ལྷ་བསྐོས་རྡོ་རིང

         

མི་ལོ་ཆིག་ཁྲི་གོང་གི་ཡར་སྔོན་ནས
ས་སྲོད་ཀྱི་མུན་པ་སེལ་བའི་མྱི་བོ་ཆེ
ཁྱེད་བཀའ་དྲིན་ཆེ་སོང

ཉི་མ་རིང་སོང
མཚན་མོ་རིང་སོང
ཉིན་ཞག་རིང་སོང
ཟླ་བ་རིང་སོང
ལོ་གྲངས་རིང་སོང

གཡོ་སྒྱུ་ཅན་འགས་འཁྲབ་སྟོན་བྱས
བཙན་པོ་གཡོ་འོག་ཏུ་ཚུད
ངན་པ་ཟུང་དུ་སྦྲེལ
བདེན་པ་མེ་ལ་སྒྲོན
ཐལ་བ་རླུང་ལ་བསྐུར
དེ་དུས་ཡོད་ཚད
ཆུ་བོས་ཁུར

དཀའ་སྡུག་ཁྲི་མ་འབུམ་མྱོང་བའི་མེས་པོ་ཚོའི
ལོ་རྒྱུས་ཀྱི་བདེན་དཔུང་ནག་བསུབ་བཏང
གཉའ་གནོན་གཤུ་བཞོག་གི་མུན་པ་འཁྲིགས
དུས་དེ་ནས་་་་་ཨ་ཁ་ཁ


དུས་རབས་ཀྱི་ཀྱོག་མཚམས་ཏེ
ཚེར་མའི་ལམ་ནས
རྐང་པ་དམར་རྗེན་གྱིས་བཤགས་ཡོད
བདེན་པའི་དར་ཆེན་མཁའ་རུ་བསྒྲེངས
སེང་ཆེན་ལགས་ཁྱེད་བཀའ་དྲིན་ཆེ

   སླར་ཡང

བསྟན་པའི་མེ་ཆེན་ཞིག་སྤར
སྒྲོན་མས་མུན་པ་ཞིག་སེལ
གསལ་ལམ་མེར་གྱི་འཇའ་ལམ་ཞིག་སྟོན
ས་སྒང་ཧྲིལ་པོ་འདིའི་སྒང་ལ
ལྷ་བསྐོས་ཀྱི་རྡོ་རིང་ཞིག་བཞེངས


མུན་སེལ་གྱི་སྒྲོན་མེ་ལགས
ནམ་མཁའ་བའི་རྒྱ་ཆེ
རྒྱ༷་མཚོ༷་ཡི་ཏིང་ཟབ
ནོར༷་བུ༷་བཞིན་དགོས་འདོད་སྟེར
དེ་ནི་འོད་ཟེར་སྦྱིན་པའོ

2015/8/27/ཉིན