མ་ཡུམ་བཀའ་དྲིན་ཆེ།།
      
མི་ལུས་རིན་ཆེན་གནང་བྱུང་།།

ཁ་འཇམ་ལག་འཇམ་བྱས་སོང་།།

ཕྱི་དཀར་ནང་དཀར་བྱས་བྱུང་།།

མ་ཡུམ་བཀའ་དྲིན་ཆེ་སོང་།།
བརྩེ་བ་ཟབ་པོ་བྱས་མྱོང་།།

དུང་བ་དཀར་པོ་སྟོན་མྱོང་།།

སྙིང་གཏམ་དམར་པོ་བཤད་མྱོང་།།

མ་ཡུམ་བཀའ་དྲིན་ཆེ་སོང་།།
སྔོན་པོ་གནམ་གྱི་འོག་ཏུ།།

ཨ་མའི་ལྷག་ཞིག་མེད་དོ།།

སེར་པོ་ས་གཞི་ཐོག་ལ།།

མ་ཡུམ་བཀའ་དྲིན་ཆེ་སོང་།།
ངང་རྒྱུད་ཆུ་ལས་རིང་བ།།

ཨ་མའི་གོང་ལ་སུ་མེད།།

ཡོད་ཚད་བུ་ལ་བཅོལ་མཁན།།

མ་ཡུམ་བཀའ་དྲིན་ཆེ་སོང་།།
དྲིན་ཅན་ཨ་མའི་ཞལ་རས།།

དུང་ཟླ་དཀར་ཆུང་འདྲ་ཡོད།།

ཨ་མའི་བརྩེ་སེམས་དྲོད་མོ།།

ཉིན་མོའི་འབྱུང་གནས་མཉམ་ཡོད།།
༢༠༡༥/༥/༡༠/༠༠/༢༢/ཐོག་མཇུག་སྒྲིལ་ཡོད།