལ་བའི་སྒྲོན་མེ།

།

མཁན་སློབ་རྣམ་གཉིས་མཁྱེན་ནོ།།

བཀའ་བརྟེན་དཔེ་རྙིང་ཕྱོགས་བསྒྲིགས།།

འཛམ་གླིང་ཡུལ་གྲུ་ཀུན་ལ།།

དགོས་འདོད་ཇི་བཞིན་སྤེལ་མཁན།།

འོད་ཟེར་སྦྱིན་པ་མཁྱེན་ནོ།།

གཡུང་དྲུང་བོན་གྱི་བསྟན་པ།།

བསྐལ་པ་ཇི་སྲིད་བར་དུ།།

དེ་སྲིད་མངའ་ཐང་རྒྱས་ཏེ།།

འགྲོ་བའི་སྡུག་བསྔལ་འདྲེན་ཤོག །